نصائحم في شراء بروجكتر إحترافي. JVC or Epson ؟

[HAMANY]

السلام عليكم ورحمة الله،

بإذن الله بعد شهرين تقريبا راح أكمل دراستي فحاب أكافئ نفسي ب بروجكتر محترم.



الخيار الي في بالي هو JVC-X500R وله اسم ثاني RS49U او RS4910U(لكن فيه اختلافات بسيطة).
هذي الموديل سعره تقريبا 16,000 ريال (1600 دينار) مع الشحن



من خلال قرائتي لعدة ريفيوهات في النت، أغلب مستخدمين ال JVC يمدحون درجة السواد فيه.
لكن سلبياته تكمن في ال 3D وال Gaming. أقدر أستغني عنهم إذا كانت الصورة ممتازة جدا.



الخيار الثاني هو Epson 3020 وسعره تقريبا 10,000 ريال.


ما قرأت عنه بشكل كافي، لكن واحد من الشباب مدح جودة الصورة الي ينتجها هذا البروجكتر.


أسئلتي هي:
1) هل هناك فرق كبير في الجودة يستحق دفع هذا الفرق في السعر؟
2) هل أنتظر وارفع الميزانية وأخذ بروجكتر افضل يعطيني فارق أعلى في الوضوح؟
3) هل هناك تقنيات أخرى تستحق الإنتضار؟

معلومات إضافية:
- إستعمال البروجكتر للأفلام غالبا. كان ودي أشغل عليه ال Xbox و PS4 لكن إتضح ان فيه تأخير في العرض (Input Lag) في أغلب البروجكترات ومنها ال JVC، فقررت اخصص ال LED للألعاب.
- ال 3D غير مهم.
- الغرفة مظلمة. وبختار شاشة بحدود 120" او اكبر.


بالنسبة للشاشة، بشكل مؤقت راح اشتري خلق مخصص للبروجكترات وبسوي له فريم او قاعدة قابلة للسحب. والسبب ان المكان الي جالس فيه مؤقت وراح اغيره مستقبلا.


Carl's Blackout Cloth, DIY Projector Screen



ناطر نصائحكم
وشكرا

[Grim]

وعليكم السلام ورحمة الله


هلابك يا الدحمي بنسبة لي بدون وجه مقارنه الكفة تميل الى JVC وبدون اي كلام

وايضآ اشوف المقارنه تقريبآ غير عادلة انك تقارن بين تقنيتين بخصوص الشريحة المستخدمة في الايبسون و جي في سي تختلفان

الشيئ الاخر تقنية 3LCD ما افضلها شخصيآ لانها تحتاج عناية في الفلتر وتنظيفة لعدم دخول الاتربة او اذا كانت الغرفة فيها مدخنين لا ينصح بهذه التقنية وايضآ عجلة الاللوان الي تتوفر في هذه التقنية

بعكس تقنية DLP الي ما تسمى بمعدومه الصيانة مدى الحياه ولاتحتاج لعناية مثل التقنية السابقة وكل الي عليك تغيره لمبة البرو ويرجع البرو جديد كما كان

1) هل هناك فرق كبير في الجودة يستحق دفع هذا الفرق في السعر؟

بنسية لي افضل JVC مثل ما سبق وقلت وبدون وجه مقارنه

2) هل أنتظر وارفع الميزانية وأخذ بروجكتر افضل يعطيني فارق أعلى في الوضوح؟

بخصوص هذه النقطة اذا كنت انا محلك ولم امتلك بروجكتر من قبل اكتفي بشراء بروجكتر متواضع full hd وليس بسيئ وبعد سنة اعمل ترقية على تقينة 4K وقتها التقنية تنزل سعرها ونزلت موديلات اكثر ( وجهه نظر )

3) هل هناك تقنيات أخرى تستحق الإنتضار؟

هذا السؤال ليس لدي فيه خبره واهل الاختصاص يفيدونك فيها


اما بخصوص السلبيات الي ذكرتها في الاعاب و 3D انا غير مهتم في هذه الشغلتين وخاصة 3D اما في مجال الاعاب في بعض الاحيان يتم تغير الروتين كم ساعه على البرو كل اسبوعين او 3 اسابيع مره والعب على البرو وتجربه رائعه طبعآ

لكن افضل العب على شاشة الكمبيوتر اكثر بكثير ولكن الواحد يغير الروتين شوي

اما بخصوص سعر الايبسون ترا اقل من السعر الي انت وضعته بكثير لان البرو ليس بجديد

اتمنى اني افدتك

[HAMANY]

وعليكم السلام ورحمة الله
هلابك يا الدحمي بنسبة لي بدون وجه مقارنه الكفة تميل الى JVC وبدون اي كلام
وايضآ اشوف المقارنه تقريبآ غير عادلة انك تقارن بين تقنيتين بخصوص الشريحة المستخدمة في الايبسون و جي في سي تختلفان
الشيئ الاخر تقنية 3LCD ما افضلها شخصيآ لانها تحتاج عناية في الفلتر وتنظيفة لعدم دخول الاتربة او اذا كانت الغرفة فيها مدخنين لا ينصح بهذه التقنية وايضآ عجلة الاللوان الي تتوفر في هذه التقنية
بعكس تقنية DLP الي ما تسمى بمعدومه الصيانة مدى الحياه ولاتحتاج لعناية مثل التقنية السابقة وكل الي عليك تغيره لمبة البرو ويرجع البرو جديد كما كان

1) هل هناك فرق كبير في الجودة يستحق دفع هذا الفرق في السعر؟
بنسية لي افضل JVC مثل ما سبق وقلت وبدون وجه مقارنه

2) هل أنتظر وارفع الميزانية وأخذ بروجكتر افضل يعطيني فارق أعلى في الوضوح؟
بخصوص هذه النقطة اذا كنت انا محلك ولم امتلك بروجكتر من قبل اكتفي بشراء بروجكتر متواضع full hd وليس بسيئ وبعد سنة اعمل ترقية على تقينة 4K وقتها التقنية تنزل سعرها ونزلت موديلات اكثر ( وجهه نظر )

3) هل هناك تقنيات أخرى تستحق الإنتضار؟
هذا السؤال ليس لدي فيه خبره واهل الاختصاص يفيدونك فيها


اما بخصوص السلبيات الي ذكرتها في الاعاب و 3D انا غير مهتم في هذه الشغلتين وخاصة 3D اما في مجال الاعاب في بعض الاحيان يتم تغير الروتين كم ساعه على البرو كل اسبوعين او 3 اسابيع مره والعب على البرو وتجربه رائعه طبعآ
لكن افضل العب على شاشة الكمبيوتر اكثر بكثير ولكن الواحد يغير الروتين شوي
اما بخصوص سعر الايبسون ترا اقل من السعر الي انت وضعته بكثير لان البرو ليس بجديد
اتمنى اني افدتك

هلا ب Grim
جزاك الله خير على نصائحك، الحمد لله طمنتني أكثر بال JVC.

بخصوص المقارنة صحيح إنها غير عادلة، الهدف منها إني بتأكد أن الفرق يستاهل.

و بالضبط هذي الي كنت مخطط له بخصوص ال 4K. بخذ بروجكتر 1080p و بعد كم سنة لما تقل الأسعار إن شاء الله راح أطور لل 4K.
تكلفة ال 4K حاليا عالية جدا، البروجكتر يبدء من 41,000 (سوني VW-600). وفوق ذي تحتاج شاشة إحترافية سعرها مب أقل من 15,000.

شكرا

في طريقة أزيل إختصار "مرجع هام" من الموضوع؟

[Grim]

صح عليك هذا التفكير الصح يعني حتى محتوى 4k في بداياته حتى الان

وذا كان عندك ميزانية عليها الكلام حطها في شاشة احسن من انك تحطها في بروجكتر لان الشاشة سنين ما راح تتغير عكس البروجكتر الي ممكن يتغير بعد كم سنة هذا اذا من الاساس بتغير الشاشة

و 15 الف على شاشة راح تقعد معاك سنين مو اقل من 5 الى 10 سنين اذا مو اكثر بعد !!! مو كثيره ابدآ وخاصة اذا كانت محترمة زي ما تقول

باتوفيق،،،،،

تم ازاله المرجع

[مستر كتاب]

السؤال المهم هنا هل هناك فرق بين البروجترات لو كانت الشاشة غير إحترافيه أم البروجتر يعطي دعم للوضوح حتى لو كانت الشاشة غير إحترافيه ؟!

أكيد jvc بدون منازع لكن كما قلت يبغى للبروجتر الغالي شاشة غاليه حتى تشعر بالتكافئ

أنا عندي أوبتوما 25 ومبسوط معه مع أنه بروجتر متواضع إلا أنه يعطي قوة على حسب جودة الفلم طبعاً

لا تنسى أن سيستم السماعات هو الأهم الي قصدي المسرح المنزلي هو الجو الحقيقي يجب أن تفكر فيه مادامك تحب الأفلام وياماهي من أفلام جايه هذي السنة !!

[مهند فهد]

هلا اخوي بس اضافة معلومة بسيطة اقل سعر بروجكتور 4k jvc راح تلاقيه 24 الف ريال في السعودية موديل rs48 بينما في امريكا بتلاقيه 14 الف ريال وانا ارشحلك jvc rs46 سعره 14الف ريال والله يوفقك ويوفقنا جميعا

[HAMANY]

السؤال المهم هنا هل هناك فرق بين البروجترات لو كانت الشاشة غير إحترافيه أم البروجتر يعطي دعم للوضوح حتى لو كانت الشاشة غير إحترافيه ؟!
أكيد jvc بدون منازع لكن كما قلت يبغى للبروجتر الغالي شاشة غاليه حتى تشعر بالتكافئ
أنا عندي أوبتوما 25 ومبسوط معه مع أنه بروجتر متواضع إلا أنه يعطي قوة على حسب جودة الفلم طبعاً
لا تنسى أن سيستم السماعات هو الأهم الي قصدي المسرح المنزلي هو الجو الحقيقي يجب أن تفكر فيه مادامك تحب الأفلام وياماهي من أفلام جايه هذي السنة !!

صح يحتاج شاشة محترمة.
عندك فكرة عن الشاشات المناسبة وكم تكلفتها؟

هلا اخوي بس اضافة معلومة بسيطة اقل سعر بروجكتور 4k jvc راح تلاقيه 24 الف ريال في السعودية موديل rs48 بينما في امريكا بتلاقيه 14 الف ريال وانا ارشحلك jvc rs46 سعره 14الف ريال والله يوفقك ويوفقنا جميعا

RS48 موديل السنة السابقة، ال RS49 هو الجديد وموجود بإقل من 16 ألف.

[مستر كتاب]

أفضل الشاشات هي البلاك دايموند ولكن أسعارها نار
لكن عندك إليت اسكرين وعندك من شركات أخرى ذات جودة ولكن صناعة صينيه لأنها كهربائية شريتها 1950 درهم 150 بوصة العرض 332 أنش في الطول 186 أنش

أنصحك بالشاشات الي تشبه شاشات السينما إلي هي بيضاء لون ميت وخلفها باللون الأسود وأبعد من البلاك اديموند

هناك شاشات أخرى من شركات مبتكرة وهي متواجدة عنها بالمنتدى ولكن أعطيك الحلول ذات الأسعار المعقوله والنتيجة جيدة

[HAMANY]

الحمد لله تم طلب البروجكتر (RS49U) ووصل بعد عناء!

حجمه كبير جدا ومرعب! تركيبه يبيله أكشن.










عرضته على الطوف وكانت الألوان والتفاصيل ممتازة جدا. لكن الإنطباع النهائي بعد ما أجربه على شاشة.




راح أطلب شاشة Elite Screen SableFrame Fixed إما 16:9 او 2.35:1
وإن شاء الله راح أنزل تقرير عن تجربتي بعد ما أضبط الغرفة. إحتمال بعد شهر.

[ساهر جده]

ألف الف مبروك عليك مشالله تحفة فنية رائعه بس ليش وصلك بعد عناء ؟؟؟

[HAMANY]

ألف الف مبروك عليك مشالله تحفة فنية رائعه بس ليش وصلك بعد عناء ؟؟؟

الله يبارك فيك.

طلبته قبل شهر، تاريخ 12 April عن طريق بائع في أمازون وإخترت الشحن السريع (2-5 أيام).
المفروض يشحنه خلال 1-2 لكنه ضل 3 أسابيع كل يوم يقولي جريب أو بكرة.
البروجكتر وصلني أمس 12 May.

الشحنة لفت على كل مدن العالم تقريبا، كل يوم في مدينة. حتى وصلت ل Miami بالخطأ




طبعا ضل يومين في جمارك البحرين، كانوا بياخذون عليه ضريبه لأن سعره غالي وصناعته صينية.
لكن الحمد لله مشوه بدون جمرك على إنه صناعة أمريكية. (أي شيء مصنوع في أمريكا مايتجمرك عندنا)

[ساهر جده]

الف حمدالله علي سلامته الله. يهنيك فيه بس كيف. الجودة الان من غير شاشة

تم الإرسال من جهازي GT-I9300 بواسطة تاباتوك 2

[HAMANY]

الف حمدالله علي سلامته الله. يهنيك فيه بس كيف. الجودة الان من غير شاشة

الجودة والألوان والتفاصيل ممتازة جدا مع ان الصبغ غير مخصص للعرض.
عندي تلفزيون Sony 55" LED، الصورة من البروجكتر حاليا أريح للعين في الضلام، والألوان واقعية أكثر بحسب رأيي "Film-Like".

لكن المشكلة الوحيدة أن الإنعكاس قوي، مما يسبب إضائة الغرفة.

[deseil]

ماشاء الله تبارك الرحمن
الف ألف مبروك وتتهنى فيه ومثل ماقلت الجهاز مرعب
انا يا خي نفسك حكايتك طلبتلي قبل سنه بروجكتير jvc من امريكا
واول ماوصل ماتوقعت حجمه

الله يسعدك وعقبال الشاشة

[HAMANY]

ماشاء الله تبارك الرحمن
الف ألف مبروك وتتهنى فيه ومثل ماقلت الجهاز مرعب
انا يا خي نفسك حكايتك طلبتلي قبل سنه بروجكتير jvc من امريكا
واول ماوصل ماتوقعت حجمه

الله يسعدك وعقبال الشاشة

الله يبارك فيك اخوي،
صحيح حجمه كبير لكنه هيبة

شلي صار مع معاك في موضوع الشاشة؟ شلي شريته وكم كلفك؟

بالنسبة لل Black Diamond، أغلب المتخصصين في ال Calibration يقولون أن البروجكترات الي مستوى السواد والكونتراست فيهم عالي (مثل ال JVC) مايحتاجون بلاك دايموند. تلاقي أغلبهم يستعملون Stewart وشركات ثانية.

[Grim]

مبروك يا الدحمي وصول البرو ما بغى يوصل .. قال خل اخذلي فره على الكره الارضيه قبل لا انحبس بغرفه طول العمر ( مؤبد)

بس ما حاولت تطلب بتعويض من البائع بسبب تأخره في الشحن و مماطلته !!

بخصوص القاعده يبيلك شي يتحمل العيار الثقيل من نوع الرو الي عندك ما شاء الله

وعقبال الشاشة المحترمة الي تليق في البرو

تحياتي لك يا صاحبي

[deseil]

الله يبارك فيك اخوي،
صحيح حجمه كبير لكنه هيبة

شلي صار مع معاك في موضوع الشاشة؟ شلي شريته وكم كلفك؟

بالنسبة لل Black Diamond، أغلب المتخصصين في ال Calibration يقولون أن البروجكترات الي مستوى السواد والكونتراست فيهم عالي (مثل ال JVC) مايحتاجون بلاك دايموند. تلاقي أغلبهم يستعملون Stewart وشركات ثانية.

انا مخطط على البلاك دايموند يعني قلت اخذ شيء يعتبر الافضل في السوق المحلي لعدم توفر stewart
حتى ولو مايحتاج بيكون شيئ يكمل الثاني
بس اذا فيه افادة بخصوص هالموضوع ياريت الاخوان يفيدونا قبل لانشتري

[Azizesta]

يعطيك الله خيره و يكفيك شرهه و تتهنى فيه بالعافيهه ..
تقرير مميز جداً..