مطلوب المساعدة لأيجاد فيش كهرب وإضاءة يعمل عن بعد ليكتمل النظام المسرحي

[AHMED]

السلام عليكم

الأخوان الكرام

مطلوب المساعدة لأيجاد فيش كهرب لا سلكي

كالصور التالية





و







الصور السابقة تم إخذها من موقع أمازون ولكن ليست ما أطمح إليه


فالذي أرغب به يكون كالتالي

1- يقبل الاقتران مع ريموت التحكم هارموني وون ...... بالتحديد
2- يقبل التدرج في الأضاءة يعني ممكن أرخي أورافع بدرجة الأضاءة



بإختصار شديد

أبغى أشبك الأضاءة بالريموت والاجهزة اللي عندي

يعني لو بغيت أشوف فيلم
بشكل تلقائي تشتغل الاجهزة التالية
التلفزيون يشتغل
البلوري يشتغل
مود المسرح المنزلي يتغير
الأضاءة وبشكل تتدريجي تتطفأ بالكامل
....
لو بغيت أشغل البلاي ستيشن
التلفزيون يشتغل
البلاي ستيشن يشتغل
مود المسرح يتغير
الأضاء وبشكل تتدريجي تكون بالنص

.....

أبي أشوف العربية مثلا
التلفزيون يشتغل
الرسيفر يتغير ويروح للقناة
مود المشرح يتغير
الأضاءة تشتغل بشكل تدريجي إضاءة كاملة


أتمنى وصلت الفكرة
وأيضا أحتاج نصائحكم لعملية التحكم بالاضاءة عن بعد

( ما عندي مشكلة أشتري من النت )

بالتوفيق لكم

[Marauder28]

وعليكم السلام والرحمه

يا هلا اخوي احمد نورت ويا هلا بأهل الجبيل


بخصوص طلبك تفضل هذا الموقع فيه اللي تبيه وانا بعد العيد بطلب منه وعندي نفس فكرتك بخصوص جهاز الهارموني بس قبل تطلب الموديل اللي تبيه ابحث عن اسمه من ضمن قائمة الاجهزة اللي يدعمها الهارموني واذا ما شفت عندك وقتها حل واحد وانك تعمل مزامنه بين ريموت الهارموني وريموت الاضاءة


تفضل الموقع هنــــا

[AHMED]

يعطيك العافية يالغالي على المشاركة

في الحقيقة الرابط اللي عطيتني اياه ما فيه اللي احتاجه ( حسب وجهة نظري ومعرفتي البسيطة بالموضوع هذا )

حاجتي الفعلية هي
مثل الفيش هذا عشان استخدمه لتشغيل الابجورات عن بعد



والفيش التالي عشان أتحكم بإضاءة الأنوار المعلقة بالسقف




الأنوار الفسفورية ووو ما أحتاجها


أتمنى وصلت الفكرة أكثر


أكرر شكري وتقديري لك


بالتوفيق

[Marauder28]

الله يعافيك

على فكره الرابط اللي اضفته لك سابقاً بإمكانك تستخدم القطع اللي فيه لإضاءة السقف وحتى للابجورات


عموماً شوف هنا الرابط هــذا

برضوا ابحث بالصفحات هنــــا



موقع شفته الحين شيك عليه ربما تستفيد اضغط هنـــا


واذا ما وجدت طلبك لا تتردد تعطيني خبر في الموضوع هنا وانا برجع ابحث اكثر لاني برضوا بحتاج مثلك وبستفيد

تحياتي

[AHMED]

يعطيك العافية

في الحقيقة أعجز عن شكرك .... يعطيك ألف عافية




الصورة التالية مقاربه للفكرة والسعر من وجهة نظري مناسب ولكن ينقص المنتج عملية
Volume Control

عشان تقدر تلعب بالاضاءة مو ON و OFF بس



شفت زر اسمه DIM ولكن ما عرفت وش المقصود منه بالضبط

هل هو للضوء الخافت !!! الله أعلم


بالنسبة للسويتش فجاري البحث فلم يرضيني للان ما هو معروض بالرابط


موقع ممكن يفيد وجاري البحث فيه

تفضل
http://www.lightinguniverse.com/


بالتوفيق

[AHMED]

جاري البحث هنا
http://www.lightinguniverse.com/ligh...rols_3145.html



موقع آخر جاري البحث فيه

http://www.heath-zenith.com/prod_lis...pe=0&value=3.0

[AHMED]

يا شباب وش رأيكم بالقطعة هاذي للتحكم بالابجورات




هنا

[AVC]

السلام عليكم .

اي نوع اللي تحتاجة نوع امريكي , هذا يكون مستطيل و مقاسة 5 في 10 سم و عادة يجي 110 فولت .

النوع الأوروبي يكون مربع مقاسة 8 في 8 سم و عادة يجي 220 .

اذا نوع امريكي (110)هذي بعض الخيارات المتوفرة :

600 وات مع تحكم بقدرة الأنارة (ديمر)

300 وات مع تحكم للأباجورات


اذا نوع اوروبي (220)هذي بعض الخيارات المتوفرة :

450 وات مع تحكم بقدرة الأنارة

اقترحت شركة Lutron لأنني مجربها و من افضل الشركات في هذا المجال .

بشكل عام طالما ان الأنارة تستخدم تقنية الأشعة تحت الحمراء للتحكم قيمكن التحكم بها عن طريق الهارموني .

موفق في خياراتك وتقبل التحية

[Marauder28]

يعطيك العافيه يا بندر على هالافاده

اقترحت شركة Lutron

سعرها ناااار ..

[AHMED]

يعطيك العافية أخ AVC

ولكل المساهمين في أثراء الموضوع


للاحتياط تم نقل أسماء القطع الموجودة برد الاخ AVC وذلك لان بعض القطع الموجود قابلة للبيع ( باقي قطعة أو قطعين لبعض الاجهزة )

Lutron MIR-600THW-WH 600-Watt Maestro IR Dimmer with Infrared Receiver, White


------

Lutron Dimmers SPS300LDRP Table Lamp Dimmer with IR Receiver Royal Plum Attache lamp dimmers



------
Lutron Rania Double IR Remote Control Digital Dimmer 50 - 450 watt in White

[AHMED]

أخ AVC

هل ما في الصورة يفي بالغرض

خصوصا للابجوارات

وهل DIM تعني إنه يمكنني التحكم بمستوى الاضاءة

[AVC]

يعطيك العافيه يا بندر على هالافاده

اقترحت شركة Lutron

سعرها ناااار ..

هلا علي ... كيفك ؟

كل انسان له طريقة في الشراء , انا احب ادفع مرة وحدة , اشتري شي غالي بس يعيش , تدري ان الديمر حق ليوترون له الأن عشر سنوات في السينما عندي ؟؟

الموديلات اللي حطيتها هذي تعتبر ارخص شي عند ليوترون , اسعارها اقل من الثلاثمئة ريال ويعتبر شي معقول بس اهم ماتحملة اكثر من طاقتة .

[AVC]

أخ AVC

هل ما في الصورة يفي بالغرض

خصوصا للابجوارات

وهل DIM تعني إنه يمكنني التحكم بمستوى الاضاءة

الديم عادة يعني التحكم بقوة ألأنارة فاتوقع انه يفي بالغرض , انا رشحت ليوترون لأني مجربة ولا واجهني اي مشاكل و منتشر و متاكد انه موجود في قائمة الأجهزة اللي يدعمها الهارموني .

موفق في اختياراتك اخوي و تقبل التحية

[Marauder28]

هلا علي ... كيفك ؟

كل انسان له طريقة في الشراء , انا احب ادفع مرة وحدة , اشتري شي غالي بس يعيش , تدري ان الديمر حق ليوترون له الأن عشر سنوات في السينما عندي ؟؟

الموديلات اللي حطيتها هذي تعتبر ارخص شي عند ليوترون , اسعارها اقل من الثلاثمئة ريال ويعتبر شي معقول بس اهم ماتحملة اكثر من طاقتة .

الله يسلمك بخير


صح كلامك جلست الحين اشوف بعض الفيديو عن هالشركه في اليوتيوب وبعض الانواع تذكرت الديمرات اللي صرت اشتريها قبل 3 سنوات وما تكمل معي شهر او شهرين وبسعر (80 إلى 170 ريال تقريباً) لغاية ما لغيت فكره الديمرات واصبح مكانها مفاتيح عاديه


احتفظت برابط الشراء ربما يوم احتاجه

تسلم وبالتوفيق لك يارب