كمبيوتري المسرحي ASUS Mine HTPC سابقا

[Khalid-Qatar]

السلام عليكم ورحمه الله وبركاته

هذا كمبيوتري خذته من فتره ولكن بعته على واحد معاي بالدوام من كثر مازعجني عليه

طلبت 1 لي وعقب طلبت 3 حق الشباب واخر شي لما خلص من لستوك بعت الي عندي علي زميلي بالدوام

ندخل بالموضوع

هذا الكمبيوتر انصح فيه بقوه لنه بصراحه يكفيك عن الخساير اذا كنت تبغي الجهاز فقط لمشاهده الافلام عاليه الوضوع HD

بس يحتاج توصله بسيرفر علشان يسحب منه الافلام انا اول ماركبته شبكته مع WD TV Live Hub وكنت اشغل الافلام عن طريقه

مايحتاي تنقل الفلم للكمبيوتر بس اشبك عالشبكه واشتغل عادي لا تقطيع ولا غيره

ولاحظ قوه الكمبيوتر وقوه الكرت 512 نيفيديا ومسوي شغل عجيب

وهذا الموضوع عن الجهاز الي شاركت فيه بالبوابه سابقا

السلام عليكم يالربع صارلي فتره افكر اخذ لي HTPC ومعور راسي يمين ويسار من موقع لين موقع المهم بهدلت نفسي واخرتها طنشت وشفت بديل الاجهزه الصغيره وحوسه لين حصلت لي شي مضبوط ومواصفاته عجيبه وتم شراء الجهاز تم الطلب يوم الاربعاء ووصل يوم الاحد كلها 4 ايام ووصل تم الطلب من موقع B&H وطلبت اضافه معاه رام 2 جي بي السعر شامل التوصيل لين باب البيت 2280 ريال قطري ASUS Eee Box EB1501P-B016E Nettop PC ويجي معاه كيبورد وايرلس ماوس واير لس ريموت كنترول مختصر عن مواصفات الجهاز Specifications Operating System: Windows 7 Home Premium (64 bit) CPU: Intel Atom D525 processor (1.8 GHz) Graphics: Next-Generation NVIDIA ION graphics with 512MB DDR3 VRAM Wireless Data Network: 802.11 b/g/n (@2.4 GHz) Network: Gigabit LAN 10/100/1000 Mbps Optical Drive: Super Multi DVD+/-RW Memory: 2GB DDR3-1333 MHz RAM, 1 x SO-DIMM slot (expandable to 4GB) Storage: 320GB 5400RPM hard drive Card Reader: 5-in-1 Card Reader (SD/SDHC/MS/MS Pro/MMC) I/O Ports: 1 x built-in mini card, 1 x HDMI port, 1 x D-sub port, 1 x eSATA port, 1 x external microphone, 1 x headphone jack, 1 x RJ-45 (NIC), 4 x USB 2.0 ports, 2 x USB 3.0 ports, 1 x WiFi antenna Power Adapter: 65 watts Dimensions: 7.6 x 7.6 x 1.54—inches Weight: 2.6 lbs Color: Black كفايه علي مواصفاته وتفي بالغرض وكل شي ابغيه موجود من ناحيه الرام وكرت الصوره والصوت محيطي 5.1 وغيره من الاشياء المهم الي يبغي معلومات اكثر يعمل بحث ويقدر يشوف له كم فديو في اليوتيوب بعد استلامي الجهاز ركبت له الرام وعقب يوم تقريبا صورت هالصور مابي اطول عليكم والصور المرفقه تبين كل شي انشالله يفيدكم الكيبورد مايحتاي عسل بس يحتاج ستكرات عربي وايرات الكهربا من 110-240 يعني شغال عسل مافي خوف الرموت بعد مايحتاي عجيب ..... عجيب بس ماجربته بقولكم ليش عجيب بعد شوي هالقاعده مرفقه معاه علشان تركب الجهاز بظهر شاشه التلفزون او الكمبيوتر مرفق معاه براقي للتثبيت طبعا الكيبورد والماوس والريموت موجوده لهم البطايه بالكرتون حق كل واحد عدد 2 بطاريه والحين مع صور الكمبيوتر هذي قاعده الكمبيوتر ولها برغي واحد فقط بعد تركيب القاعده هذا ماينفع معانا ولزوم نبلغ الشيخ خخخخخخخ تم تبديله وزين انه فيه ايرث الماوس وال usb الي يستقبل اشاره الماوس والكيبورد والحين مع بدايه التشغيل تم عمل ابديت للجهاز وكل شي تمااااام مع وجووود مشكله بسيطه الوندوز الي بالجهاز وندوز 7 و 32 بت يسبب مشكله انه الرام مايطلع ازيد من 3 جي بي وانا مركب حاليا 4 جي بي ........................ بس ماعليه والتجربه خير برهان هذا الرموت و ......................... هذا العجيب فيه منور بس ياليت خلو الكيبورد منور بعد المهم الجهاز تم توصيله مع اونكيو 9305 وتمت التجربه على طول فكرت اشتري boxee box بس ليش اشتري هذا احسن ويشغل البوكسي احلى مافي برنامج البوكسي انه يسحب لك صور ومعلومات عن الفلم من نفسه طبعا الافلام مسوي شييرنق مع الوسترن دجتل لايف هب والحين مع وندوز ميديا سنتر بس ماعرفت اطلع صور الافلام بس المهم شغال تمام بس في استخدام الانترنت والكمبيوتر الخط صغير بسبب الشاشه بعيده وافضل خيار مع البروجكتر تمدد على الكنب واخذ راحتك وابحر في الانترنت الصراحه كمبيوتر يستاهل ياشباب وتم تجربه ملفات فديو 1080 والصوت محيطي 5.1 hdmi ينقل صوت وصوره تم تجربه الميديا بورتال والثاني اظن اسمه xbmc شغالين تمام ماكان عندي dvd حاليا عندي بالكمبيوتر كنت ابغي boxee box بس حاليا ماله داعي اقدر استغني عن الوسترن دجتل تي في لايف هب يعني شي يغطي على شي واقدر اضيف كرت تلفزون في انواع usb ممتازه اقدر اتابع بها القنوات بصراحه اشياء كثيره وفي مقطع باليوتيوب واحد مستخدمه للإلعاب والنتيجه مرضيه وطلبت كمبيوتر حق واحد من الربع ووصل والحين اثنين مسندريني يبغون نفسه وواحد منهم بهدلني وبعت كمبيوتري عليه الحين ماعندي كمبيوتر بس بطلب لي واحد ثاني قريب وانتهى الموضوع واسمحولي عالقصور ونشوفكم على خير مع السلامة

بدائل اخرى وتادي نفس الغرض

ياشباب الخيارات كانت كثيره وفي الرخيص وفي الغالي مثلا كان اول خيار اني اخذ mac mini بيكلفني قريب 3000 مع ماوس وكيبورد [IMG][/IMG] بس ترددت لنه الرام كان 2 وكرت الصوره الي فيه اقل من 512 مب ذاكر كم وبعدين لنه كمبيوتري المكتبي iMAC فقلت خلني اغير واخذ لي وندوز وبعدين الماك مادري شفيهم مايبغون يحولون المعالجات للسلسله الجديده i3-i5-i7 معلقين عالاولي ادري اني اقدر اركب الوندوز عليه بس مابغيته الخيارات الثانيه مثل zotac وفي انواع عندهم بروسسر intel or AMD بس سرعه المعالك 1.6 بينما الي خته 1.8 وديول بروسسر والكمبيوتر سعره اقل من 300 دولار وبعدين شكله شوي وكنت ابغي شي معاه مشغل dvd عند الحاجه وفي شركه Asrock مواصفات حلوه وعجيبه بس ماحصلت الا بائع واحد في هونج كونج وسعره مثل ماذكرت في الردود السعر قريب ال 700 وفيه شروط شي بدون هاردسك ورام وشي بدون اوبريتر سستم المهم لو بتاخد وبتمنل كم شي يمين ويسار بيوصل 3000 لو حصلته في امازون شريته والحين منزلين نوع جديد يدعم 3d بس سعره مانذكر في موقعهم او المواقع التجاريه المهم ننتظر فكرت اخذ لي كمبيوتر acer دسكت توب ب س من النوع الي حجمه حلو حصلته بالسعوديه في اكستيرا والممري الي بكرت الصوره 1 جي بي والسعر 3200 معاه شاشه وكيبورد في مجال انك تركب كرت واحد بس لو بغيت الخلاصه مشكلتنا كل يوم راي وانا ماخذت الجهاز الي عقب عوار راس اما اطلع لكم بعد كم يوم بتجميعه HTPC كل شي جايز الاسبوع الجاي بروح دبي عندي شغل وبشوف يمكن احصل شي عجيب مايندري وعقب اسبوعين بروح تايلند عاد عندهم مجمع كمبيوترات اسمه بانتيب بلازا الي يدخل راسه يعوره من الاغراض البلاوي الي موجوده ومايندري ونشوفكم على خير

اسف على الاطاله وبالتوفيق للجميع انشالله

[HAMANY]

جهاز ممتاز للي يبي شيء جاهز
تسلم على التقرير

[F H D]

والله جهاز متميز .. من ناحية الأداء والملحقات الي معه .. ومن ناحية شكله الرائع
وسعره برضه حلو اشوفه افضل من الإكستريمر الترا و ربعه .. يعني ازيد كم مية واخذ اداء ومميزات اقوى بمراحل والحجم قريب منه بعد !
يعطيك العافية يا خالد ماقصرت على التقرير الرائع

تحيتي لك

[The Adviser]

الله يعطيك العافية على الموضوع الرائع

حقيقة جهاز لايعلى عليه لكن من وجهة نظري اشوفه المفروض يكون سعره اقل من كذا لأن بالسعر هذا قربت من سعر اجهزة تجميع htpc الحديثة

[حافظ الود]

بصراحة شغل ابداع وتجربة راااائعة

شكرا لك

[Marauder28]

رائع يا خالد

بسم الله ما شاء الله جهاز تصميمه حلو ومناسب للناس اللي تبحث عن جهاز صغير وانيق وما ياخذ حيز بالمسرح

بس لو سعره ينزل 500 ريال يكون فعلاً سعر مقابل اداء


شكراً لك على مشاركتنا هالموضوع المميز

بالتوفيق

[Khalid-Qatar]

جهاز ممتاز للي يبي شيء جاهز
تسلم على التقرير

الله يسلمك اخوي وحاضرين

[Khalid-Qatar]

والله جهاز متميز .. من ناحية الأداء والملحقات الي معه .. ومن ناحية شكله الرائع
وسعره برضه حلو اشوفه افضل من الإكستريمر الترا و ربعه .. يعني ازيد كم مية واخذ اداء ومميزات اقوى بمراحل والحجم قريب منه بعد !
يعطيك العافية يا خالد ماقصرت على التقرير الرائع

تحيتي لك

هالي محببني بالجهاز مواصفات طيبه ومن شركه عريقه

الاكستريمر شوي لك عليه مع انه في نوع نزل جديد يدعم ثري دي وسعره اقل من ٢٠٠٠ لكن

وايد اشياء ناقصته لا فيه هاردسك ولا سيدي روم ولا ولا ولا مانبي ندخل بهالسوالف بنتعب

والله يعافيك ياخوي

[Khalid-Qatar]

الله يعطيك العافية على الموضوع الرائع

حقيقة جهاز لايعلى عليه لكن من وجهة نظري اشوفه المفروض يكون سعره اقل من كذا لأن بالسعر هذا قربت من سعر اجهزة تجميع htpc الحديثة

هلا اخوي

الجهاز اشوف سعره مناسب لاتنسى سلعه مش متوفره عندك وطالبها من النت

ودفعت مصاريف الشحن وفوق هذا طالب رام زياده عليه

وبخصوص ال HTPC صعبه يكون قريب من سعره

جرب تجمع بنفسك وشوف السعر

واهم شي الكيس ماراح تحصله بالخليج ولو بتحصله سعره ١٤٠٠ الى ١٦٠٠ حصلته في دبي ومجمع الدوسري بالخبر وهذي اسعارهم

وبالتوفيق اخوي والله يعافيك من كل شر

[Khalid-Qatar]

بصراحة شغل ابداع وتجربة راااائعة

شكرا لك

العفو اخوي وتسلم لي عالمشاركه

[Khalid-Qatar]

هلا بالحبيب

رديت على اخونا The Adviser بخصوص السعر ،،، بكره بينزل سعره انشالله ويمكن تحصل شي احسن منه

وفي اجهزه كثيره نازله بنفس الحجم تقريبا

وبعضها تجيك كيسات خاليه صغيره وانت ركب الي تبيه

لكن هذا كان يفي بالغرض وانشالله اطق لي واحد من جديد حق الغرفه بس خلني اخذ تلفزون بالاول هههههه

سلام

[m.s.b]

مبروك عليك الجهاز
شكل الجهاز خطييير
بس ايش يميزه عن الاكستريم الترا غير السي دي ريوم والهاردسيك...يعني من الوضوح في الصوت والصورة هل في فرق
هل الجهاز الي عندك تتصفح وتنزل افلام وتشاهد على طول ...
مبروك مره اخرى

[Khalid-Qatar]

السلام عليكم

هلا اخوي ،،، بخصوص الجهاز كمبيوتر عادي حاله حال اي كمبيوتر وعليه وندوز 7

وفيه فرق بينه وبين الاكستريمر ألترا والفرق واضح ومثل ماقلت تتصفح وتسوي الي تبيه

كمبيوتر شحلاته والاكستريمر يتفوق عليه بس بعرض الثري دي

وبالتوفيق

[CCIE#26425]

سؤال جا في بالي ..... بحكم انه النظام ويندوز لو شبكت كرت ستالايت خارجي مع هذا الـ PC عن طريق الـ USB يضبط ؟؟

[Khalid-Qatar]

سؤال جا في بالي ..... بحكم انه النظام ويندوز لو شبكت كرت ستالايت خارجي مع هذا الـ PC عن طريق الـ USB يضبط ؟؟

صحيح اخوي بيضبط انشاءالله

كمبيوتر عادي حاله من حال اي كمبيوتر دسك توب

بس هذا مضغوط او اعتبره لابتوب

بالتوفيق

[mz_milan]

وش هالزين ماشاء الله

الله يعطيك العافيه ياخالد وعساك عالقوه ياغالي

Sent from my GT-I9000 using Tapatalk