هل فيه عروض خاصه من AVC لـPolk Audio لأعضاء المنتدى؟ + أفضل سعر لباكيج 7.1 منPolk Audio ؟

[iJihad]

السلام عليكم،

أتسائل اذا فيه عروض لو جيتكم كـ عضو في "ملتقى المرئيات والصوتيات" ؟، وشكراً.


الشي الثاني، هل فيه أي أي امكانيه، ان يكون فيه طقم سماعات 7.1 من Polk Audio لديكم بسعر معقول ٣٠٠٠ او شي قريب؟ (بالسبووفر) يعني اذا فيه خصم او عروض قريبه وقت العيد؟ او بعده بشوي؟ لأن بصراحه اول مره اعرف انكم وكيل لـPolk Audio، وبصراحه أعجبت بالمحل واي احد ناوي على مسرح، يستاهل انصحه له .. (صدق والله موب عشان الخصم ولا شي).

بس عموما، ملاحظه.. مع العلم ان الرسيفر اللي بأشبكهم عليه هو Pioneer VSX-2021 "بإذن الله"، لان مادري اذا فيه مشاكل توافق مع السماعات او شي من هالقبيل..


وشكراً جزيلا، واسف اذا طولت عليكم.



إضافة: ولو ارخص شي من Polk Audio بيكون فوق ال٤، ممكن لو سعر تجميعه ٥.١ تكون بالميزانيه وبعد فتره اشتري السراوند.

[mz_milan]

وعليكم السلام ورحمة الله وبركاته

حياك ياغالي

بالنسبه للعروض الخاصه لا يوجد ورغم ذلك اخي بندر وشركة AVC ماراح يقصرون معاكم ان شاء الله

لكن هذا مايمنع اننا نتفق احنى و AVC لعمل عروض خاصة بطريقه معينه ترضي الطرفين ان شاء الله في المستقبل إن شاء الله

وفق الله الجميع يارب

[iJihad]

الله يحييك ويعطيك العافيه على الرد،
بإذن الله اذا استمر تطور المنتدى بهذه الاحترافية والطريقة المحلات نفسها بيقدمون لكم عروض خاصه..
وشكراً جزيلاً،


وحبيت اسألهم في AVC عن افضل تجميعه ٧.١ سعرا، لو فيه عروض خاصه للعيد او اذا حجزت من الحين ممكن تكون ارخص..
والله يوفقنا واياكم.

[ساهر جده]

اهلين اخوي جهاد منور ياغالي انا اتوقع انه ميزانيتك 2000- 2500 ترشحك للباكجات الجاهزة لانه الاحترافي لازم انك تبدا من 5000 في البولك اذا ماخاب ظني انا ماعرف انه البولك فيه باكجات جاهزة لكن اذا تحب ممكن تتجه للدولية وحتشوف الاونكيو والياماها اللي بهذه الحدود تقريبا وتقدر تتجه للاي ماكس عندهم باكجات جاهزة للدينون والبايونير وكذلك الهارمن كاردن وشوووف ياغالي ايش يسير معاك وعلى البركة ان شالله

[iJihad]

اهلين اخوي جهاد منور ياغالي انا اتوقع انه ميزانيتك 2000- 2500 ترشحك للباكجات الجاهزة لانه الاحترافي لازم انك تبدا من 5000 في البولك اذا ماخاب ظني انا ماعرف انه البولك فيه باكجات جاهزة لكن اذا تحب ممكن تتجه للدولية وحتشوف الاونكيو والياماها اللي بهذه الحدود تقريبا وتقدر تتجه للاي ماكس عندهم باكجات جاهزة للدينون والبايونير وكذلك الهارمن كاردن وشوووف ياغالي ايش يسير معاك وعلى البركة ان شالله

هلا والله، لا انا ابي سماعات فقط بدون الرسيفر .. الرسيفر حددته وخلصت،
والباكيج مو قصدي يجي بكرتون واحد، قصدي يكون عندهم عرض سماعات ٧،١ يعني هي مفرقه لكن يكون عندهم عرض باكيج هالانواع يعطونك اياها بسعر ارخص من لو تشتري كل وحده لحالها.
وانا شفت بامازون السبووفر من Polk Audio عليها عروض توصل ل٣٧٥ ريال الجهاز. فيعني يمكن بما انه العيد قريب يكون فيه عروض مشابهه او من هذا القبيل.

وبصراحه بعد ماقريت عن هالشركه، اعجبتني ف ممكن يعني احط ميزانيه للسماعات ب٣٥٠٠ او ٤ .. "واتوقع ان ارخص نوع من Polk Audio افضل بمراحل من باقي السماعات من الشركات الثانيه "اللي بنفس السعر او اقل". (او هذا اللي فهمته من اللي قريته).

واذا فيه شي جوده مقاربه جدا او افضل ما نستغني عن نصايحكم.

[iJihad]

ايه صح، فيه سؤال عن سماعات OWM3، اظن قريت بالموقع انها متوافقه لو تركبها مع الTsi.. هل جودتها زينه وتودي الغرض؟ (ك سماعات جانبيه في ال7.1) لان المساحه بالجوانب عندي قليله

[iJihad]

اتصلت على AVC، .. بس فيه شي مدري :\ يمكن فهمت غلط؟ او اي شي ..والاسعار اللي شفتها لما دخلت موقع Polk Audio واللي يشترونها برا يعني بعضها شي مختلف وكأن اللي هنا صناعه افضل.


هذي اللي عطاني:

اغرب شي الاولى:
Tsi300:
ب٢٠٥٠ ريال (قال لي وحده بس!!)
وسعر "ثنتين" برا ب١٧٥٠!! مو معقول ابد! اتوقع انها ثنتين بس وصل المعلومه غلط.

Tsi200:
ب١٥٥٠ (اتوقع سماعتين لأنه بتصير مشاكل لو وحده بس)
هنا معقول اذا ٢ لان سعرها برا ب١١٢٥

Tsi100:
ب١٠٤٠ ريال
وبعد شي معقول لانها ب٧٥٠

CS20:
ب١٣٣٠
وحاليا بامازون ب٥٦٣

CS10:
٨٥٩ ريال
وحاليا بامازون ب٣٣٨ ريال

PSW10:
غريبه مو موجود عندهم.. هذا هو :
http://www.amazon.com/Polk-Audio-Mon...=2WGYK24HWT573

PSW110:
1300 ريال ..
وحاليا بامازون ب٦٧٥



بصراحه تقهر العروض اللي برا هههههه مافيه امكانيه يعني يسوون عروض زيهم؟، يعني بما انهم الوكيل، مايكلمون الشركه الام ويطلبون فتره تخفيضات خاصه فيه عيد قريب وكذا..
لان قاعد احاول اجمع لها وودي اني اشتري هالسماعات لكن الاسعار هنا ما تساعد ابد

[AVC]

وعليكم السلام ورحمة الله وبركاته
حياك ياغالي
بالنسبه للعروض الخاصه لا يوجد ورغم ذلك اخي بندر وشركة AVC ماراح يقصرون معاكم ان شاء الله
لكن هذا مايمنع اننا نتفق احنى و AVC لعمل عروض خاصة بطريقه معينه ترضي الطرفين ان شاء الله في المستقبل إن شاء الله
وفق الله الجميع يارب

هلا محمد .

التركيز الفترة هذي على ترتيب الأوضاع لكن ان شاللة بيكون فيه ترتيب معين مرضي للجميع بعد حل بعض الأشكاليات وتقبل التحية

[AVC]

ردي في الأحمر لتوضيح الأمور

اتصلت على AVC، .. بس فيه شي مدري :\ يمكن فهمت غلط؟ او اي شي ..والاسعار اللي شفتها لما دخلت موقع Polk Audio واللي يشترونها برا يعني بعضها شي مختلف وكأن اللي هنا صناعه افضل.


هذي اللي عطاني:

اغرب شي الاولى:
Tsi300:
ب٢٠٥٠ ريال (قال لي وحده بس!!)
وسعر "ثنتين" برا ب١٧٥٠!! مو معقول ابد! اتوقع انها ثنتين بس وصل المعلومه غلط.

اسعار السماعات دائما بالجوز ماعدا السوبوفر والسنتر فالسعر لسماعتين مو سماعة لأننا مانبيع هذي السماعات بالحبة للتوضيح فقط
Tsi200:
ب١٥٥٠ (اتوقع سماعتين لأنه بتصير مشاكل لو وحده بس)
هنا معقول اذا ٢ لان سعرها برا ب١١٢٥

الله لا يجيب المشاكل اخوي
Tsi100:
ب١٠٤٠ ريال
وبعد شي معقول لانها ب٧٥٠

CS20:
ب١٣٣٠
وحاليا بامازون ب٥٦٣

CS10:
٨٥٩ ريال
وحاليا بامازون ب٣٣٨ ريال


ماراح اعلق عن فرق الأسعار لأنني حكيت فيه اكثر من مرة
PSW10:
غريبه مو موجود عندهم.. هذا هو :
http://www.amazon.com/Polk-Audio-Mon...=2WGYK24HWT573

هذا الموديل متوقف من سنتين تقريبا ولهذا السبب مو موجود عندنا

PSW110:
1300 ريال ..
وحاليا بامازون ب٦٧٥



بصراحه تقهر العروض اللي برا هههههه مافيه امكانيه يعني يسوون عروض زيهم؟، يعني بما انهم الوكيل، مايكلمون الشركه الام ويطلبون فتره تخفيضات خاصه فيه عيد قريب وكذا..

العروض مع الشركات برا تكون على الموديلات القديمة او الموديلات المجددة ولا نتعامل فيها لأنها مع الشحن وغيرها ماتكون مغرية ابدا.

لان قاعد احاول اجمع لها وودي اني اشتري هالسماعات لكن الاسعار هنا ما تساعد ابد

يوجد اتجاة لدينا حاليا بالأتفاق مع الشركات الخارجية لأيجاد طريقة لتخفيض اجور الشحن و الرسوم المتعلقة بها والردود مشجعة حاليا لكن لا يمكن الجزم الا حين الأنتهاء من جميع المناقشات .

وتقبل التحية

[iJihad]

ردي في الأحمر لتوضيح الأمور



يوجد اتجاة لدينا حاليا بالأتفاق مع الشركات الخارجية لأيجاد طريقة لتخفيض اجور الشحن و الرسوم المتعلقة بها والردود مشجعة حاليا لكن لا يمكن الجزم الا حين الأنتهاء من جميع المناقشات .

وتقبل التحية

انا آسف جداً جداً، ما انتبه لهالرد الا الحين، مدري كيف، شفت ردك الاول وطلعت وماتغير عداد الرد من برا.. والله مدري شلون ما شفته بس اسف معليش
ولا عادي وش دعوه مافيه اي مشاكل ههههه بس قلتها من باب الحماس الزايد، عُذراً..

والله يعطيك الف عافيه،، مريتكم مع زميلي قعدت اطقطق مع الفلبيني اللي موجود هههههه رهيب الشخص ذا..
وشفت تعديلات وكذا في المحل، وقاعدين تشتغلون فيه.. وفتوقعت انه موب وقتي انشب له الا شغل لي


انا بإذن الله بحاول اخذ لي من هنا ولا من هنا طقم من Polk Audio، وان ماقدرت عاد الله يسهل ميخالف..
هههه المشكله جزء كبير من الحماس صار عناد لان بعض الناس جو قالوا ليه الصرف سيستم باناسونيك حقك من اكسترا يكفي،، وماراح يكون فيه ذاك الفرق الكبير مره بالصوت

ومسكت معي ازين المجلس واجيبهم واضحك على تعابير وجيههم لما يسمعون الصوت.. <<

ان شاء الله يصير ذاك الفرق عاد الله يستر O_O"

وعموما مايحتاج تشرح عن السعر ههههه انا بس اتصلت وانا اقرا بالاسعار ولا فكرت،، اصلا واضح، حماسكم بالمشاركه في المنتديات وتقديم الدعم ومساعده الاخرين .. انكم حاطين افضل سعر تقدرون عليه يفيد الطرفين.. ^^"

وشكرا جزيلاً لك .. ورمضان كريم