مساعدتكم بخصوص مسرحي المنزلي

[AzBtNy.w]

انا عندي غرفة نومي طويله مو عرض طول

ابي احط فيها شاشه 42 او 32 بوصه وبرجكتر صغير - ابي اسألكم وش المطلوب اجيبه الحين

واذا ممكن تعلموني وش التجهيزات اللي لازم اجيبها - وكم المبلغ كله المجموع


تحياتي

[mz_milan]

اول شي عنوان الموضوع مبهم وغير واضح

ثاني شي الاساله ابداً غير واضحه يعني اسالتك عامه ومفتوحه ومو محدد بميزانيه ومواصفات ولا شي

ياليت ترتب اسالتك ياغالي وتكتب الي تبيه والي ماتبيه والميزانيه المحدده وكم حجم الغرفه وغيره

الله يوفقك

[AzBtNy.w]

يالغالي الميزانيه 5 الاف وتحت

ابي بس شاشة LG بوصه 42

وبرجكتر صغير يعني بجيب برواز وبحط فيه قماش زي طريقة الاخ BAROON
-
فأبي اعرف كم الميزانيه اللي راح تكلفها كل هذول ؟

[NATLUS]

نصيحتي لك ركز على الشاشه فقط وخذ لك شاشه مواصفاتها ممتازه افضل من ان تشتت نفسك بين شاشه وبروجكتر خاصة ان الاستخدام راح يكون في غرفة نومك

[AzBtNy.w]

طيب بالنسبه للأجهزه بس ريسيفر وسوني ؟ والا لازمني اشياء ؟

[F H D]

^^^
الي يلزمك هو الي انت تحتاجه
ايش تحتاج في الغرفه ؟

[AzBtNy.w]

انا ما ابي اشياء كثيره

انا ابي ريسيفر [تلفزيون] وابي شاشه علشان السوني والاكس بوكس ~> ابي رأيكم اي شاشه اخذ ؟

وابي dvd علشان الافلام وكذا

-
وبس هذولي الاستعمالات اللي راح استعمل الشاشه فيهم

[F H D]

رسيفر للقنوات الفضائية ..
اعتقد شيئ سهل و ما يحتاج نقاش وكلام عنه .. فيه خيارات كثيره بالسوق من شركة هيوماكس و غيرها .. شوفها و فقط احرص انها تكون HD

الشاشة ..
شوف هذا الموضوع جاوب على الاسئلة المطلوبة وان شاء الله نفيدك بالأفضل ..


الـ DVD .. مافهمتك
يعني انت تبي تحمل افلام HD او عادية من النت وتبي تشغلها على الشاشة ؟
ولا تقصد تشتري اقراص الافلام من بعض المحلات و تحتاج مشغل DVD لها ؟

النظام الصوتي برضه مهم وممتع خصوصا انك من هواة الألعاب و هو شيئ اساسي
ويحتاج منك تحدد الميزانية الي عندك عشان تحصل على افادة ..

[AzBtNy.w]

ابي dvd اقدر اشغل عليه اقراص واقدر اشبك usb

[F H D]

لو بغيت مشغل dvd منفصل صعب تجد أحد يقولك خذ موديل معين .. لأن الاقبال عليها ضعيف ..
نظرا لتوجه الناس الى البلوراي او المشغلات التي تتعامل مع وسائل التخزين المتنوعه كالهاردات و السيرفرات وغيره ( مثل الاكستريمر و WD وغيره )
أنت مر على سوني و باناسونيك و سامسونج .. اختار الي يعجبك ستجد لديهم مشغلات متنوعه و أعتقد الـ USB الآن متوفر بأغلب المشغلات .. بس انتبه للصيغ الي يدعمها و مسأله دعم الترجمة العربية لو كنت مهتم بها ..

و كمان انا لحد الان ما اعرف كم ميزانيتك
بس اقولك لو ميزانيتك منخفضة ممكن تختار أحد البكجات الجاهزة من الشركات الي تقدمها .. سوني سامسونج باناسونيك .. الخ ..
يعني مسرح منزلي ( avr + سماعات + سبووفر ) و يحتوي على مشغل DVD مدمج معه
طبعا هذه مسارح غير احترافيه بس خيار يناسب البعض .. يعني لو انت تبي شيئ عادي يمشي الحال

[AzBtNy.w]

ايه انا ما ابي ذاك الزود

-
مشكور اخوي الله يعطيك العافيه