تقرير جهاز Logitech Revue Google TV

[Khalid-Qatar]

السلام عليكم ورحمه الله وبركاته



اليوم نعرض عليكم التجربه مع جهاز Logitech Revue Google TV



صار عليه عرض وخذته ب 100 دولار

عرض عجيب Logitech Revue Google TV

وصل الجهاز يوم الاحد وتمت التجربه بنجاح وتفضلوا التقرير

مع بدايه فتح العلبة









حجم الكيبورد عجيب وخفيف





هذا الجهاز حجمه حليو بس مستغرب مافيه ازره on/off !!!! مع انه عالطرف اليمين واليسار فيه قصه كانها زر لكن طلعت زينه الظاهر



ومن هالصوره تبين لنا المداخل الي بالجهاز





طبعا الجهاز فيه وايرلس

وحاليا مع الملحقات الاخرى من الكيابل والباور



نرجع للكيبورد مره ثانيه بس علشان تشوفون حجمه مع الكيبورد العادي ومع الرموت والتلفون







والحين خلنا نركب الجهاز ونشغله ونشوف ايش الزبده لوربك ولا مراعي

وهذي طريقه التركيب للجهاز بالكرت المرفق بالعلبه



بحث ان الجهاز يعتمد على الرسيفر الموجود عندك سواء هيومكس او غيره

توصل رسيفر الستلايت بال google tv وبعدها من ال google tv الى رسيفر الاونكيو او الياماها ... الخ

واذا ماعندك رسيفر AVR بيكون من بعد رسيفر الستلايت الى google tv الي التلفزون مباشره




مكانه غلط بس الحين تجربه وبعدين نغير مكانه

ونبتدي التشغيل



طبعا الازره الواضحه بالكيبورد اهيه الي تتحكم بكل شي الاسهم والماوس الي شنه ماوس لاب توب



هنا تضيف الشبكه الموجوده واذا واير لس تضيف الباسوورد



طبعا في خطوات طوفتها ماصورتها كلها بسيطه تقريبا



اول ماشبك مع الانترنت طلب تحديث

وبعدها يتطلب طبعا اشتراك في google



بعدها في كم خطوه مادري الظاهر نسيت اصورهم

المهم الخطوات اهيه تعريف شبكه الرسيفر الموجوده لديك سواء dish network ومادري ايش كل هالشبكات موجوده في امريكا

وقلت راحت علي لا اشتراك ولا دش نتوورك ولا بطيخ

وبالاخير من القائمه فيها جميع اسامي الشبكات عطيته skip اظن او اخترت احد الشبكات

وعقبها طلب نوع الجهاز الرسيفر الموجود عندي من قائمه بأجهزه بعد توزعها الشبكات التلفزونيه عندهم وطبعا جهازي مش موجود

بس في خيار انك تضيف اسم الجهاز وموديله وعلى طول حطيت موديل الجهاز وظبط على طول مشا الحال

وعقب التلفزون وموديله وعقب ال AVR وموديله كانك تسوي ستب لرموت الهارموني كله سهل وعدينا

بعد كل هالحوسه تعرف ال google tv على الاجهزه الموجوده عندي



مسلسل الفلته مايحتاي مولع مع طارق العلي





والحين السكه فيين



وبديناااا

طبعا اول مايشتغل يكون على البرنامج الرئيسي وبعدها تختار زر TV في الكيبورد ويفتح التلفزون معاك

وانت تتابع اي قناه في زر بالكيبورد تحت الاسهم تختاره ويعرض لكم التلفزون بهالطريقه



وخيار اخر





وفيه اشياء كثيره منها التحكم بالقنوات ومستوى الصوت وكل شي من خلال الكيبورد او الرموت انت بكيفك

مثل الصوره السابقه وانت تتابع اي قناه جى في بالك شي بالانترنت تضغط زر home بالكيبورد ويفتح لك القائمه الواضحه بالصوره السابقه

وتبحر بالانترنت والقناه شغاله بخلفيه المتصفح او البرنامج الي داش عليه

او تصغر صوره القناه وتخليها عالجمب مثل الصوره الي قبلها

فرضا يتكلمون عن شي بالتلفزون سياره . كمبيوتر. طبخه . اسم فلم اي شي تلقطه اذنك على طول زر الهوم وبحث مايعوق سريع سريع

ولا تقوم من مكانك للكمبيوتر





واحسن من غيره من الاجهزه لنه في يدك كيبورد عادي اما الاجهزه الثانية من الرموت والله يعينك وانت تختار الحروف

مثلا جهاز WD TV Live hub جهاز لايعلى عليه لكن وقت البحث ..... كيف حالك وتقطع في اليوتيوب اثناء البحث في الانتقال من صفحه لصفحه

بعكس ال logitech revue سرعته عجيبه ماشالله والسبب انه يحتوي على معالج

معالج intel atom 1.2
مذربورد gigabyte
ذاكره اظن 1gb



في امكانيه اظافه رموت اخر ال mini من نفس الشركه بس ماله داعي لنه اغلى من الجهاز نفسه اما اذا عندك من قبل عادي اشبكه معاه




خيار اخر مكالمات الفديو بس يتطلب كاميرا لوجتك من نوع مخصص لنفس الجهاز



الي عندي اسم الكاميرا c910 نفس شكل الكاميرا الخاصه بالجهاز لكن ماشتغلت

راسلت الدعم وافادوا بنوع اخر وقيمتها تقريبا بين 140 - 150 دولار

قلنا طنش تعش ..... وبعدين مكالمات الفديو لازم عن طريق اجهزه google tv فقط

يعني كل شخص عنده نفس اللاغراض .... كان على بالي اقدر اتصل من iphone عن طريق سكايبي ..... بس راحت علينا

مب مشكله وهذي صور الاجهزه الي ممكن تنربط مع الجهاز









تم اضافه برنامج الهارموني من متجر الاندورايد واشتغل تمام التمااام



ولاحظا وجود 3 اجهزه يعني حاليا التلفون يتحكم بالاجهزه المذكوره

وبنفس الوقت الكيبورد يتحكم بالاجهزه الثلاثه ..........( فقط 3 اجهزه لايقبل الزياده) وفي 3 ازره بالكيبورد للتشغيل ولايقاف

وفوق هذا بعد الهارموني موجود لل iphone بس لحد الان مانزلته

صور للتحكم من التلفون سواء اندورايد او ايفون











دعم اللغه العربية 100/100 قراءه فقط




والخط المستخدم عجيب



حاولت من الكيبورد زر الت و شفت اغير اللغه بس مافي امل

لان الجهاز مبني على نظام قوقول اندورايد




وليس وندوز مب مشكله اهم شي نقرى تماااام مافي مشاكل


وبدلنا مكان الجهاااز بعد التجربه




واحلى مكان


والحين نرجع للخدمات المقدمه من قوقل




اقصد البرامج الملحقه الاغلبيه ماتشتغل جربت الراديو الباندورا

وبرنامج اخر اعتقد نت فكس البرامج تتطلب الوجود في امريكا ..... قلنا ماعليه

اهم شي المتصفح قوقل كروم شغال

واليوتيوب شغال

وبالذات القنوات الموجده على الانترنت شغله وتابعت اشياء كثيره بعظها مستقله لحالها لها برامج

وبعظها مرتبطه ب اليوتيوب


للعلم البرامج المرفقه بالجهاز مافي امكانيه تزيد عليها ابدا .... الا اذا تم تحديث وحطو شي جديد


المواصفات كثيره بالجهاز ويدعم تشغيل الافلام والموسيقي عن طريق الشبكه او عن طريق الهاردسك الخارجي

لحد الان اتوقف وانشالله وقت ثاني اكمل لكم مع صور من الكنترول وكم شغله بالجهاز

واسف اذا التقرير فيه شويه لخبطه

والسموحه



وبالتوفيق للجميع

ملحوضه ( بطلب لي جهازين امنه الشهر الجاي (( للمجلس و للعبه حيث توجد مواقع تعمل هاكات للجهاز بس تتطلب لعبه بالهاردوير)) )

وانصح فيه بشده

[Khalid-Qatar]

google tv

الاجهزه الداعمه له شركتين لحد الان

Logitech واهوه الجهاز الي انكتب التقرير عنه

و Sony

وعندهم جهازين







وطبعا الخيار الانسب ال logitech

لسبب السعر 100 دولار والوزن ( اهم شي عندنا الشحن)


وبالنسبه للي يبغي يشتري الجهاز انصح انه يقرى التقرير ولايكتفي فيه

ممكن الواحد يدخل اليوتيوب ويبحث عنه حيث توجد امكانيه حلوه بالجهاز ويمكن بعظها ماعرضتها عليكم

او اني ماعرفها بحيث اني توني من يومين جربت الجهاز والمده بسيطه

http://www.google.com/tv/



وشي اخر الستب او التنصيب والتعريف يمكن بالبدايه الواحد يتوهق معاه بس بالنهايه مثل ماشفتوا شي حلو

وآمتع شي القنوات الي بالانترنت الي سرعه الاتصال عنده سريعه بيكون وايد مبسوط

صحيح عندي HTPC

بس هالجهاز اسرع بالتشغيل وعلى طول شغال

وبالتوفيق

[HAMANY]

ما شاء الله روعة ..
واصل إبداعك

جزاك الله الف خير

[F H D]

ماشاء الله .. على الجهاز البطل و على التقرير الممتع والشامل الي عملته يا خالد ..
والله هالجهاز كل شيئ فيه أعجبني .. فكرة استخدامه وربطه بالاجهزة .. و الكيبورد .. و سعر الجهاز المنخفض .. و google tv الي شغلهم طلع مضبوط و آخر حلاوة ..
و بالنسبة لخط اللغه في المتصفح ... والله روووعه طلع شكل المنتدى جميل .. تقدر تجيب لي اسم الخط من الجهاز ؟ يمكن نجرب نعتمده في الموقع
و لو تراسل الدعم وتسألهم عن امكانية دعم الكتابة بالعربي .. لو يدعمونها يصير الجهاز توب .. و تكمل الوناسة في التصفح و كتابة الردود
يعطيك العافية يا الغالي

[NATLUS]

الله يعطيك العافيه تقرير ماعليه كلام

عندي سؤالين

كم مدى الكيبورد ؟
وماجربت هل يدعم المواقع الي فيها فلاش وجافا ؟

[mz_milan]

بسم الله ماشاء الله تبارك الله

موضوع جداً متميز وكامل والكمال لله سبحانه وتعالى

اتمنى لك كل التوفيق اخي العزيز خالد

وفق الله الجميع

[M B T 3 D]

تقرير اكثر من رائع ياخالد
وتجربه ممتعه ومعلومات قيمه عن الجهاز
الله يعطيك العافيه

[حافظ الود]

تقرير رائع أخي خالد

على البركة الجهاز وجزاك الله خير

تحياتي

[ساهر جده]

تجربة رائعة مشالله اخوي خالد الله يعطيك العافية ياغالي ونشوف منك ابداعات اكثر ان شاللله

[Khalid-Qatar]

ما شاء الله روعة ..
واصل إبداعك

جزاك الله الف خير

هلا اخوي

ويجزيك خير انشالله شاكر لك المشاركه

[Khalid-Qatar]

ماشاء الله .. على الجهاز البطل و على التقرير الممتع والشامل الي عملته يا خالد ..
والله هالجهاز كل شيئ فيه أعجبني .. فكرة استخدامه وربطه بالاجهزة .. و الكيبورد .. و سعر الجهاز المنخفض .. و google tv الي شغلهم طلع مضبوط و آخر حلاوة ..
و بالنسبة لخط اللغه في المتصفح ... والله روووعه طلع شكل المنتدى جميل .. تقدر تجيب لي اسم الخط من الجهاز ؟ يمكن نجرب نعتمده في الموقع
و لو تراسل الدعم وتسألهم عن امكانية دعم الكتابة بالعربي .. لو يدعمونها يصير الجهاز توب .. و تكمل الوناسة في التصفح و كتابة الردود
يعطيك العافية يا الغالي

هلابك

انا بعد مثلك اشوف الجهاز بطل ويبيله كم حبه زياده

وبشوف موضوع العربي انشالله

[Khalid-Qatar]

الله يعطيك العافيه تقرير ماعليه كلام

عندي سؤالين

كم مدى الكيبورد ؟
وماجربت هل يدعم المواقع الي فيها فلاش وجافا ؟

الله يعافيك اخوي

الكيبورد جربته تقريبا اقل من 5 متر قول 4 ونص

بالنسبله للفلاش ..... مادري اليوتيوب اخبر يعتمد على الفلاش وشغال اوكي

الجافا ..... دخلت موقع الفيس بوك واعتقد انه جافا

شي ثاني حاضرين

[Khalid-Qatar]

بسم الله ماشاء الله تبارك الله

موضوع جداً متميز وكامل والكمال لله سبحانه وتعالى

اتمنى لك كل التوفيق اخي العزيز خالد

وفق الله الجميع

ماعليك زود اخوي

وموفقين اجمعين انشالله

[Khalid-Qatar]

تقرير اكثر من رائع ياخالد
وتجربه ممتعه ومعلومات قيمه عن الجهاز
الله يعطيك العافيه

الله يعافيك اخوي وهذا واجبنا نعرض تجاربنا ونفيد ربعنا

[Khalid-Qatar]

تقرير رائع أخي خالد

على البركة الجهاز وجزاك الله خير

تحياتي

الله يبارك فيك وييخلي لك الحلوة الي واقفه قدام المسرح بالصوره

[Khalid-Qatar]

تجربة رائعة مشالله اخوي خالد الله يعطيك العافية ياغالي ونشوف منك ابداعات اكثر ان شاللله

الله يعافيك اخوي ساهر والعين ماتعلى على الحاجب الابداعات عندكم الله يسلمك

[Marauder28]

ما شاء الله تبارك الله

تقرير رائع وشامل الله يعطيك العافيه يا خالد انت من الناس المميزين بالملتقى بطريقة سردك للتقارير وتنسيقك

اعجبني الجهاز كثير مواصفاته مقابل سعره يعتبر صفقة ممتازه

الله يبارك لك فيه

وبالتوفيق

[AboRayan01]

تقرير رائع وجهاز جميل يسلم الايادي ..

[Khalid-Qatar]

ما شاء الله تبارك الله

تقرير رائع وشامل الله يعطيك العافيه يا خالد انت من الناس المميزين بالملتقى بطريقة سردك للتقارير وتنسيقك

اعجبني الجهاز كثير مواصفاته مقابل سعره يعتبر صفقة ممتازه

الله يبارك لك فيه

وبالتوفيق

ماعليك زود اخوي

والله يابرك فيك

[Khalid-Qatar]

تقرير رائع وجهاز جميل يسلم الايادي ..

الله يسلمك اخوي

وشكرا عل يالمشاركه