مكونات المسرح المنزلي ( الأجهزه الالكترونيه )

[AL3nzy]

السلام عليكم ورحمة الله وبركاته ..

صراحه انا مشترك بقناة الاخ بارون ابو فيصل وهو اللي دلنا على منتداكم الله يجزاه بالخير
بعد النظر والروحه والجيه على المنتدى بشكل كبير تحمست وقررت ابني المسرح المنزلي الخاص

المهم
انا تمنيت يكون فيه موضوع يتكلم عن مكونات المسرح المنزلي بشكل عام ..
يعني انا قريت مواضيع كثيره لكن للحين محتار هل الجهاز الفلاني يجي معاه كذا ولا لوحده تشتريه !!

مثلاً ..
حنا طول عمرنا نشوف بالاعلانات المسرح المنزلي (السماعات) تكون عددها 6 او اقل بصورة العرض
بس اللي شفته بالمنتدى تعرضون كل سماعه على حده وكل سماعه لها سعرها ..؟ هذي اماميه وهذي خلفيه وعـ الجنب !!

مثلاً ..
الحين يقولك مسرح منزلي YAMAHA المقصود انه سماعات كامله
ولا يعني قارئ بلوراي ولا ريسيفر .!!


ياليت ياشباب تعطونا فكره كل جهاز الكتروني نحتاجه بالمسرح المنزلي ..
اعذروني على غرابة اسألتي .. لكن ماحب اكون جاهل للابد
وماجينا هنا الا نتعلم من بعض

بالتوفيق ..

[حافظ الود]

وعليكم السلام ورحمة الله وبركاته

يا هلا بك يا غالي

بخصوص اسئلتك هي عامة بشكل كبير

لذلك الإجابات راح تكون عامة أيضا وأي جزئية ما هي واضحة أسأل عنها وبإذن الله تلقى الجواب

1- المسرح المنزلي ما هو ...؟!

المسرح المنزلي عبارة عن نظام متكامل للترفيه المنزلي وهو يتكون من عدة مكونات

1- الاجهزة
2- السماعات
3- الاكسسوارات

1- بخصوص الأجهزة أهم مكون هو الشاشة وعندك مشغلات الأفلام ( ميديا أو اسطوانات DVD أو Blu-ray )

2- السماعات وهذه تكون المسرح المنزلي ولها وضعين 5.1 أو 7.1

طبعا الـ 5 و 7 يدل على عدد السماعات في حالة 5 ( أمامية يمين + امامية يسار + وسطى + جانبية يمين + جانبية يسار )

في حالة 7 سماعات ( نفس اللي فوق بإضافة خلفية يمين + خلفية يسار )

رقم 1 يدل على المضخم وهو عبارة عن سماعة كبيرة للأصوات ذات التردد المنخفض مثل الانفجارات و الاهتزازات ويسمى السوبوفر

أنواع السماعات من ناحية توفرها في السوق
1- تلقى طقم سماعات 5 أو 7 مع بعض في كرتون واحد هذه تسمى HTIB اختصار لـ home theater in a box باكيج مسرح المنزلي
2- النوع الثاني تلقى السماعات مفردة أو عبارة عن أزواج وهذا النوع الاحترافي حيث تشتري السماعات المناسبة لك ( تجمع مسرح منزلي )

مع السماعات لابد من وجود الـ AVR أو مديرالأجهزة ويسمى ايضا رسيفر المسرح ( ليس رسيفر الدش )

وهذا مهمته على النحو التالي :
1- يتم توصيل كل الأجهزة به وهو يتصل مع الشاشة بكيبل واحد ولذلك يمكن التحكم فيما تشاهد عن طريقه
2- يقوم بتفكيك اكواد الأصوات من اسطوانات DVD أو Blu-ray أو غيرها ويرسل الصوت للسماعات والصورة للشاشة
3- يغذي السماعات بالكهرباء اللازمة لأخراج الأصوات

بخصوص الاكسسوارات فهذه أشياء تأخذها لكي تحسن من اداء المسرح وتريحك شخصيا من العناء

وهي باب واسع جدا ويدخل فيها حوامل الشاشات الجدارية واستاندات السماعات وغيرها ....



بخصوص هذا مسرح ياماها ....

فالمقصود بأن اغلب المكونات من ياماها مثل السماعات رسيفر الأجهزة
إذا فيه استفسار لا تتردد
تحياتي

[AL3nzy]

كفو كفو يابو حليمه ..
عز الله كفيت ووفيت اثاريني ضآيع

بس بتأكد من معلومه
اللحين عندي افلام بلوراي (تحميل تورنت) حلوو .. <- تشغيلها راح يكون عن طريق الرسيفر ؟ اتمنى صح

توني فهمت ..
بس باقي الاسماء الانجليزيه لازم اعرفها عشان اتعامل معها
مثل كلمه كنت اسمعها دايم وتوني عرفتها منك ( السوبوفر )

الله ينور طريقك مثل مانورتي .. ويجزاك خير قطعت لي مسافات

[F H D]

^^^^

وعليكم السلام ورحمة الله وبركاته ..
شكراً لبارووون .. الي خلانا نكسبك اخ وصديق للموقع .. ياهلا فيك نورت والله

بالنسبة لتشغيل افلام بلوراي (تحميل تورنت) ..
تشغيلها يكون عن طريق مشغلات الأفلام و هي ممكن تكون بأنواع مختلفة
فيه البعض يعتمد على أجهزة الكمبيوتر لشتغيلها .. يعني جهاز الكمبيوتر الخاص به اذا كانت مواصفاته تدعم .. او يجمع كمبيوتر ويخليه مخصص للمسرح المنزلي وطبعا جهاز الكمبيوتر له الافضلية من ناحية امكانية اختيار مواصفات عالية والسرعه و القوة ووو الخ .. مما يمكنك الاعتماد عليه في مهام متعددة وليس في تشغيل الافلام فقط ..
و يسمى هذا النوع من أجهزة الكمبيوتر Home theater PC و اختصارها HTPC .. فيه قسم كامل عنه في الملتقى هو قسم أجهزة الكمبيوتر المسرحية HTPC
وفيه البعض الي ميزانيته منخفضة او مايحب الزحمة ويحب جهاز مخصص لتشغيل الافلام و الميديا فقط .. فيفضل الاعتماد على مشغلات الميديا الجاهزة الي توفرها كثير من الشركات و موصافاتها وقدراتها محدودة من ناحية الرام و المعالج و الخ .. لكن ميزتها مثل ماذكرنا صغر الحجم وبرضه ارخص ثمناً من غيرها .. .. من هالمشغلات اكستريمر و WD او غيرها من المشغلات .. وهذه لها قسم في الموقع هو قسم قسم مشغلات المسرح المنزلي




بالنسبة للمصطلحات و الاسماء الانجليزية
شوف هذا الموضوع اكيد بيفيدك قاموس مصطلحات الـ Audio/Video
مع ان الموضوع مو محدث من فتره مفروض نضيف له كل الكلمات الجديدة الي نتداولها بالموقع بس ان شاء الله نقدر جميعاً نستمر في تنميته و جعله اكبر و اكثر افادة ..


ان شاء الله عما قريب نباركلك باقتناء المسرح المنزلي
و أكيد راح نشوفك من كبار المبدعين في هذا المجال بالملتقى

تحيتي لك و اي سؤال الجميع حاضرين

[iJihad]

هلا والله .. ماقصروا الاعضاء كَفَّو ووفّو..
شرحوا كل شي وما يحتاج اعيد هههه لكن فيه نقطه احب اقولها عاده لاي احد يسأل عن المسارح،،
انه فيه ثلاث انواع عموماً، فيه:

١- العادي، اللي تشوفه في اكسترا والكترو مثل باناسونيك مع مشغل DVD، اللي يجيك حجمه مثل حجم الرسيفر حق الدش; هذا اقل نوع وغالبا مايدعم صيغ "الاصوات" عاليه الوضوح او الـHD، يعني يعطيك اقل صوت جوده لكن بتوزيع الصوت على السماعات اللي تجي معه.

٢- شبه احترافي، اللي يجيك جهاز "كبير" مع سماعات في صندوق واحد; من شركات مختصه بالصوتيات عادة، ويجي حجمه كبير.. ويكون يدعم اهم انواع الصوتيات لكن يكون "تقريبا" اقل سماعات مواصفات عندهم واقل مواصفات بالرسيفر نفسه.. يعني عشان يكون سعره معقول. لان الرسيفر هو اللي "يترجم" الصوت للسماعات ويقول انتي شغلي كذا وانتي شغلي كذا، ف بيأثر على جوده الصوت.

٣- الاحترافي، هذا لما تشتري الرسيفر لحاله، وتشتري سماعات لحالها من النوع اللي يبيعونها لحالها، وغالبا تكون مواصفاتها زينه، وطبعا مواصفات الرسيفر نفسه تكون ازين.

بس

[وليد السعوديه]

شكرا على المعلومات المفيدة