استفسار عن طربقة تركيب جهاز ياماها

[Ahmed Masoud]

السلام عليكم اخواني

اليوم شريت جهاز ياماها م الوكيل الدولية بالرياض مع السماعات والسبووفر 1980 ريال
صراحه انهبلت جربت الصوت عنهم بالغرفه وخقيت شي خيالي

المهم تهورت وشريت الجهاز بس عندي مشكله كيف اشبك لجهاز

اولا انا عندي شاشاة سامسونج 40 lcd ورسيفر سكاي اكس قديم حبتين المرحله الجايه بغيره
كيف اشبك الرسيفر لانه مافيه مدخل hdmi بس فيه المدخل ابو الوان ثلاثه احمر واصفر وابيض

[حافظ الود]

وعليكم السلام ورحمة الله وبركاته

مبروك على التجميعة

وتهريها بالهنا

ياليت توضح موديل الجهاز عشان نساعدك باللي نقدر عليه

[Ahmed Masoud]

هلا اخوي حافظ

YHT-294
الشاشة سامسونج LCD 40 بوصه

المشكله اني نسيت اجيب اسلاك HDMI والله يسامحه اللي بالمعرض يقولي انها موجوده بالكرتون

عموما انا ابي اوصل الرسيفر والميديا بلاير DVD
بروح السوق بكره اشتري الوصلات اجيب كم وصله ماي عشان اشبك ؟

[Ahmed Masoud]

هلا اخوي شوف الصور
بس قبل ما اتعبكم معاي ياليت اعرف هل لازم اشبك بال HDMI او عادي بالكيبل الثلاثي ؟

[IMG][/IMG]

[IMG][/IMG]


اللي فهمته من القايد حق التركيب انه عندي الجهاز 4 مداخل للHDMI ومخرج واحد كل واحد من المداخل تقدر تستخدمه لشي
في الفتره الحاليه هل استطيع استخدام الكيابل العاديه ام 3 الوان بدون HDMI

[حافظ الود]

بالنسبة لأسلاك HDMI

على حسب الاجهزة اللي تدعم التوصيلة هذي ...

مع اضافة وصلة بين الرسيفر و الشاشة تكون HDMI

بخصوص التوصيل

على حسب الأجهزة

إذا تدعم HDMI توصلها بالترتيب كل جهاز في فتحة

إذا ما تدعم ممكن تستخدم التوصيلات العادية RCA ( احمر اصفر ابيض ) أو ما يعرف بالكامبوسايت

اعتقد ان موديل الرسيفر عندك RX-V367



إذا كان الرسيفر لا يدعم الـ HDMI يمكنك توصيله في المنافذ الموضحة على الرسم RCA
اما بخصوص الـ DVD إذا لم يكن يدعم وصلة HDMI فيمكنك نوصيل الكيبل الأصفر فقط للصورة
والصوت يجب ان تستخدم كيبل الأوبتكال

وهذه صورة مقربة للمنافذ المقصودة



بخصوص السماعات موضح مكان توصيلها على الصورة التالية ....




واضحة جدا بحسب الرموز من اليمين لليسار

الأمامية اليمين , الأمامية اليسار , الوسطى , المجانبية اليسار , الجانبية اليمين

طبعا اعتبارا على مكان جلوسك إذا كنت مواجه للشاشة فالسماعة اللي على يمينك امام تعتبر الأمامية اليمنى .... وهكذا

الأسلاك اللي تجي معه كل سلك منها فيه مسارين موجب ( أحمر ) وسالب ( اسود )
وحتى السماعات منافذها تشبه المنافذ اللي فوق بالضبط فلذلك اشبك السلك الاحمر في الاحمر والاسود في الاسود ...

بعد ما تخلص ركب المايك ...

هذا شكله



و خلي الغرفة هادئة تماما ( طفي المكيف و المروحة واي جهاز يصدر عنه صوت )

ضع المايك في مكان لوسك بالضبط .... وعلى ارتفاع اذنك ....

واشبك الكيبل واضغط OK .... واخرج من الغرفة وراح يقوم بمعملية معايرة للسماعات بحس ابعادها عن مكان الجلوس ....

ارجع في خلال ثلاث دقائق تكون المعايرة انتهت ....

اضغط OK وافصل المايك ....

وخلاص مبروك عليك ....

[حافظ الود]

نعم ممكن تستخدم حاليا RCA إذا ما عندك جهاز يدعم HDMI

فما راح يكون فرق

ممكن تشبك بين الـ AVR والشاشة من خلال هذا المنفذ

موضح بصورتك اللي وضعتها

[Ahmed Masoud]

باديء ذي بدء الله يعطيك الف عافية على هالمجهود بس يبدو ان العيب فيني
بعد كل هالشرح والله انحولت

معليش اتحملني

انا عندي رسيفر بشبكه في الجهاز بالكمبوسيت اللي هو 3 كيابل من السيفر الاسلاك متجهه الى الجهاز وين تنشبك ؟
نفس مكان الصورة اللي حطيتها انا وتكرمت انت وشرحت عليها ؟ صح


لقيت عند اخوي في غرفته كيبل HDMI بشبكه في الشاشة وين في اي مكان ؟
والطرف الثاني في الجهاز في مكان الاوت صح ؟


والله اني خايف يحترق الجهاز او الشاشه عشان كذا اسال


في الشاشه اختار ايش بالنسبة للسورس ؟ وكذلك في الجهاز

[Ahmed Masoud]

نسيت اقولك السماعات ماعليها خلاف شبكتها والسبووفر كذلك

[حافظ الود]

الله يعافيك

بخصوص اسلاك الفيديو والصوت لا تحمل هم حتى لو تركبت خطأ فراس مالها انك ما راح تحصل على اشارة ( صورة )

اسلاك الرسيفر ... والتوصيل بالجهاز

طيب انت عندك كبيل HDMI راح تستخدمه بين الشاشة وجهاز المسرح ( نسميه كذا لكيلا نخلط بينه وبين رسيفر الدش )

رسيفر الدش تخرج منه ثلاث توصيلات احمر اصفر ابيض

تتوصل من الخلف وبالضبط هنا في AV5



حلو ...

بالنسبة للـ HDMI من جهاز المسرح إلى الشاشة يتوصل في منفذ الـ hdmi الأول على اليسار في خلفية جهاز المسرح مكتوب عليه OUT

وعموما اي منفذ خلفيته باللون الابيض فهو مخرج لنقل الاشارة لجهاز آخر ..... وانت ما تحتاج إلا مخرج واحد فقط ....

الآن .... انت شبكت الجهاز وضبطت امورك 100%

كيف تشاهد رسيفر الدش عبر جهاز المسرح

ببساطة

هذا الريموت وطريقته سلهة جدا ....

الآن احنا شبكنا رسيفر الدش في مدخل عادي رقمه AV5

ببساطة شاهد المجموعة الثانية من ازرار الريموت من الاعلى مرقمه من 1 إلى 5 ومكتوب فوقها AV كل واحد منها ينقلك على مدخل

لو ضغطت على 1 راح تشوف الجهاز اللي مشبوك في مدخل 1 ......
واحنا طبعا شبكنا رسيفر الدش في رقم AV5 فنروح لمجموعة الازرار اللي اسمها AV ونختار منها رقم 5

ونفرض مثلا أن عندك PS3 مشبوك على مدخل رقم HDMI 1

إذا بغيت تشوف الـ PS3 ببساطة ومن اعلى اريموت راح تلاحظ مجموعة ازرار من 1 إلى 4 ومتكوب فوقها HDMI
واحنا شبكنا الـ PS3 على مدخل 1
فمن الريموت نضغط 1

ولو بغينا نرجع لرسيفر الدش بحسب المدخل
ننتقل لمجموعة الأزرار الثانية وهي مكتوب فوقها AV ونختار المدخل رقم 5 وهكذا ...





بالنسبة للشاشة فعلى حسب المدخل اللي وصلت فيه كيبل HDMI ولا اعتقد فيها صعوبة

[Ahmed Masoud]

ادري ادوشتك واشغلتك معي

بس شوف سويت زي ماقلتلي بالضبط

هذي الصورة للتوصيل من الكمبويت من الرسيفر

[IMG][/IMG]

السلك هذا متجه بحفظ الله ورعايته الى AV5

[IMG][/IMG]

تمام

الكيبل HDMI من الجهاز المسرحي اللي قلت عنه اوت

[IMG][/IMG]

متجه للشاشه في مدخل HDMI IN

[IMG][/IMG]

وبعد اختيار رقم المدخل لجهاز المسرحي اللي هو AV5
واختيار السورس في الشاشه لمدخل الHDMI3

طلعت النتيجه

شوف الصورة

[IMG][/IMG]


mode not supported

the Resolution not supported on this tv please change the Resolution

وش رايك

اعرف اني غثيتك انا الحين بحاول اسوي تحديث للفريم وير للجهاز وادعيلي الله يفرجها

تعبتك يالغالي والله واستفدت من الشرح جزاك الله خيرا

[حافظ الود]

لا ما فيه تعب ولا شيء إن شاء الله

جرب وصل الكيبل من الرسيفر مباشرة ...إلى الشاشة

إذا اشتغل يمكن المشكلة من الـ AVR ما يدعم ادخال AV إلى HDMI

عموما انا راح اتأكد من المانويل راح انزله واشوف

لي عودة ....

[حافظ الود]

بالفعل تم التأكد الجهاز لا يدعم الأخراج عن طريق HDMI لجميع الاجهزة

بمعنى الرسيفر طالما انك وصلته بكيبل أحمر اصفر ابيض ... لجهاز المسرح

لكي يتم توصيله بالشاشة لا بد من توصيله بكيبل نفس النوع أحمر اصفر أبيض من جهاز المسرح إلى الشاشة ....

ولو مثلا ركبت جهاز بكيبل HDMI فطريقة توصيله للشاشة لابد تكون بنفس الكيبل HDMI

[Ahmed Masoud]

يعني اخوي اخلي وصلة HDMI زي ماهي في مكانها
واوصل من المسرح للشاشة من اي مدخل في هالحاله
او اتوكل على الله اليوم المساء اشتري رسيفر يدعم HDMI

[Ahmed Masoud]

اخوي حافظ الود اتقدم بجزيل الشكر والامتنان لك

تمت العمليه بنجاح

رحت اكسترا وشريت كيبل اوبتكل اوديو وشبكته في الجهاز المسرحي

ونفس طريقة التشبيك السابقة على av5 بس بدون hdmi

والامور للان تمام التمام الله يعطيك العافيه

[حافظ الود]

ما عملنا إلا الواجب يا غالي

وهذا غرضنا من المشاركة في هذا الملتقى

نعطي ونأخذ

ونتبادل الآراء جميعا

بالتوفيق لك

[awax18]

يعطيكم العافيه ( حافظ الود - احمد )
مشكووورين صراحه استفدت كثييير
بس اخوي احمد ودي اسألك كيف النظام عندك تمام ولا لك عليه؟؟؟؟؟
وشكرا

[Ahmed Masoud]

هلا اخوي معليش ع التاخير

والله النظام ماشاء الله تبارك الله

وفي غضون الايام القادمه سوف اقوم بعمل التجهيزات اللازمة للمسرح المنزلي يعني بجيب رسيفر اتش دي و مشغل وسائط من جرير

بس اذا ميزانيتك تمام ارجع لنصائح الاخوان فوق