محتار بخصوص شراء شاشه.. وابي اتعلم بعد ..

[aziz-19]

السلام عليكم ورحمة الله وبركاته ..
اخواني انا ابي اشري شاشه ..
وابيها مقاسها 40 ..او 42
والصدق لي كم يوم اقرا بالمواصفات ووش معنى هذا ووش معنى ذاك ..
وانلححححس مخي ..
ابسالكم كم سؤال ..

- سامسونق ولا سوني ؟
- كم عدد الهيرتز اللي يعتبر ممتاز .. واقدر احصله بمبغ 2000-2800 .......60hz 90hz 120hz etc
-بالنسبه للالوان نفس الشي .. وش الكويس بالسعر نفسه .. ......100000:1 ,, 65000:1 ,, 1000000:1 --
- الخصائص الثاني .. ياليت تصنفونها .. مثلا ..
خصائص تكون بالشاشات اللي اقيامها من 2000-3000
خصائص لازم تكون موجوده .. يعني انها من الاساسيات او الاهم ..
خصائص كويسه لكن ليست مهمه .. وهكذا

والله اكوووون شاااكر ..علما باني راح اشري الشاشة يوم 11 شوال .. والله يخليكم ..

[mz_milan]

وعليكم السلام ورحمة الله وبركاته

مافي شركة افضل من شركه في شاشه افضل من شاشه صحيح لكن اسم الشركه ماله دخل

بالنسبه لسعرك اتوقع اذا لقيت حجم 40 بوصه وموشن فلو 100 هيرتز و LED بسعر 3 الاف ريال راح يكون انجاز

لكن ممكن تكون اقرب شاشه لميزانيتك هي شاشة سامسونج D5000 وهي LED وحجم 40 بوصه سعرها بحوالي 3900 ريال واكيد سعرها الحين نزل لان هالسعر قديم

الله يوفقك

[aziz-19]

اشكررررك كثير ..
بس ياطويل العمر .. انا ماعندي مشكله تكون LCD ..
خاصه وان الفروقات ليست جوهريه ..
اخوي لو تكرمت اهم شي ابغى اشوف الخواص وش الزين .. يعني نقاط اخر الموضوع ..
ياليت لو تسمحلي اخذ من وقتك وتجاوب الاسئله .. لاني زي ما اشوف ماشاء الله عليك خبرة بهالامور ..

[حافظ الود]

السلام عليكم

أخوي عزيز

أنت تحاول ان تأكل الوليمة كاملة في لقمة واحدة..........

وهذا بالطبع لا يمكن أن يحصل ... فلا يمكن تغطية كل جوانب مسألة الشاشات ومميزاتها وعيوبها

في موضوع واحد

دونك المنتدى أقرأ ما استطعت ان تقرأ فستسفيد الكثير والكثير

ثم عد واطرح استفسارك على اي نقطة لم تفهمها

أما ان يكون استفسارك هو عن كافة خصائص الشاشات

فهذا ما لا يمكن تغطيته في موضوع واحد

[aziz-19]

اهلين اخوي حاقظ ..
انا قريت كل شي عن المواصفات .. وخاصة مواضيعك الثلاث .. اللي استفدت منها كثير ..
بس نقطتي مو شرح المواصفات ..
نقطتي ..
اذا ابشري وشفت شاشه مثلا ب2500 .. والموشن فلو 70hz هل هي كويسه ولالا .. يعني ابي اعرف وش المستوى الكويس بكل خاصيه حاليا ..
ياليت تكون وضحت الصوره .. وتفيدنا ..
ومشكووور على الاهتمام ..

[mz_milan]

شوف الشاشه وميزاتها وسعرها يختلف من شركه لاخرى

ممكن تلقى مواصفات وارقام رائعه وبسعر رائع ولكن الادائ مو شرط يكون رائع

وممكن تلقى مواصفات عاديه وارقام متوسطه ويمكن يكون السعر مرتفع لكن الادائ يكون رائع

عينك الحكم وجيبك محدد خياراتك

وش موشن فلو 70 هيرتز ؟؟ لا يكون رفعو اسعار الشاشات ورفعو الموشن معها

الموشن للانظمه الاوربيه هي كالتالي 50 و 100 200 400 600 800 هيرتز .. وهكذا

الموشن للأنظمه الأمريكيه هي كالتالي 60 و 120 240 480 740 960 هيرتز .. وهكذا

المهم لا تحير نفسك ترا الخيار بسيط وش تبي من الشاشه وكم تبي تدفع وراح تجد الخيارات امامك

الله يوفقك

[aziz-19]

طيب اخوي ادري ازعجناك .
بس ممكن احصل شاشه بالسعر اللي قلته الموشن فلو 100 او 120 ؟