ساعدوني .. في شراء مسرح منزلي مناسب ..

[saif]

السلام عليكم

صباح الخير يا اخواني الكرام ..

انا تابعت هالمنتدى من فترة طويلة .. و بالنهاية رأيت انه لازم اسجل و اشارك , لني رأيت من اعضاء هالمنتدى الاساتذه لي ..
و ان شاء الله انكم بتفيدوني بشكل كبير .. لاني لاحظت ع هالمنتدى يتميز بالكيف و الكم وهالشيء ب بفضل الله ثم فضل الاعضاء و الادارة المشرفه ..

انا يا اخوان في صدد شراء مسرح منزلي ..
مالي اي خبره سابقه في مجال المسارح المنزلية .. فأنا ما قد رحت للسينما ولا قد شريت لي مسرح منزلي عليه الكلام .. المسرح اللي عندي ال جي ولا تشتغل كل السماعات لاني شاريه مستعمل وشكله مخيس ..

فلذلك انا ينطبق علي المثل اللي يقول " ما يدري وش يفوته " .. و لأني ما ابي يفوتني شيء زياده غير اللي فاتنني قبل .. قررت شراء منزلي معتبر ..

الاستخدامات :: قنوات - رياضه " كورة + تنس " + افلام + مسلسلات + بلاي ستيشن ..
اللي ابي اشير اليه ان اهتماماتي بالافلام و المسلسلات غالبا دراميه او كوميديه .. لذلك ودي بمسرح يبرز هالتفاصيل .. وما يمنع انه يكون متميز بالاكشن و هالاشياء ..

مساحة الغرفة عندي :: 7 * 5 .. و الارضيه سراميك ..
الميزانيه .. وهنا ابي ابين انا حاليا ابي اشري مسرح منزلي كتجربه .. لني ابشوف هل انا احتاج مسرح احترافي او لااا ..
بحيث اني ما اخسر مبلغ ثم ما استفيد منه بالشكل المرغوب .. لذلك ميزانيتي بالبداية بتكون 3 الاف ريال فقط شامله كل شيء ..

و اذا شفت ان عالم الاصوات جذبني .. طقيت لي مسرح منزلي بتكلفة 10 الاف ريال .. بس بالبداية ابي اجرب وش هالمسارح المنزليه ..

الاشياء اللي يجب ان تتوفر بالنسبة لي .. منافذ اتشدي .. منافذ اوبتيكال .. دعمه للاتشدي صوت و صوره دعمه للثري دي صوت و صورة ..
تشغيله لجميع السماعات مع البلاي ستيشن و الدش و الاكستريمر الترا .. و طبعا اكبر قدر ممكن من المحيط السينمائي ..

انا مو من الرياض .. يعني ما راح اقدر اروح للدولية كل فترة و فترة .. يعني ااذا رحت فأنا ابشري .. لكن بحاول بمرهم اليوم ان شاء الله لاستقراء الوضع ..

لذلك يا شباب .. ابيكم ترشحون لي افضل مسرح ممكن يغطي احتياجاتي بالميزانيه المعروضه ..

طبعا ما يهمني موضوع اشري شيء للزمن .. هالمسرح ابحطه بالبيت مستقبلا في حالة شرائي شيء افضل ان شاء الله ..

لذلك كلي امل انكم بتساعدوني يا اخوان .. و لا تبخلون علي باي شيء الله يجزاكم خير ..
تخيلوا شكلي وانا اروح الدولية ويلعب علي الهندي و يعطيني مسرح من عام 2006 و يمشيه علي بسبب غشامتي ..

الله يوفق كل من يساعدني دنيا و اخره ..

[TrUTh81]

حياك الله يالغالي بين اخوانك بالمنتدى
وابشر بعزك باللي يسرك انشاء الله
ونفيدك باللي نقدر عليه ونستفيد من تجربتك
ومن وجودك معنا ان شاء الله

شوف يالغالي اذا بتاخذ شي عليه الكلام تاكد انك
ماراح تدنم عليه ان شاء الله
وبالذات انك ماعشت الجو السينمائي مثل ماذكرت
لكن بما انك ودك تجرب وبحدود الميزانية اللي ذكرتها

فانسب شي لقيته لك هو بكيج اونكيو
موديل : Onkyo HT-S5400 7.1
http://www.intl.onkyo.com/products/s...400/index.html

اتمنى اني وفقت في مساعدتك
وانتظر رأيي باقي الشباب

[M B T 3 D]

الله يحييك ياخوي ويشرفنا وجودك

وانا اتفق مع اخوي ( تروث ) لأنه نفس المسرح اللي رشحه لك موجود عندي

شريته من الدوليه بـ 2970 ريال

ومشاءالله تبارك الله حلو وفيه كل الا شياء اللي انا ابيها

المداخل فيه 4 hdmi ومدخلين اوبتكال ويجي معه مايك اوديسي يوزن السماعات

والحمدلله مرتاح معه , وميزانيتك تجيبه باالراحه بيبقى معك 30 ريال اشتري عشى وانت راجع تعشى والله يعينك على التشبيك

[saif]

تروث و مبتعد .. الله يعطيكم العافيه , و فعلا البكج ممتاز , و ان شاء الله بأمر الدولية و اجربه و ابشوف هل فيه عرض علنا ناخذه بخصم و نرجع بـ اكثر من الـ 30 ريال خخخخ

[saif]

شباب وش رايكم بمسارح البايونير و هل احصل شيء كويس بـ 3000 ريال .. !؟
وهل لها وكيل بالرياض بحيث اني اقدر اشوفهن بنفسي .. اذكر قد لقيت كذا بكج في عماير الراجحي بالبطحاء لكني شطفتها سريع سريع
لاني كنت منشغل خخخخ

[ساهر جده]

شباب وش رايكم بمسارح البايونير و هل احصل شيء كويس بـ 3000 ريال .. !؟
وهل لها وكيل بالرياض بحيث اني اقدر اشوفهن بنفسي .. اذكر قد لقيت كذا بكج في عماير الراجحي بالبطحاء لكني شطفتها سريع سريع
لاني كنت منشغل خخخخ

اهلين منور ياغالي انا اشوف انك تتجه للدولية وتشوف اذا عجبك الاونكيو او الياماها عندهم موديلات حلوة واعطيك خيار اخر تقدر تروح لفروع اي ماكس عندهم بايونير وعندهم هارمن كاردن وكمان دينون كلها باكجات روح شوفها كلها تقريبا نفس الفئة وبالتوفيق ان شالله بلغنا ايش يسير معاك

[saif]

اي ماكس اللي بالرياض , يا ساهر .. !؟
الدينون سمعت ان غالي جدا جدا جدا .. يعني حتى 10 الاف ما تجيب لك مسرح دينهون هاي كلاس .. !!

اللي ابيه انكم تنصحوني بالكويس .. و اشوف الاعضاء ينزلون مواضيع يقولون نخصص ميزانيه للصبووفر ..
هل الافضل اني اخصص ميزانيه للصب ووفر .. بمعنىت انه مو اساسي , ااو ان الصب ووفر اللي يجي مع البكج ما ينفع
قياسا باللي يجي لحاله .. !؟

شباب لقيت المسرح اللي نزلتوه لي بالاي باي من بست سيلر بـ 300 دولار فقط .. !!
كيف الدولية يبيعونه بـ 800 دولار " 2970 ريال " .. يلعن ام الزرف يا شيخ .. !!
ع كذا اشريه من الاي باي ارخص لي .. بيطلع لي مع الشحن بالكثير بـ 500 دولار

[The Adviser]

حياك الله اخوي بين اخوانك في المنتدى

بما انها تجربة عشان تاخذ فكرة كاملة عن المسارح المنزلية بشكل عام ولو عجبك بتاخذ لك مسرح ممكن يتعدى ١٠ الاف ريال

مانصحك بالمسارح الجاهزة واشوف انها مو مسرح مناسب لتجربتك

وبما ان الميزانية ٣ الاف ريال

انا متأكد ان في سماعات بالدولية من شركة جامو عبارة عن خمس سماعات سعرهم مايتعدى ٨٠٠ ريال وشوف لك سبووفر من ياماها في موديل سعره حدود ٥٠٠ ريال ورسيفر اونكيو ٥٠٨ او ٥٠٩ او ياماها ٤٦٥ او ٤٦٧ سعرهم ١٥٠٠ ريال تقريبا

الباقي الاسلاك والبنانا بلق بالكثير٣٠٠ ريال

المجموع ٣١٠٠ ريال تقريبا وفي احتمال كبير انه اقل

بدور لك عن موديل الجامو الي اقصده اذا لقيته بكتبه لك

[The Adviser]

احتمال ان هذي السماعة الي اقصدها

http://www.jamo.com/eu-en/products/s-506-description/

جرب اتصل على الدولية واسألهم

ولقيت لك سبووفر ثاني رخيص من جامو موديله ٢٠٠ سعره ٥٠٠ ريال تقريبا

[saif]

يا بعدهم والله يبو عبد الله .. الله يعطيك العافيه .. وزي ماقلت لك انا مالي اي خبره بهالمجـال ..
بس وش رايك اشري الرسيفرات اللي قلتهن من برى .. لأني لقيتهن بحول الـ 900 ريال ..
هذا الاونكيو
http://www.ebay.com/itm/Onkyo-TX-NR5...item1c1ee97edc

وهذا اليماها
http://www.ebay.com/itm/Yamaha-RX-V4...item4cf7bec61a

.. ما ادري هذي الرسيفرات اللي تقصدها ولا .. واللي لاحظته ان هالرسيفرات سعتها 5 سماعات .. و البكج ذاك 7 سماعات ..
هل يفرق ولا لا .. و انا اشوف اني اشري الرسيفر من برى لأن سعره يفرق و حجمه موب ذاك الزود يعني ما راح يكلفني بالشحن ..
و السماعات اشريها من هنـا .. !؟
الا اذا كان نظامه الانتيسي بيقلقني هنا ادفع فرق الـ 600 ريال و الشكوى لله .. !؟

وابد انت فصل وانا البس .. عطني الموديلات .. و انا ابروح للدولية و اشوفها ..

[F A I S A L]

^
^
ترى وزنه ثقيل وبيكلفك

[saif]

سمعت ان وزن الرسيفرات بين الـ 10 الى 18 كيلو .. يعني الشحن يكلف من 280 ريال الى 500 ريال + 900 سعر الجهاز فعلا الظاهر ابضطر اشريه من هنا ..
ما توقعت وزنه بهالحجم .. !!!

[mz_milan]

^^^

أجل لو اقلك وزن السب اوفر الي في بالي وابي اشتريه من النت يمكن تديني باند

[saif]

هيا انت يبو حميد ماخذ باند من كلوزه و سيسيه خخخخخخخخخخ

ابقولك شيء اذا فيه شيء غير متوفر بالسعوديه ابشريه من برا .. لكن شيء بالسعوديه و اشريه من برا عشان فرق اقل من 10% من سعر الجهاز حسوفه .. !
ولو انك تنغبن اذا شفت الوكيل يزرفك بهالكمية خخخخخخخخخخخ .. ياخي وزير التجارة ذا ودي استلمه في عماره مهجورة و احشرة في غرفة و اجلده جلد
عشان مررره ثانيه يعرف وش معنى حماية المستهلك خخخخخخخخ

يا شباب ابأجل شراء المسرح الى عطلة الحج بإذن الله .. لأني سمعت ان الدولية بيسوون دسكاوند وحتى بامريكا بترخص الاسعار ..
فياليت ترشحون لي افضل شيء ممكن زي ما سوى راعي الحساء ابو عبدالله ..

[mz_milan]

^^^

اخ بس لا تذكرني ... شكلك لازيواوي

اكيد كلامك كله انا ادعمه من اوله لاخره

لكن انا اقصد شراء الشي الغير متوفر عندنا بالسعوديه انا ما اشتري الشي الا الي غير متوفر عندنا وماله وكيل

لكن حتى لو كان لو وكيل او موزع وكان سعره الفرق يزيد عن خمس الاف ماراح اشتري من عنده لكن زيادة بالكثير 3 الاف ممكن اخذها من عندنا .. وانت عارف الزيادات عندنا شي غير معقول

كمثال شاشه بسعر 3 الاف ريال بامريكا تلقاها عند موزع لها بالخليج بحوالي 10 الاف ريال ؟؟؟ لماذا ؟؟؟ طبعا بيكون فيه اسباب لكن غير مقنعه ويبينا احنى الي نعوضها له

الكلام كثير في هالشي ومانقول الا الله يحسن الاحوال ان شاء الله

تحياتي

[saif]

^
^
صح عليك .. وهاردلك خسارة نابولي خخخخخخخخخخ

هاه شباب فيه شيء ما شيات .. شيء كويس تنصحوني فيه .. !؟

[Rashad50]

ممكن سوال ماله داعي

المسارح المنزليه تبع سوني باناسونيك و الخ
تفرق عن الي ذكرتوها فوق
وايش الفرق
ترى انا مره غشيم وياريت ماتطنشوني

[mz_milan]

^^^

انا وراك وراك بكل مكان هههههههه

تفرق ان هالمسارح الي قلتها مسارح غير احترافيه واصواتها عاديه وغير مشبعه لاذنك وكثير من التفاصيل ماتسمعها والقوة فيها ضعيفه وميزات اخرى كثيره تفتقدها هالمسارح

لكن كبدايه وكميزانيه ضعيفه مالك حل الا هي وعلى فكره ممكن تنقعك وتعجبك وتشبع رغباتك لانك ماسمعت شي مميز قبله .. لكن لما تسمع شي احترافي راح تبيعها ومن هنا لذاك الوقت يحلها الف حلال

الله يوفقك

[F H D]

^^^^
كلامك صحيح
أضيف عليه فقط أن أغلب هذه المسارح الرخيصة من سوني و الي جي و وووالخ .. مشكلتها قله المداخل و المخارج في الرسيفر ..
وهذا السبب الي يخلي الغالبية يبتعدون عنها و يبحثون عن مسارح توفر لهم المرونة في إستخدام الأجهزة ..
لأن كثره و تعدد المداخل و المخارج في المسارح الاحترافية او الشبه احترافيه ستريحك من عناء فصل و تغيير الكيابل و التوصيلات في كل مره تريد فيها تشغيل جهاز مختلف على المسرح