هل من عيوب برسيفر اونكيو TX-NR3008

[m.s.b]

السلام عليكم وحمة الله وبركاته
الجمعه كنت عند الدوليه الي بشارع التحلية وكيل الاونكيو
و قتها جربت سماعات الجامو
وسالني ايش من رسيفر بتاخذ
قلتله ما حددت الى الان وعرض على رسيفر اونكيو موديل 3008 ويقولي كان سعره 8000 ريال والان عليه عرض ب4800 ما ادري شنو رايكم بالرسيفر هل له عيوب
او عيوب تصنيعيه
والجمعه بمره عشان اتاكد من موديل الرسيفر بالظبط لانه لما تصفحت موقع اونكيو مافي دعم 3D وعنده بالكاتلوج يدعم الثري دي .
مع الشكر

[مزيد الدوسري]

وعليكم السلام ورحمة الله

مساء الخير،،،،

طبعا الرسيفر اخوي يعتبر من الموديلات الحديثة ل رسيفرات اونيكو ويتميز بأنه W/Ch 250 at 6 Ohms اي يعطي كل سماعة قدرة تشغيلة بمقدار 250 واط ، وهذا شي ممتاز ناهيك عن انه يدعم 3d وكيابل hdmil 1.4 الداعمة لهذي التقنية .


و من مميزاته تعدد المخارج والمداخل واهمها انه نظام 9.2 و مخرج ايثرنت



هذي عن الرسيفر ولكن اخوي في سؤال مهم لزم تطرحه على نفسك هل انت تحتاج كل هذي المخارج و الأمكانيات وهل سوف تستفيد منها ؟!

و زي ما يقولون المهتمين بهذا المجال والخبراء ركز على السماعات لأن عمرها الزمني طويل تصل الى 10 سنوات حسب النوع بينما في الرسيفرات فهي متغير في وقت اقصر من السماعات


واتمنى لك التوفيق في الأختيار ....


وتقبل تحياتي

[Khalid-Qatar]

ازيد على رد اخونا مزيد

بخصوص السعر لنه من موديلات 2010 وحاليا نزل الاحدث موديلات 2011

موديلات 2010 كلها تنتهي برقم xx8



موديلات 2011 تكون xx9 وطبعا الديزاين اختلف في هالسنه



بس هذا السبب لاغير بخصوص السعر

وبالتوفيق

[m.s.b]

شكرا اخوي مزيد وخالد على المعلومات ..يعني الرسيفر موديله قديم وسيتم صرف النظر عنه
مشكورين مره اخرى

[mash114]

انا كنت مثلك محتار بين 807 كان عندهم وعليه عرض ب 2850 بعد ما كان سعرة 4500

الله وكيلك رحت الكويت واخدت الموديل الى احدث منه بموديلين الى هوا 809 ب 3200 ريال

حمدت ربي اني ما اخدتة قبل ما اروح الكويت واشتري السماعات من هناك


عموما عندك في دبي بعد الوكيل الى هوا hifi city يعمل عروض وتقدر تخش على الفيس بوك مالهم وتسالهم ويردون عليك في نفس اليوم

[سومطره]

الرسيفر ممتاز وانصحك فيه

[Khalid-Qatar]

انا كنت مثلك محتار بين 807 كان عندهم وعليه عرض ب 2850 بعد ما كان سعرة 4500

الله وكيلك رحت الكويت واخدت الموديل الى احدث منه بموديلين الى هوا 809 ب 3200 ريال

حمدت ربي اني ما اخدتة قبل ما اروح الكويت واشتري السماعات من هناك


عموما عندك في دبي بعد الوكيل الى هوا hifi city يعمل عروض وتقدر تخش على الفيس بوك مالهم وتسالهم ويردون عليك في نفس اليوم

سعر ممتاز مقارنه بالسعوديه ٤٤٥٠ ريال سعر ال ٨٠٩

فرق ١٢٠٠ ريال

لي زياره للكويت قبل او بعد عيد الاضحى ياليت تعطينا اسم الوكيل ومكانه

وتسلم

[ابوالهنوف]

اشكر اصحاب الردود انا استفدت

قبل كم يوم اشتريت من الدولية رسيفر 1008

ودفعت عربون لسماعات جامو 807 والان راح الغية

[Abdulsalam Alabdulsalam]

والله أنا شريته وبكره يتم التوصيل من وكيل أونكيو في الكويت "الكترونيات الغانم" سمعت أنه فيه مجموعة خرجت من المصنع فيها عيوب مصنعية علشان جذي دفعت زيادة لتمديد الكفالة وأقدر أبداه بجهاز آخر إذا أمكن.

الموديل الجديد NR3009 نزل في الخارج بس الفرق بسيط بينهم, الجديد تقدر تسمع فيه أغاني من الكمبيوتر بمجرد وصلة واي فاي وبدون كيبل.