استفسار بخصوص جهاز WD LIVE

[فيصل بن ماجد]

السلام عليكم

ابسئلكم اسئلة بخصوص جهاز WD لأني ناوي اني اشتري واحد لاكن تفاجئت ان فيه نوعين وابي استفسر عن النوعين واتوقع اذا قريتوا السؤال انكم بتضحكون علي لدرجة وتقولون وش ذا الغشيم



النوع الاول WD LIVE HUB
النوع الثاني WD LIVE HD MEDIA PLAYER

سؤالي وشو الفرق بين النوعين ووش مميزات كل واحد منهم

وهل صحيح ان الجهاز يحمل الافلام تلقائيا من الانترنت مع الترجمه ولا لازم انا احملها من الانترنت مع الترجمة وانقلها عن طريق USB اذا كان يحملها تلقائيا هل يحملها بدقة HD واذا لازم انا احملها من النت لازم انا احملها بدقة HD وطبعا هذا مستحيل لان راح يجلس اسابيع وشهور عشان ينتهي التحميل او اني احملها بدقة عادية وهو يحولها الى HD <<<<< كم مره قلت او

او
لا لا استهبل

اسف على الاطالة لاكن هذي اول مره اشتري اجهزة مثل كذا فلازم اتعمق فيها قبل لا اشتريها

والسلام خير ختام

[mz_milan]

وعليكم السلام ورحمة الله وبركاته

هنا الفروق بشكل تفصيلي بين الموديلات الثلاث المتوفره في شركة ويسترين ديجيتال

http://www.wdc.com/en/products/homee.../mediaplayers/

وبالنسبه لتحميل الافلام هذي الخدمه موجوده في امريكا ولا تشتغل في الدول الأخرى وموجوده بالفروقات بالوصله الي اعطيتك اياها في الاعلى

الله يوفقك

[فيصل بن ماجد]

وعليكم السلام ورحمة الله وبركاته

هنا الفروق بشكل تفصيلي بين الموديلات الثلاث المتوفره في شركة ويسترين ديجيتال

http://www.wdc.com/en/products/homee.../mediaplayers/

وبالنسبه لتحميل الافلام هذي الخدمه موجوده في امريكا ولا تشتغل في الدول الأخرى وموجوده بالفروقات بالوصله الي اعطيتك اياها في الاعلى

الله يوفقك

والله مالنا بالانجليزي لاكن فهمنا من الشيخ قوقل بس عندي سؤال صغيرون اذا ابي اشوف فلم HD لازم احمله من اللاب توب وانقله للجهاز اذا لازم اتوقع مستحيل لانه بيجلس يحمل شهور على ما يخلص فكيف الناس يناظرون الافلام HD على ال WD
طيب تننصحني باي نوع اخذ خصوصا ان فرق السعر تقريبا الدبل وانا استعمالي افلام وبس
ومشكور على ردك يالغالي

[F H D]

^^^^
لازم تحمل الفلم أو تجيبه عندك .. و أفلا الـ HD تحملها بدقة الـ HD الي متاحة على النت .. مافيه مثل ماقلت تحمل فلم عادي وبعدين تحوله HD ..
مسألة التحميل التلقائي .. فيه اجهزة تدعم التحميل التلقائي للأفلام وللترجمة بس أسعارها غاليه ..

إنت إذا إذا تبي جهاز لشتغيل الأفلام فقط .. يعني مايهمك لا مميزات و لا غيره فقط اللهم انك تشغل الجهاز و تشوف الفلم وتسكره
أعتقد WD Live يفي بالغرض .. وهو منتج لهذا الاستخدام
تحمل افلامك و تحمل الترجمات وبعدين تنقها إلى الهاردسك الخارجي و بعدها توصله بالمشغل وهو يتعرف عليه ويقراء الملفات الي عليه
و برضه تقدر بدون ماتنقلها الى الهاردسك الخاجي .. مباشرة تشغلها من الابتوب .. عن طريق تفعيل مشاركة الشبكة للمجلدات الخاصة بالافلام في الكمبيوتر و تتصفحها من المشغل بشكل طبيعي ..

[فيصل بن ماجد]

اللي فهمته من كلامك احمل فلم بدقة HD من اللاب توب اعتقد ان هذا مستحيل لان المساحة توصل الى 13 GB واكثر اتمنى تشرحون لي بالتفصيل لان خويكم عليمي

وصحيح زي ماقلت انا اهتمامي الافلام اشوفه واخلص بعدين اسكره بس الكلام الفلم ابغاه بدقة جيده مو مثل افلام الDVD ام 5 ريال

[F H D]

^^^^^
أفلام الـ HD المتوفرة بالنت تختتلف انواعها و احجامها حسب نوع الصوت و الصورة برضه ..
في وضعك انت خليك على نسخ 720p و اصوات DD و DTS للمسرح المنزلي الي بتشتريه ..
و هالنسخ احجامها غالباً تتراوح بين الـ 4 و 7 جيجا و احياناً تكون اقل أو اكثر بقليل على حسب النسخه و الفريق الي منزلها على النت

[فيصل بن ماجد]

ادري اني طولتها وهي قصيرة
طيب اقدر احمل فلم تورنت واشغله على الwd لان السرعة عندي 4 ميجا واحمل فلم 8 قيقا احس انها بتطول ايام على ما يخلص التحميل

واسف على الاطاله لاكن للحين ما فهمت

[Talal ALateeq]

نعم تقدر
سرعتك مناسبه لتحميل افلام الاتش دي اخوي
اهم شيء التورنت الي تحمل منه يكون تراكر خاص عشان توصلك سرعه التحميل كامله
واذا كانت سرعة التحميل كامله الفلم الي حجمه 8 قيقا ياخذ تقريبا خمس ساعات

واذا انت راعي تحميل ارفع سرعتك لـ 20 ميقا ترى الفرق 40 ريال تقريبا : )
وعيش حياتك


بخصوص الفرق بين الجهازين الي فوق

الهاردسك الداخلي بسعه 1 تيرا
منفذ HDMI اصدار 1.4
منفذ شبكه بسرعه 1 حتى 1000 ميقا ( لابد يكون المودم والكيبل قادر على النقل بهذي السرعه )
واجهه وقوائم بتقنيه HTML 5
امكانيه جلب معلومات وبوسترات الافلام
معالج اسرع
رام اكبر
ريموت افضل من ناحيه تعدد الخيارات

هذي ابرز الفروقات تقريبا
فرق السعر طبعا
الاول بـ 900 ريال
والثاني بـ 350 الى 400 ريال

اذا لسى بتشتري هاردسك انصحك بالاول
اذا ماراح تشتري الثاني يفي بالغرض او الهدف من شراء هالاجهزه

[فيصل بن ماجد]

اجل ان شاء الله بشتري الثاني وانا عندي هارديسك 500 قيقا

[Khalid-Qatar]

الافضل WD TV Live Hub بدون منازع

زيد المبلغ وتوكل على الله اخر موديل نزل عندهم واحسنهم وفيه هاردسك ١ تيرا

الانواع الثانيه سيبك منها موديلات قديمه وحتى واجهاتها غير ومش حلوه

وفروقات وايد

نصيحه لا اكثر ولا اقل

وبالتوفيق