إعلانات

الموضوع: عمل اثنين بوكس سوبوفر 18 انش

النتائج 1 إلى 10 من 10
  1. #1
    عضو كويس عضو محترف الصورة الرمزية BAROOON
    الـعـضـوية
    8
    الإنـضـمـام
    Feb 2011
    الإقـــامـــة
    السعودية - الدمام
    المشاركات
    693
    قدم شـكـره
    104 مرة
    تـم شـكـره
    541 مرة في 126 مشاركة

    HDTV : PANASONIC.TH-50PV80M Projector : BENQ6000 Monitor : LG,18 HTPC : SilverStone,ML03B/i3-550/MOB,Asus P7H55/MSI nVidia GT 520/ Consoles : PS3-Xbox360 AV-Receiver : RX-V3800 HT Speakers : CEN:NS-C515x1\FRONT:NS-777x2\PRES:NS-333x2/SUR:NS-333x4 Subwoofer : YST-SW1500

    عمل اثنين بوكس سوبوفر 18 انش

    السلام عليكم ورحمة الله وبركاته

    مقدمة :
    الموضوع بدايتة سواليف غير مفيدة اذا ماودك تمل شوف التفصيل الاحمر او انزل مباشرة لمقطع اليتيوب
    طبعا من زمان ماشاركت او كتبت موضوع لان ماعندي شي اضيفه ولي سنة تقريبا سويت الغرفة الجديدة بس للحين ماخلصت بشكل كامل
    خلال فترة الحظر تفرغت بشكل كبير وانجزت اغلب الشغل وباقي خفايف وتعديلات بسيطة
    وطبعا انا شخص احب الافلام والمسلسلات وهاوي للصوتيات واغلب وقتي في غرفتي واعتمد على اني اسوي الشغل بنفسي بافكاري الخاصه
    غرفتي هذي اشتغلت فيها كل شي سويته بنفسي , العمال ركبولي مكيف + الفرشة فقط ,
    وعشان الكل يستفيد وبرضو عشان اقدر اني اكتب عن الغرفة بيكون هذا الموضوع الاول سوبوفر بوكس
    والمواضيع الثانيه عن عمل سماعة سنتر و الكوستك بنل وشاشة برجكتر وجدار بوسترات و تفصيل طاولة و تركيب جدار خشب لتعليق شاشة 60 انش وشاشة برجكتر ودمج رفوف اجهزة
    كل مافضيت بحاول اضيف موضوع وبرضو احط رابطه هنا لسهولة الوصول
    المنتدى يعتبر مرجع لاشياء جدا مفيدة وحتى فيه ردود دسمه اتمنى جميع الشباب بصحه وعافية
    اشتقنا لبداية ايامه كنت توني بادي اسوي غرفتي اول موضوع لي هنا
    طبعا انا اتابع بين فترة وفترة مدري باقي الشباب يتابعون وساكتين نفس النظام ولا اختفو
    حافظ الود وتجاربه الدقيقه ومكس95 صاحب المعلومات وتروث81 نتعلم منه تكسير الجدران وبناية من الالف الى الياء و ادفيزر تروك سابقا البيساوي المحترف و حمني الي يدقق و مردر الذويق وميلان مديرنا ابو الشاشات بريفهارت
    وفهد يعدل المواضيع ويزبطنا وكثير ناسيهم خلاص شيبنا
    واستفدت من مواضيع كثيرة منها موضوع تجارب كودي حق تركي وبمشاركة ويرولف رجل الكودي الاول واكيد مواضيع الاستاذ احمد كلها تجارب قوية وجميلة بغض النظر عن التكاليف

    بدايتي في مجال الصوتيات:
    من التسعينات تحديدا سنة 94 ايام كاس العالم كان عندي مسجل كاسيت ستريو من شركة سوني طبعا حق اخوي الكبير والجهاز معروف ستريو واستخدامه تركبله شريط كاست اغاني او تشغل الراديو
    وكانت فكرتي اشغل صوت التلفزيون على سماعات الستريو والفكرة جتني يوم شفت فلم BACK TO THE FUTURE يركب سلك سماعات بداية الفلم يعني
    وبعد اختراعات ومحاولات اشتغل الصوت ومن اجمل اللحظات الي ما انساها ووقتها مافيه نت احد يعلمك ولا شي فكان يعتبر انجاز بالنسبه لي
    ويوم دخل اخوي وقعد استغرب الصوت عالي وقوي وحماسي افضل من اول ويقوم يسمع الصوت من الستريو ولا صدق وطفاه عشان يتاكد ويقولي كيف سويتها !!
    قلت له شبكت اسلاك RC من الشاشه الى الستريو واشتغل وطبعا ماعرف شي بس كان مبسوط وكل ماجاه احد من اخوياه يشغلهم فلم ويسالون كيف يقول اخوي هندس عليه وشغله
    وفي بداية سنة 2000 مع امتلاك اول سيارة غيرت السماعات الى بايونير واضفت سوبوفر مقاس8 انش بصندوق خشب من دولاب قديم عندنا غير مستخدم وديته عند سواق خووي وقصه وزبطه لي
    وركبته مع امب ماله ماركة وقوتة 300 واط بس الاحساس وقتها خرافي وعلى سنة 2004 خذيت سيارة كوبية وشلت الكرسي الخلفي وحطيت 3 ووفرات مقاس 12 انش على اثنين ام 1200 واط مع 8 سماعات وامب منفصل
    وكانت جودة الصوت والبيز ممتازة ومحد كان يهايط بقوة السستم حقه عندي لان الشغله كانت عندي هوايه وتطوير وعرفت ايش اعدل وكيف
    في نفس السنة كان عندي مسرح اقل من العادي وعلى بالي انه التوب تلفزيون بناسونك مربع ابوضهر 34 انش اكبر مقاس نزل, والصوت جهاز ستريو بناسونك 7 سماعات واثنين سوبوفر
    وكنت جامع السماعات كلهم قدام اربع يمين واربع يسار والسنتر في الوسط مسوي اني فاهم بس وقتها افلام دش او ديفيدي ابوعشرة يعني ماكان فيه مادة تشغلها وتتحسف على توزيع غلط
    بعدها بسنة نقلت الى شقة صالة مكشوفة على مطبخ يعني يسمونها ستديو في الرياض وزارني واحد وشاف زحمة السماعات وقالي غريبه ماعندك سماعات كبار وكذا, قلت هنا محد يبيع !! قال كيف عندك الدولية انواع السماعات
    واستغربت الي اعرفه عندهم جيتار اورق وشغلات حفلات وقال لا عندهم مسارح واشيا كثير , طبعا هو مو حق مسارح ولا شي بس دلني على الطريق
    وثاني يوم مريت يماها الشعلة محل صغير وعنده اشيا ماتوقعت القاها عندنا وطبعا انعميت هذا بكم وهذا ايش وهذا ايش يسوي اشغلت الهندي لين تعب وجا خوية يكمل التور معي
    وبعد ماخذيت معلومات كثير دفعه وحده قلت خلاص انا بفكر وبجيك بكرة حركتنا المعروفة
    بس عشان افكر لان الاسعار تعتبر خرافية يعني انا عندي الستريو الي اسميه مسرح كلفني 1600 ريال وراضي عنه اروح اخذ سماعات فرونت فقط ب3500 ريال ليه وباقي سماعات زيادة و الرسيفر حقهم
    وبعد مافكرت قررت اخذ بكج جاهز سعرة 1400 ريال وفضي لان الفضي وقتها كان هو اللون الرهيب
    خمس سماعات صغيرة مع سوبوفر صغير كنه بوكشلف333 وبعد ماركبته اعجبني توزيع الصوت ونقاوتة مقارنة في الستريو لاني قبل كنت استمتع على صوت عالي وتشويش اعلا
    واليماها عطاني صوت اقل ونقاوة اعلا وقتها قررت اني اطور مستقبلا بس لازم اعرف ايش اخذ مو اشتري وبس
    وقعدت على هذا البكج الى 2007 ووقتها لقيت واحد اعرفه عارض رسيفر اونكيو مستعمل ونظيف بنص سعرة وتحمست وخذيته وركبت على سماعات اليماها الصغيرة
    وبعد كم شهر نزلت تخفيضات الدولية وكان اول شي ابيه فرونت يماها 777 وخذيتها ب2600 اعتقد مع سنتر ال515 حدود 500 ريال
    وحطيت الاربع سماعات سراوند وباك وهنا قلت خلاص انا كذا وصلت الى افضل مرحلة صوتية ومستمتع الى اخر شي لحد يكلمني بس فعليا هذا كان بداية المسرح والصوتيات
    لان مع الوقت تقرا وتشوف وتتحمس وتجرب وتشتري ومجال الصوتيات او الترفية المنزلي ماله حدود ولازم تفرق بين انك تتابع للهواية فقط او تتابع عشان تشتري وتضيف
    وطبعا وقتها كان ناقصني سوبوفر عشان اقفل على المسرح بس طفرت بعد ال777 وانتظرت كم شهر مع التخفيضات الي بعدها وخذيت سوبوفر يماها SW1500 بمبلغ 3200 ريال وكمان رسيفر RX3800 ب5500 ريال لان الاونكيو
    جاني عليه ب 2000 ريال وخسارتي 500 ريال وبعت بدون تردد لان وقتها كان يهمني مداخل HDMI زيادة والاونكيو كان فقط فيه 2 مدخل HDMI
    والغير متوقع ان جودة الصوت تحسنت الى مالايقل عن 30% وهذي اضافة اسعدتني كثير وقتها لانها ماكانت في الحسبان
    والاحظ كثير يحبون التطور السريع او القفزات يعني مثلا يشتري بكج جاهز ب1500 وبعد فترة قصيرة او طويلة يشطح وياخذ بردايم و امب وبرجكتر وكلش دفعة وحده
    بغض النظر هو صح او غلط لكن انت اذا تطورت دفعه وحده حرمت نفسك من الاستمتاع بكل شي بشكل منفصل يعني ايش يمنع تجيب اول شي فرونت كم شهر تستمتع بتفاصيلها وبعدها تضيف السنتر وبعدها
    تضيف برجكتر وامب وكذا , النتيجة في النهاية وحده , اتمنى فهمتو قصدي
    والبكج الفضي استخدمت سماعاته الى منتصف 2009 اعتقد وخذيت اربع سماعات F50 وحطيتهم سراوند و باك
    وقتها يوم رحت بشتري سوبوفر1500 كان في سوبوفر سوافو فرونت فاير بورتد اعجبني تصميمه وسعره كان ارخص حدود ال2400
    اعجبني لو اخذ اثنين واحطهم قدام مع الفرونت بس الغرفة عندي وقتها ماتسمح لان كان فيه باب يسار الشاشة
    وعلى 2011 في مسرحي الثاني الي سويت عنه موضوع هنا كان يمدي مع شوية تعديلات بس يوم سالت عنه لقيت بني وحبه وحده
    وكنسلت الفكرة لعدة اسباب منها المكان مو مره ولا كنت مخططله وشقه وبيز كثير مزعج للغير ,

    ايش اشتري سوبوفر:
    قبل انقل للغرفة الجديد حددت كل شي كان 4 سماعات اتموس بالسقف + سماعات سراوند + رسيفر يدعم اتموس يماها 3050
    وباقي حبتين سوبوفر المشكلة هنا الاسعار مبالغ فيها وخيارات قليلة والاداء يعتبر ضعيف مقابل السعر واذا بتجة للSVS بدفع مبلغ اعتبرة خرافي
    بعدها شفت مقاطع التيوب الي يسوون بوكسات سماعات ويجمعونها بنفسهم والي يسون سوبوفر
    طبعا كلها شدتني وخصوصا السوبوفر ومع البحث تعرفت على موقع بارتز اكسبرس
    عجبني فيه موقع متخصص للسماعات لكل الانواع + وصلات + افياش + كروسوفر وكذا
    اكيد فيه افضل منه بس ميزتة واضح وسهل وكان شحنه المباشر قرابة 3 دولار للباوند
    وكان سعر اثنين مقاس15 مع الشحن 2100 ومقاس18 ب2900 يعني الفرق 800 ريال
    فكرت وشاورت حبيبنا شعلة المنتدى الاستاذ احمد ahmedreda , لان وقتها مشالله كان في بداية تصنيعه للسوبوفرات
    وحبيت استفيد منه لانه هو الوحيد الي اعرفه مسوي هذا الشي وطبعا ماقصر ولا بخل علي بشي
    ومختصر كلامه ال18 افضل اكيد بس مشكلتة الحجم , وحسبت المساحه عندي وقسمتها ويمدي احطهم بترتيب مناسب
    وطلبتهم واضفت معاهم سماعات صغيرة عشان اجرب اسوي منها سنتر وبتكلم عنها بالموضوع الثاني,

    الامب:
    طبعا السوبوفرات الي انت تسويها بنفسك نوعين
    الاول نفس الجاهز يكون في الخلف امب منفصل له بس تركب عليه كهرب واشارة من الرسيفر وتشغل الطريقه جيده اذا ناوي تسوي واحد فقط ويكون شغلك مختصر
    وحتى لو تبيعه بكون اسهل لانه قطعه وحده نفس موضوع اخونا khaled_258
    http://www.avarab.com/vb/showthread....7290#post77290
    الثاني هو نفس طريقتي صندوق فيه ووفر وطالع منه سلك والامب يكون جهاز خارجي مخصص للسوبوفرات وينتج واط عالي واقوى وافضل من النوع الاول وارخص في حال بتشغل عليه اثنين سوبوفر
    او اكثر او حتى واحد بس هذي الطريقة اشوفها افضل من ناحية اداء افضل امب مستقل واخذ راحته حلو لو حاب تغيرة بعدين لاي سبب غير وركب السلك فقط ,

    مقاسات وتركيب البوكس :
    طبعا ماكنت افهم شي وللحين ترا مافهمت كثير بس حاولت اسوي الي اقدر عليه والاستاذ احمد عطاني مقاسات وشرحلي
    فيه مقاسات مجربه ومعتمده وفيه برامج تساعدك بعمل الحجم وتعلمك كم الارقام المفروض تعطيك بس ارجع اقولك ترا ما افهم في الارقام كثير
    انا شخص اعرف اجرب واسمع واحكم
    بس انا كنت محدود بالمساحة وهي الي حددت حجم البوكس
    المقاس عرض 60سم في طول75سم والعمق 80سم
    الخشب المستخدم MDF حجم18ملم والوجه 3 الواح اثنين راكب عليها السوبوفر والثالث فريم عليه فقط يعطيه شكل احلا ويقوي وجه البوكس
    وجميع الجهات لوح واحد فقط ومن داخل ركبت ثلاث قطع خشب مربوعه 2باي2 عشان يكون متماسك من داخل وركبت لوحين على شكل L عشان اقوي البوكس + اوهم السوبوفر ان الصندوق طويل
    ومن تحت لوح يفصل البورتات لنفس السببين واستخدمت مسامير برم اكثر من مقاس + غرا خشب
    والعمل بصراحه طول معي لاني جبت الواح خشب وقصيتها بنفسي وهذي غلطه كان مفروض اخلي النجار يقص المقاسات وانا اركب اسهلي بكثير
    بس وقتها شريت 16 لوح عشان اشغل في الغرفه والبيت بشكل عام ولا كنت محدد مقاس لسى
    ووقت ماشريت رحت النجار عشان يقص كل الالواح بالنص عشان اسهل علي نقله من السيارة للسطح مكان الورشة
    طبعا القص عندي منشار دائري عادي وطاولة واشتغلت عليهم كلهم بعد ماخلصت قص رقمت ووزعت ترتيب التجميع
    بعدها استخدمت الراوتر عشان قص دائرة الووفر + البورتات وميزتة بعد ما تقص وجه واحد تركبله ريشة تاخذ نفس القص
    وريحتني كثير مع الخمس وجيه الباقيه واستخدمته عشان اسوي فرزة داخليه للوحه الوجه والخلفي
    عشان اذا حطيته يركب مكانه وتزيد منطقه التحامه مع البوكس ويقوى تماسكه
    وبرضو سويتله فرزه خفيفه مع صنفرة للحواف الخارجية وشفة فريم الوجه
    بعدها ركبت داخل البوكس اسفنج كامل لانه مفتوح واستخدمت دباسه وغرا باتكس وتعبني توزيعه لانه ثقيل لو استخدمت غرا خشب يمسك تمام
    بس انا شريت 3 جوالين باتكس من اول له وللكوستك بنل وخلاص لازم استخدمهم
    وفي حالة المغلق تركب قطن مخده وتنفشه عشان توهم الوفر ان البوكس كبير
    بعدها ركبت معجون وصنفرته وصبغت وجه اساس وبعدها اربع وجيه بين كل وجه صنفرة 100 خفيف بوية اسود زيتي الجزيرة مناسبه للخشب ومستخدمه قبل كذا
    ميزتها انها مطفيه وممتازة مع الاضائة بس عيبها اي لمسه غلط تحس يترك خط او خدش خفيف فماتنفع تستخدمها مع طاولة بي سي مثلا بتتخدش وتنعدم

    الفنش والتسليك :
    استخدمت سلك داخلي 10AWG ومسكته بقماش من داخل عشان مايلعب ويطلع صوت
    الوفر له اثنين موجب واثنين لكل جهة 2 اوم وتقدر تخليه 1 اوم او 4 اوم
    وشغلته على 4 اوم توصل سلك واحد بين موجب جهة وسالب جهة وتاخذ سلك سالب الفاضي وسلك موجب الفاضي
    وطلعت السلك من الفتحه الي قصيتها وركبت بنانا بلق عادي نفس السماعات
    طبعا بتحتاج وصلات حسب الامب المستخدم , الي عندي ياخذ اشارة الرسيفر كيبل XLR ويرسل الى السوبوفر مخرج سبوكن
    يعني استخدمت اثنين كيبل RC او كوكسل مخرج من الرسيفر طبعا بيكون عندك مخرج واحد وتستخدم وصلة قسام Y الي هو حق اشارة سوبوفر الى مدخل الامب XLR وهذا كيبل يجي جاهز زي الكوكسل واثنين طبعا شنل A وشنل B
    الحين انتهينا من ارسال الاشارة من الرسيفر الى الامب بعدها المرحلة الثانية ترسل الباور الى السوبوفر
    واحد سبوكن من مخرج الامب الى اثنين بنانا بلق في السوبوفر وهذا كيبل واحد حق سوبوفر واحد وكيبل ثاني للثاني اكيد شنل A وشنل B
    وهذا كيبل الافضل والارخص انك تسويه بنفسك انا استخدمت نفس الداخلي 10AWG ولبسته هيت شرينك كامل بس كذا شكل

    الملاحظات والاخطاء :
    1- الافضل تحديد المقاسات والنجار يقصلك كل شي وانت تركب
    2- جبت مسامير مع صواميل لتثبيت السوبوفر شكلها احلا من المسامير العادية بس تركتهم لان مفروض احفر مكانهم في لوح الوجه قبل اركبه على البوكس
    3- البورت انا ماركبتله بيب يعني راكب شكل فقط ومفروض تطوله من داخل عشان تنزل الهرتز وكذا بس قلت بشوفله بعدين واركبه
    4- غرا الباتكس مع الاسفنج استبدله بنفس غرا الخشب اسهل واريح
    5- حجم18 انش صراحه متعب من الى واشوف مقاس 10 او 12 انش افضل بكثير في العمل والمساحه , مع العلم ترا يستاهل التعب وراضي عن اختياري
    6- بعد الانتهاء من تركيب البوكس حط غرا من داخل وعب الثغرات تمام

    النتيجة :
    لغة ارقام ما افهم فيها والامب صراحة للمحترفين وللحين ماعرفت فيه شي من ناحية برنامجه والستينق
    شغلته وعدلت وسويت واجرب نفس المقطع وكذا لغاية يعني تعلمت شوي اساسيات والحين يمكن ماعرفت فيه الا 30% يمكن والاداء مشالله فوق التوقعات
    من ناحية الهرتز ونفخ الهوا شي يستاهل التعب مع الافلام و الاغاني بس يبيك تعدل الستنق شوي اذا افلام او اغاني وطبعا هو الستنق تخزنه وتختارة
    , واتمنى اذا احد عنده ملف اعدادات او ستنق للامب يعطيني اجرب ,

    التكلفة :
    طبعا انا شريتهم على نهاية سنة 2016 وكنت مسجل تكلفة حبتين 18 مع الشحن 2900 ريال واضفت عليها كيابل وافياش وسماعات للسنتر واعتقد وصلني كل شي بحدود 4200 ريال
    والامب من امازون البريطاني عشان كهرب220 مع الشحن مباشر كلف 1400 ريال
    الخشب اللوح يجي مقاسه 120 في 240 ب55 ريال سماكة 18ملم
    غرا الخشب الامريكي الاحمر جالون 120 ريال واحد يكفي ويزيد معك ثلث
    باتكس جالون ب50 ريال واحد يكفي
    الاسفنج استخدمت نوع من علي اكسبرس وخلص 60 ريال وكملت بنوع محلي 20 ريال
    كيبل XLR من علي اكسبرس ب60 ريال
    يعني المشروع كلفني قرابة ال5000 ريال شامل 2 سوبوفر + امب + وصلات وخشب واسلاك وكل شي
    طبعا اذا بتقارنها من ناحية اسعار الجاهز افضل بكثير اكيد ومن ناحية جودة التصنيع الحمدلله شغلي جودة ممتازه من الداخل يعيبه الشكل للبعض ومناسب لي
    ومن ناحية جودة الصوت ممتاز واعطيه 8 من10 مع ملاحظة اني ماعرفت اوزن الامب يمكن بعد الوزن يعجبني اكثر وياخذ 10 من10
    ومن ناحية انه اضافة في المسرح فهو يستاهل سعرة على هذا الاداء
    المشروع بحجم 18 و15 و12 و10 يناسب شخص عنده مساحه امامية حلوة وناوي ياخذ سوبوفر ب3000 وحولها
    ويناسب شخص مسرحه بسيط ويحب التفاصيل مع البيز

    روابط المنتجات :
    Dayton Audio UM18-22 18" Ultimax DVC Subwoofer 2 ohms Per Coil

    https://www.parts-express.com/dayton...-coil--295-518

    Precision Port PSP-3OFH 3" Outside Flare for Port Tube

    https://www.parts-express.com/precis...&utm_source=CJ


    Behringer NU6000DSP Inuke 6000W Power Amplifier with DSP Control
    https://www.behringer.com/Categories...ogtrans(en|en)

    مقطع صور العمل على اليتيوب :
    https://www.youtube.com/watch?v=Wr_0F90X-ew&t=35s

    https://www.youtube.com/watch?v=4mHxKs_HGSA


    وقريب بضيف تجارب بعض المقاطع اذا مهتم تابع الموضوع بيكون فيه تحديث انشالله

  2. قدم 5 من الأعضاء شكرهم إلى BAROOON على هذه المشاركة:


  3. #2
    عضو كويس عضو محترف الصورة الرمزية BAROOON
    الـعـضـوية
    8
    الإنـضـمـام
    Feb 2011
    الإقـــامـــة
    السعودية - الدمام
    المشاركات
    693
    قدم شـكـره
    104 مرة
    تـم شـكـره
    541 مرة في 126 مشاركة

    HDTV : PANASONIC.TH-50PV80M Projector : BENQ6000 Monitor : LG,18 HTPC : SilverStone,ML03B/i3-550/MOB,Asus P7H55/MSI nVidia GT 520/ Consoles : PS3-Xbox360 AV-Receiver : RX-V3800 HT Speakers : CEN:NS-C515x1\FRONT:NS-777x2\PRES:NS-333x2/SUR:NS-333x4 Subwoofer : YST-SW1500

    رد: عمل اثنين بوكس سوبوفر 18 انش












  4. قدم 2 من الأعضاء شكرهم إلى BAROOON على هذه المشاركة:


  5. #3
    عضو بـارز الصورة الرمزية ahmedreda
    الـعـضـوية
    3522
    الإنـضـمـام
    Jan 2014
    الإقـــامـــة
    United States
    المشاركات
    1,393
    قدم شـكـره
    96 مرة
    تـم شـكـره
    2,197 مرة في 902 مشاركة

    Projector : BENQ W7000 Projector Screen : Seymour AV XD 140" Acoustically Transparent Disc Player : Panasonic BDP-220U Multimedia Player : WD TV Live, Roku 2 XS Consoles : PS3 AV-Receiver : Denon 4311CI Amplifier : Emotiva XPA2, XPA5, Buttkicker BK1000 HT Speakers : 3xJTR Neosis 212HTR, 2x JTR Single 8 LP , 2x JTR Triple 12s Subwoofer : 3x Rythmik Audio FV15HP

    رد: عمل اثنين بوكس سوبوفر 18 انش

    شكرا علي الموضوع .. استمتعت بقرائته كثيرا و ياريت تحاول تضبط الصور
    إقتباس :
    المشاركة الأصلية كتبت بواسطة BAROOON مشاهدة المشاركة
    حاولت اضيف صور زيادة بس مازبط معي شكلي بسويها مقطع ثاني

  6. تلقى ahmedreda شكراً على هذه المشاركة من:


  7. #4
    عضو كويس عضو محترف الصورة الرمزية BAROOON
    الـعـضـوية
    8
    الإنـضـمـام
    Feb 2011
    الإقـــامـــة
    السعودية - الدمام
    المشاركات
    693
    قدم شـكـره
    104 مرة
    تـم شـكـره
    541 مرة في 126 مشاركة

    HDTV : PANASONIC.TH-50PV80M Projector : BENQ6000 Monitor : LG,18 HTPC : SilverStone,ML03B/i3-550/MOB,Asus P7H55/MSI nVidia GT 520/ Consoles : PS3-Xbox360 AV-Receiver : RX-V3800 HT Speakers : CEN:NS-C515x1\FRONT:NS-777x2\PRES:NS-333x2/SUR:NS-333x4 Subwoofer : YST-SW1500

    رد: عمل اثنين بوكس سوبوفر 18 انش

    إقتباس :
    المشاركة الأصلية كتبت بواسطة ahmedreda مشاهدة المشاركة
    ياريت تحاول تضبط الصور
    هلابك استاذ احمد, تم اضافة رابط مقطع ثاني لصور البنانا بلق والاسلاك
    وبسوي مقطع تست لعدة مشاهد, فيه عندك مشاهد تحب اجربها ؟
    وبخصوص برنامج الامب هل اقدر اخذ ملفاتك واجربها عندي او تقدر تعطيني شرح له ؟
    لاني بحثت في اليتيوب بس مافيه احد شرحه بشكل واضح

  8. #5
    عضو بـارز الصورة الرمزية ahmedreda
    الـعـضـوية
    3522
    الإنـضـمـام
    Jan 2014
    الإقـــامـــة
    United States
    المشاركات
    1,393
    قدم شـكـره
    96 مرة
    تـم شـكـره
    2,197 مرة في 902 مشاركة

    Projector : BENQ W7000 Projector Screen : Seymour AV XD 140" Acoustically Transparent Disc Player : Panasonic BDP-220U Multimedia Player : WD TV Live, Roku 2 XS Consoles : PS3 AV-Receiver : Denon 4311CI Amplifier : Emotiva XPA2, XPA5, Buttkicker BK1000 HT Speakers : 3xJTR Neosis 212HTR, 2x JTR Single 8 LP , 2x JTR Triple 12s Subwoofer : 3x Rythmik Audio FV15HP

    رد: عمل اثنين بوكس سوبوفر 18 انش

    أنا أقصد إذا ما كانت الصور مع الموضوع يكون أسهل في القرائة .. لكن ال youtube يفي بالغرض. الأمب يجب تضبيطه حسب الغرفة و المكونات.. هناك برنامج يجب تنزيله لتضبيط لتغيير الإعدادات و يتم الإتصال بالكمبيوتر عن طريق وصلة ال USB. إن كنت تريد مساعدة اطرح اسئلتك و إن شاء الله أنا و بقية الأعضاء ممكن نجاوبك.
    تحياتي لك.
    إقتباس :
    المشاركة الأصلية كتبت بواسطة BAROOON مشاهدة المشاركة
    هلابك استاذ احمد, تم اضافة رابط مقطع ثاني لصور البنانا بلق والاسلاك
    وبسوي مقطع تست لعدة مشاهد, فيه عندك مشاهد تحب اجربها ؟
    وبخصوص برنامج الامب هل اقدر اخذ ملفاتك واجربها عندي او تقدر تعطيني شرح له ؟
    لاني بحثت في اليتيوب بس مافيه احد شرحه بشكل واضح

  9. تلقى ahmedreda شكراً على هذه المشاركة من:


  10. #6
    عضو كويس عضو محترف الصورة الرمزية BAROOON
    الـعـضـوية
    8
    الإنـضـمـام
    Feb 2011
    الإقـــامـــة
    السعودية - الدمام
    المشاركات
    693
    قدم شـكـره
    104 مرة
    تـم شـكـره
    541 مرة في 126 مشاركة

    HDTV : PANASONIC.TH-50PV80M Projector : BENQ6000 Monitor : LG,18 HTPC : SilverStone,ML03B/i3-550/MOB,Asus P7H55/MSI nVidia GT 520/ Consoles : PS3-Xbox360 AV-Receiver : RX-V3800 HT Speakers : CEN:NS-C515x1\FRONT:NS-777x2\PRES:NS-333x2/SUR:NS-333x4 Subwoofer : YST-SW1500

    رد: عمل اثنين بوكس سوبوفر 18 انش

    إقتباس :
    المشاركة الأصلية كتبت بواسطة ahmedreda مشاهدة المشاركة
    اطرح اسئلتك و إن شاء الله أنا و بقية الأعضاء ممكن نجاوبك.
    تحياتي لك.
    الصور ماتتحمل معي على الموقع مباشرة اتوقع لازم اضيفها في فوتوبوكت وارفق الروابط هنا مايمنع اضيف كم صورة في اخر الموضوع واليتيوب افضل اكيد
    الاحظ الموقع انحذفت منه صور كثير واغلب المواضيع صايرة بدون صور,
    انا منزل البرنامج حق الامب DSP فقط وشابك علية كيبل USB بس مو عارف اسوي اعدادات ولا فهمت في الفلاتر

  11. #7
    عضو بـارز الصورة الرمزية ahmedreda
    الـعـضـوية
    3522
    الإنـضـمـام
    Jan 2014
    الإقـــامـــة
    United States
    المشاركات
    1,393
    قدم شـكـره
    96 مرة
    تـم شـكـره
    2,197 مرة في 902 مشاركة

    Projector : BENQ W7000 Projector Screen : Seymour AV XD 140" Acoustically Transparent Disc Player : Panasonic BDP-220U Multimedia Player : WD TV Live, Roku 2 XS Consoles : PS3 AV-Receiver : Denon 4311CI Amplifier : Emotiva XPA2, XPA5, Buttkicker BK1000 HT Speakers : 3xJTR Neosis 212HTR, 2x JTR Single 8 LP , 2x JTR Triple 12s Subwoofer : 3x Rythmik Audio FV15HP

    رد: عمل اثنين بوكس سوبوفر 18 انش

    ليس بالضرورة تعمل فلاتر .. المهم تضبط ال Mode ل Dual. الغي كل ال Crossovers لو كانوا موجودين .. بعدها تكون Input A يوصل ل Output A و Input B يوصل ل Output B.. لو الريسيفر عندك له مخرجين و مصمم للتعامل مع 2 سبووفر مثل Audyssey XT32 هذا كل ما تريد عمله و بعدها الريسيفر سيقوم بالمعايرة ..

    إذا كان الريسيفر عنده مخرج واحد للسبووفر و تستخدم Y Splitter تحتاج تعدل التأخير (المسافة) لأحد السبووفرز قبل تشغيل الأوديسي.
    التعديل يكون هنا


    مطلوب حساب الفرف بين بعدي السبووفر عن مكان السماع.. إذا كانوا علي مسافة متساوية من مكان السماع لا داعي لوضع أي أرقام و أجعلهم الأثنين صفر.
    أما إذا كانوا علي مسافات مختلفة .. لنفترض واحد علي بعد 4 متر وواحد علي بعد 5.2 متر.. يكون الفارق بينهم 1.2 متر أو 4 أقدام..
    تريد تغير ال Delay عند السبووفر الأبعد (السبووفر الذي يبعد 5.2 متر) و تضع فارق المسافة .. أي ال 1.2 متر أو ال 4 قدم أو ما يكافئها بالميلليثانية ms.
    تحياني لك
    إقتباس :
    المشاركة الأصلية كتبت بواسطة BAROOON مشاهدة المشاركة
    الصور ماتتحمل معي على الموقع مباشرة اتوقع لازم اضيفها في فوتوبوكت وارفق الروابط هنا مايمنع اضيف كم صورة في اخر الموضوع واليتيوب افضل اكيد
    الاحظ الموقع انحذفت منه صور كثير واغلب المواضيع صايرة بدون صور,
    انا منزل البرنامج حق الامب DSP فقط وشابك علية كيبل USB بس مو عارف اسوي اعدادات ولا فهمت في الفلاتر

  12. #8
    عضو كويس عضو محترف الصورة الرمزية BAROOON
    الـعـضـوية
    8
    الإنـضـمـام
    Feb 2011
    الإقـــامـــة
    السعودية - الدمام
    المشاركات
    693
    قدم شـكـره
    104 مرة
    تـم شـكـره
    541 مرة في 126 مشاركة

    HDTV : PANASONIC.TH-50PV80M Projector : BENQ6000 Monitor : LG,18 HTPC : SilverStone,ML03B/i3-550/MOB,Asus P7H55/MSI nVidia GT 520/ Consoles : PS3-Xbox360 AV-Receiver : RX-V3800 HT Speakers : CEN:NS-C515x1\FRONT:NS-777x2\PRES:NS-333x2/SUR:NS-333x4 Subwoofer : YST-SW1500

    رد: عمل اثنين بوكس سوبوفر 18 انش

    إقتباس :
    المشاركة الأصلية كتبت بواسطة ahmedreda مشاهدة المشاركة
    ليس بالضرورة تعمل فلاتر .. المهم تضبط ال Mode ل Dual. الغي كل ال Crossovers لو كانوا موجودين .. بعدها تكون Input A يوصل ل Output A و Input B يوصل ل Output B.. لو الريسيفر عندك له مخرجين و مصمم للتعامل مع 2 سبووفر مثل Audyssey XT32 هذا كل ما تريد عمله و بعدها الريسيفر سيقوم بالمعايرة ..
    تحياني لك
    الرسيفر عندي له مخرجين سوبوفر فرونت + باك , مركب على مخرج الفرونت كيبل Y وطبعا كيبلين XLR الى مدخل A+B في امب السوبوفرات
    والباك مركب عليه سوبوفر يماها مكانه ورا تحت البرجكتر .
    جربت ازالة الفلاتر بس ماشفت فرق او شكلي سويتها غلط مدري .
    انا اقترح لو تسوي موضوع شرح عن صفحات الDSP بيكون افضل من الشرح هنا ويضيع مع الموضوع
    وموضوعك يشمل على شرح للخمس صفحات بالبرنامج + ملفات جاهزة لاكثر من Setup
    ويكون شرح مبسط بس نفهم الاساسيات

  13. تلقى BAROOON شكراً على هذه المشاركة من:


  14. #9
    محبكم محمد مؤسس الموقع الصورة الرمزية mz_milan
    الـعـضـوية
    1
    الإنـضـمـام
    Dec 2010
    الإقـــامـــة
    السعودية - جدة
    المشاركات
    6,664
    قدم شـكـره
    5,084 مرة
    تـم شـكـره
    6,934 مرة في 1,996 مشاركة

    HDTV : Panasonic TH-P65VT50 Projector Screen : Stewart Filmscreen
Screen Model (Luxus Model A ElectriScreen)
Screen Material (StudioTek 130 G3)
Screen Size (106 Inch)
Aspect Ratio (16:9) Multimedia Player : Xtreamer Prodigy HTPC : HTPC Case : Silverstone GD08B 
Motherboard : ASUS P8Z77-V DELUXE
CPU : Intel Core i7-3770K
GPU : GIGABYTE GeForce GTX 670
Memory : Corsair Vengeance 8GB total
SSD : Crucial 256 GB
HDD : Seagate Barracuda 12 TB total
Blu Ray Drive : Pioneer BDR-2207B5PK
Power Supply : Corsair HX850 Watts
CPU Cooler : Noctua NH-C14
Case Fans : Noctua NF-P12 Consoles : Xbox360 = KSA KING + PS3 = MZM9 AV-Receiver : Yamaha RX-A3010 HT Speakers : Polk Audio
Front (RTi A7)
Center (CSi A6)
Surround (FXi A6)
Surround Back (FXi A6) Subwoofer : SVS PB13-Ultra

    رد: عمل اثنين بوكس سوبوفر 18 انش

    السلام عليكم

    ماشاء الله عالبركة

    شغل مميز منك اخي بارون .. زمان عنك وعنكم جميعاً

    ان شاء الله فيه شيء بيفاجئكم ويسعدكم قريب واتمنى تكونو راضيين عنه وهذا اقل شي اقدمة لمحبي الترفية المنزلي .. عارف طفشتو مني بهالوعد المتكرر لكن فرجت ان شاء الله

    وفق الله الجميع
    التوقيع :
    أقم صلاتك قبل مماتك

    هل تريد الراحه ؟ تفضل هنا

    قد يتوقف البعض عن مساعدة الجميع ، إذا توقف الجميع عن مساعدة البعض !
    أي تجربة أو تقرير أو معلومة تضيفها إلى الملتقى هي مساهمة منك في مساعدة غيرك ، ودعم لإستمرار الموقع في مساعدتك مستقبلاً .

  15. #10
    عضو كويس عضو محترف الصورة الرمزية BAROOON
    الـعـضـوية
    8
    الإنـضـمـام
    Feb 2011
    الإقـــامـــة
    السعودية - الدمام
    المشاركات
    693
    قدم شـكـره
    104 مرة
    تـم شـكـره
    541 مرة في 126 مشاركة

    HDTV : PANASONIC.TH-50PV80M Projector : BENQ6000 Monitor : LG,18 HTPC : SilverStone,ML03B/i3-550/MOB,Asus P7H55/MSI nVidia GT 520/ Consoles : PS3-Xbox360 AV-Receiver : RX-V3800 HT Speakers : CEN:NS-C515x1\FRONT:NS-777x2\PRES:NS-333x2/SUR:NS-333x4 Subwoofer : YST-SW1500

    رد: عمل اثنين بوكس سوبوفر 18 انش

    إقتباس :
    المشاركة الأصلية كتبت بواسطة mz_milan مشاهدة المشاركة
    السلام عليكم
    وفق الله الجميع
    وعليكم السلام , هلا بميلان هلا بالمشرف العام
    يرجال روق مايحتاج وعود , المنتدى متخصص وجميل بس المشكلة قلة مشاركات التجارب
    لو كل شخص يسوي شي ويضيفة كان بيستمر بشكل حماسي اكثر , وانا شخص متابع من بدينا الى الان لفترات متقطعه
    ولاحظت ان الشغلة اقلبت منافسة اكثر ماتكون متعه واعتقد هذا اكبر سبب لبرود المنتدى
    طبعا ما اعتقد المنتدى يرجع لو ربع حماس قبل, لان الوضع يختلف الحين , سناب يتيوب وهذي الشغلات خلاص نومت فكرة المنتديات
    انا حاليا رجعت اشارك لان عندي شغلات جديدة اكتبها واذا خلصت غالبا برجع اختفي ثانية
    باقي اكتب موضوع عن شاشة البرجكتر و عن الغرفة بشكل عام بس للحين شغال عليها وناوي خلال هذي الفترة اغير ال777 واسوي سماعات diy نفس السنتر
    بعد كذا مافيه تطوير الا يمكن برجكتر جديد .

إعلانات