مساعدة في تنسيق غرفتي

[قيصر الحب]

اخواني عندي غرفة ابيكم تساعدوني فيها

هي عبارة عن مقلط عيبه له بابين واحد سحاب بينه وبين المجلس

والثاني الباب الخاص بالمقلط

انا سويت ورق حائط اسود واحمر وفيه شوي رصاصي

والي ابيكم تساعدوني فيه الاثاث المناسب ، والمكان الافضل للشاشة

الغرفة انا ابيها لجمعة الشباب يعني لزوم المباريات والافلام والبلايستيشن

وتخطيط الغرفة هذا هو







مع العلم ان ابعاد الغرفة بعد السقف المستعار

الجدار A 4.20 متر

الجدار B 3.70 متر

ارتفاع السقف 2.75 متر

[mz_milan]

شوف اول شي محل الشاشه المناسب ماعندك الا بجانب باب المقلط يكون بوسط الجداري مابين الباب ونهايته من اليسار وليس بوسط الجدار الكلي لان طاولة التلفاز ماعتقد راح يكون شكلها حلو يوم تكون لاصقة بالباب وراح تسبب مشاكل كثير

بالنسبة للعفش هذي تعتكد على ميزانيتك في الغالي وفي الرخيص ولو ميزانيتك عاديه باقلك روح ايكيا او حتى محلات الاثاث خاصة محلات الي تبيه بسعر مخفض مثل ماعندا بجده اسمه حراج الصواريخ عندهم اثاث والله سواء Sofa مريحه او مقاعد عاديه حلوه وباسعار حلوه بكثير من محلات الاثاث الفخمه والي يدبلون السعر عشر مرات

اي اتسفسار انا حاظر والاخوان ان شاء الله مايقصرون ويساعدونك ايضاً

وفق الله الجميع

[BAROOON]

مفروض تركب الشاشة في جدار الشباك وحط في بالك المكيف يمكن ينقط عليه موية .
او تركب في جدار الي على اليسار a .
عشان الشباب الي عندك ما يكشفون بيتكم وانت كل شوي فاتح الباب شاي ولا قهوة , مجرد فكرة يمكن ما انتبهة لها .

[قيصر الحب]

مكان الشاشة زي ماقال اخوي الميلاني عند باب المقلط
بس ابي اعرف وش نوعية الاضائه المفضله
ولون الاثاث المفضل

وياليت اذا فيكم احد يستخدم برامج 3D يرسملي رسم توضيحي ..

[mz_milan]

افضل الاضائه تكون السبوت لايت بالديمر عشان تتحكم بشدة الاضائه من عدمها وااذا تبي تحسن احسن الاضائه ضيف اضائة داخليه اذا عملت جبس فس السقف

لون الاثاث يرجع حسب لون الارض ولون الجدار الي خلفه لازم يكن عكس له بكذا يكون ذوق شوف وش لون ارضيتك ولون الجدارالي خلفها وخذ لون مناسب يعكسها ويعطيها صوره حلوه او شوف اقل لون عندك في الغرفه من الالوان الثلاثه الي قلتها وخليها لون اثاث وبكذا تكون ساويت بينهم

للاسف اخوي برامج ال 3D والله ماعرفلها واتمنى اني اتعلمها

وفق الله الجميع

[S H E Z O N]

لو بمحلك لازم استغني عن واحد من الأبواب وكنت بجيب عامل ويسد لي باب السحاب

مشكلتنا في السعودية عندنا ستاندر للبيوت حق عزايم مع انه اغلب البيوت مجالسها ومقالطها وغرف النساء ما تندخل الا كل سنتين ثلاث وللأسف تكون مساحات مخصصه للغبار

والله ما اقصدك يا صاحب الموضوع لكن اغلب البيوت اللي ادخلها تكون مصممه بذا الشكل

اذا عندكم عزيمه تتسوى كل سنه سنتين او حتى 6 شهور ياخي استأجر استراحه ولا تحطها في البيت واستثمر ذا المساحات الخاويه لشي مفيد

نرجع لصاحب الموضوع جب لك عامل خله يلطس باب السحاب ويا حبذا الشباك معه وش تبي به لا جو زين تفتحها على شان تتنفس الغرفة ولا هم يحزنون ... الا يا انها تدخل عليك شمس تصلخ اجهزتك والا غبار ما ينفع معه صك الدرايش

وبالنسبة للمكيف ابدا فيه وتأكد انه ما ينقط ابد على شان ما تنعدم اجهزتك لأني اشوف الجدار هذا هو الأنسب للتلفزيون

[قيصر الحب]

تسلمون والله يعطيكم العافية