مشكلة الاوبتكال مع الاجهزة ؟؟؟ يفرق من جهاز لجهاز !!؟؟

[demooo]

سلام عليكم ورحمه الله وبركاته


اشتريت هيدفون وجاه معاه اوبتكال ، ركب على الويستيرن ديجيتال ميديا واشتغل

لكن المشكلة ما يركب على مدخل الاوبتكال [ رسيفر ابو ظبي ] + مدخل الـ XBOX 360 [ كيبل ابو 5 الوان ] ؟؟؟

هل له احجام ولا ايش وضعه ؟؟








.
.

مشكورين مقدما ،،،

[mz_milan]

وعليكم السلام

صحيح الاوبتكال له حجمين فيه الحجم العادي الطبيعي Optical و الحجم الثاني هو الاصغر Mini Optical .. ويمكن الي جا مع الهيدفون الحجم الصغير جرب تشتري كيبل اوتبكال عادي وتشغله على الرسيفر وتشوف

الله يوفقك

[mks_95]

للتذكير فقط..اذا السلك في الصورة انت اللي مصوره فلا تنسى تشيل الغطاء البلاستيك عليه..

عادة منافذ Optical In يكون توصيلها سهل زي الموجود في AV-R..




أو يكون مدخل الاوبتيكال زي الموجود في رسيفرات الدش ومشغلات الديفيدي والمحولات يكون مقفل بمربع بلاستيك اسود, فكه بيدك..


غير كذا فوافينا بتفاصيل أكثر وبنفيدك باللي نعرفه..

[Marauder28]

هالاسلاك عيبها حاجه وحده

مدري اللي اخترعها كان صعب عليه يخترع طريقه في تثبيت السلك بالجهاز يعني اللي جرب هالسلك مع اي جهاز راح يلاحظ ان السلك مع اقل حركه يفصل من الجهاز وهذا الامر مزعج جداً مع اني ما استخدمه حالياً


اذكر مره لما جيت اشبك اسلاك السماعات والاجهزة في رسيفر الـ AVR قلت بنفسي مره وحده اشبك سلك الاوبتكل واخليه احتياط لو احتجته والمشكله وانا احاول ارجع الرسيفر داخل الطاوله فصل السلك من الرسيفر


عموماً انا عندي نفس رسيفرك ابو ظبي وبجربه الليله وبرد عليك هنا

[mks_95]

^^

سلك أهبل وغبي ولكن ريح العالم من مشاكل الإشارة في Coaxial

[demooo]

الصور انا مصورها ،، يا فضيحتك اجل ما شلت الغطا البلاستيك
وانا اقول اشبه غريب عن الصور الي بالموقع الرئيسي
ان شاء يزبط بعد شيل الغطا
ساعة وابغلكم ايش صار ان شاء الله
.
.
.

مشكورين على ردودكم & مروركم
الله يجزاكم خير ،،،


Sent from my iPhone using Tapatalk

[demooo]

اخيرررررررررن ركب عليها كلها
وربي كنت اتحارب مع تركيب الكيبل
الا بالقوة يخش ، خصوصا انها حقت xbox
هذا الي جنني كيف يحطه كيبل ما يركب عليه
--------
استفسار ثاني بخصوص تشغيلها على pc
هل بيفرق الصوت اذا كان توصيل اوبتكال مباشر بالمذربورد او افضل اشتري كرت صوت
على فكرة السماعة معاها sound control unit
ونوعهاsharkoon true 5.1
.
.
.

الف شكر مرة ثانية ،،،




---
Sent from my iPhone using Tapatalk

[Marauder28]

اخيرررررررررن ركب عليها كلها
وربي كنت اتحارب مع تركيب الكيبل
الا بالقوة يخش ، خصوصا انها حقت xbox
هذا الي جنني كيف يحطه كيبل ما يركب عليه
--------
استفسار ثاني بخصوص تشغيلها على pc
هل بيفرق الصوت اذا كان توصيل اوبتكال مباشر بالمذربورد او افضل اشتري كرت صوت
على فكرة السماعة معاها sound control unit
ونوعهاsharkoon true 5.1
.
.
.

الف شكر مرة ثانية ،،،




---
Sent from my iPhone using Tapatalk

الحمدلله انه ضبط معك

وانا كنت داخل اقولك اني جربت السلك على الرسيفر ويركب عادي بس ما جربت اشغله


عموماً مسألة كرت الصوت المنفصل عن المذربورد بتكلم لك من واقع تجربه شخصيه للكرت

قبل اركب كرت صوت للكمبيوتر كان الصوت من المذربورد مركب على مسرحي القديم واللي من نوع سوني 5.1 خمس سماعات ومضخم صوت وايضاً كنت استخدم سماعة رأس Astro a40

الفرق بين كرت الصوت المدمج بالمذربورد والمنفصل كان

- صوت اكثر نقاء في الموسيقى وتفاصيل افضل
- صوت قوي واعلى سواء للموسيقى او الافلام او الالعاب ( لان كرت الصوت المنفصل كان يحتوي على امبلفاير مدمج فيه )

هذا اللي اقدر افيدك فيه وانا قبل اشتري كرت الصوت كنت اسأل نفسي مثلك وبعد القرأه في النت توكلت على الله وشريته مع ان المذربورد اللي عندي مو هينة


وعموماً انا سلك الاوبتكل كنت استخدمه مع سماعة الرأس وكرت الصوت المنفصل بالكمبيوتر ولا شفت في فرق بالاداء عن منفذ الـ USB اللى تشتغل عليه السماعه بالمختصر سلك الاوبتكل ما استخدمه ولا راح استخدمه

[demooo]

الله يعطيك العافية اخوي على توضيحك
وضحت الصورة بشكل كامل
مشكووور اخوي الكريم ،،،



---
Sent from my iPhone using Tapatalk

[Rashad50]

ممكن توضيح اش فايده السلك هذا

[mks_95]

^

سلك ينقل الأصوات فقط وتخصصه الأصوات المخصصة للافلام والاصوات المحيطية زي صيغ DTS, Dolby digital...etc أو الأصوات المحيطية الموجودة في ألعاب PS3 وانت رايح..

[Rashad50]

طيب هل يغنيك عن السلكين الاحمر و الابيض
وهل هو افضل منهم
انا عندي شاشه بلازما ومسرح منزلي اقدر اشبكهم بدل السلكين الي قلت عليهم فوق
معليش اعذرني لسه جديد على الحركات هذي

[mz_milan]

^^^

عادي يارجال كلنا كنا صفر من الشمال واتعلمنا واهو الحين مسوين نفسنا خبراء مابقي الا البس سماعات واقلب دكتور هههههه

الاوبتكال مايغنيك عن سلك الفيديو لانه ناقل فقط لاشرة الصوت سواء قناتين 2.0 pcm او dolby وحتى ست قنوات 5.1 سواء pcm او dolby او dts

وبكذا لازم تشبك سلك الفيديو وتستغني عن سلك الصوت وتوصل سلك الاوبتكال بداله في المدخل المناسب له في الجهاز المرسل لاشارة الصوت .. يعني من الرسيفر الصوتي الى الجهاز المشغل الناقل لاشارة الصوت

وفقك الله