سؤال كيف طريقة تركيب اضاءة الليد LED للسماعات والـ TV ؟

[AboRayan01]

السلام عليكم

ياشباب اشتريت لمبتين ليد ابي اضعهم خلف السماعات بس ماعرفت كيف اركبهم وهذي صورة لها:


الي يعرف ياليت يفيدني ..
هذي النوعية الي اشتريتها
http://www.oznium.com/tri-chip-led-tube

يعطيكم العافية

[East25]

اهلين ابو ريان
هذي الله يسلمك لازم تشتري لها درايف مثل الترانسفورمر اتوقع ١٢ او ٩ امبير مثل اللي في هالصوره

http://www.electraders.co.uk/greenbrook-ledslw1-c--led-strip-light-kit-162-p.asp

بما انك من سكان الخبر راح تلاقيهم في محلات بن حمد الوسري اللي في السويكت او اتوقع كانها مرت علي في ايكيا مو متاكد والله..

[mr.mar]

السلام عليكم

هلابك اخوي ابو ريان

تحتاج مثل ماقال اخوي East25 الله يعطيه العافيه محول كهربائي يعطيك 12 فولت والامبير اتوقع مايتعد 1 الى 2 امبير وخذه معك للمحل وراح يفيدونك اكثر

والله يوفقك

[AHMED]

اهلين ابو ريان
هذي الله يسلمك لازم تشتري لها درايف مثل الترانسفورمر اتوقع ١٢ او ٩ امبير مثل اللي في هالصوره

http://www.electraders.co.uk/greenbrook-ledslw1-c--led-strip-light-kit-162-p.asp

بما انك من سكان الخبر راح تلاقيهم في محلات بن حمد الوسري اللي في السويكت او اتوقع كانها مرت علي في ايكيا مو متاكد والله..

يالغالي

هل لها رابط في أمازون البريطاني أو الامريكي

[East25]

يالغالي

هل لها رابط في أمازون البريطاني أو الامريكي

ايه موجوده بالامازون وهذا الرابط حقها

http://www.amazon.com/LED-Power-Supply-Under-Counter/dp/B002LMQ6G2/ref=sr_1_7?s=hi&ie=UTF8&qid=1318437352&sr=1-7

[AboRayan01]

يعطيكم الف عافية ياشباب واضح ان القطة الي فوق تشبك عليها عدد 2 لمبات ليد وانا دورت على قطعة تشبك 4 لمبات ليد ووجدت هذي وبنفس السعر ولكن مش متأكد هل فعلاً فيها منافذ لـ 4 لمبات ليد ولا لا ياليت الشباب يخبرونا..
http://www.amazon.com/Power-Adapter-...8456337&sr=1-1

[Khalid-Qatar]

السلام عليكم

روح اقرب محل الكترونيات او سوبرماركت

تحصل عندهم محولات صغيره الي تتحكم بالفولت من 12 ونازل

تاخذ المحول وتقطع السلك من قرب الفيشه

طبعا الواير اسود وواحد منهم عليه خط اسود ...................... الاسود بيكون السالب والي فيه خط ابيض بيكون الموجب

وتقطع الفيشه الي عندك في بدايه الليد والسلك عندك لونه تقريبا شفاف وواحد من الاسلاك يبين فيه لون اسود خفيف هذا بيكون السالب

وتربط الاسلاك مع سلك المحول وتشغل وتجرب

في حالت تبي تربط الليدات مع بعض تربطهم بالفيش الموجوده طبعا اذا كانت الليدات قراب من بعض اما اذا بعيده عن بعض

في حل اخر انك تشتري لك سلك نفس سلك المحول بكذا متر وتوزع لد يمين وشمال مثل ما انا سويت

وبخصوص تركيب الليد اعتقد الي انا طلبتهم طلبت لهم قاعده علشان التثبيت



القاعده واضحه نهايه الليد ....... وعلشان ما تبهدل نفسك لا تطلي قاعده وتنتظر فتره

افتح التيوب واسحب اللد من داخل وحط وراه ستكر الي يمسك من الجمبين وركب الليد المكان الي يعجبك

بتحصل كل المواد متوفره في بلادك لاتحاتي

راجع الموضوع

http://www.avarab.com/vb/showthread.php?t=521


وشوف هالصوره جربت احط اسلاك صغيره للتجربه من ثم قطعت الفيشه



واضح السلك الاحمر والاسود

وبالتوفيق

[AboRayan01]

يعطيك الف عافية اخوي خالد الصورة الاخيرة ماتظهر، ما شاء الله عليك باين عليك كهربائي ؛)
الي ابي اسويه بحط لمبتين ليد خلف السماعات يعني كل سماعة خلفها وحدة مثل ماسويت انت وبطلب حبتين اضافية خلف الشاشة ، البعد السماعتين 3 امتار تقريباً والشاشة بالوسط بينهم ...

نفس ترتيبك تقريبا .. لكني ماني كهربائي ههه ابي شي جاهز وخلاص فمحتاج محول يشغل 4 لمبات ليد فما ادري لو القطعة هذي تشغل 4 لمبات ليد تمام وحكاية طول السلك ممكن اخذها من اي محل كهربائي واوصلها بنفسي ؟

أبي آخذ رايك ابي لمبات ليد بطول 4 متر او 5 يعني حوالي 17 فيت تنحط تحت الكنبات فهل هذي النوعات مناسبة لهذا الغرض؟
http://www.amazon.com/Changing-LED-S...ref=pd_cp_hi_0

http://www.amazon.com/Flexible-Changing-LED-Strip-Ledwholesalers/dp/B00476B908/ref=pd_bxgy_hi_img_c

الشي الاخر محتاج مثل هذي ولكن اقدر اغير الوانها يعني يجي معها ريموت بحطها خلف التلفزيون فما ادري ايش تنصحني فيه ؟

[Khalid-Qatar]

هلا اخوي

تقدر نفس الحرمه الي موضحها بالصوره وقلت لك ركب القاعده اذا كانت مع لتيوب

او اسحب شريط اللدات وركبه خلف السماعات والاسلاك مايبيلها كهربائي كلها اسلاك بنفس حجم سلك الليد الي لونهم احمر واسود وبنفس الحجم واشبكهم في بعض وبس

وبخصوص المحول انا شريت لي محول صغير اعتقد ب ٦٠ ريال واقدر اتحكم بقوه الفولت

وهذي صورته



وبخصوص اللون ماظن لنه وقت الشراء محدين اي لون تبغي وفي نوعيه ثانيه الي تقدر تغير الوانها

خذت لي من النوع الي تتغير الوانه بس ماركبته لحد الان

وحاليا خذت شي عجيييييييب غير شكل وجربته وانشالله بعرض التجربه عليكم

[AboRayan01]

واو شوقتنا وين الشي الجديد هذا ياليت تنزله هاليومين لو عجبني الحق آخذه قبل اطلب الشحنة

بالنسبة للمبات الليد الي فوق مادري ايش رائيك هي مناسبة توضع تحت الكنب ؟

[Khalid-Qatar]

تقدر تحطها اي مكان حتى تحت السياره التيوب الي فوقها يحميها من الغبار او الرطوبه

بس انشالله ماتتبهدل مع الاسلاك وهي تحت الكنب يفضل لو يكون نقطه كهربا قريبه

وبخصوص الحركه الجديده انشالله قريب بس اول شي ابغي اعيد ترتيب سلاك الكهربا واسلاك ال HDMI وغيرها

لنه صارت عفيسه واخاف ازيد الوايرات وتصير لي مشكله وافكر اركب مروحه تبريد في الطاوله يارجااال عفيسه عندي بحاول اشتغل بها اليوم

توني جاي من سوبرماركت وماخذ لي كم شغله



سوكت كهربا قلنا معليه .... بطاريه اوكي

بخصوص المنشار ايش دخله بالموضوع خخخخخ المكتب منقلب ورشه

وبالتوفيق

[mz_milan]

^^^

عالبركه يارب هههههههههههه

[AboRayan01]

الله يعين المكتب عليك جاء يومه الي يودع فيه