شاشه LG 9800

[Madridi]

السلام عليكم ورحمه الله وبركاته
تحيه لاعضاء المنتدى الكرام .حبيت استفسر عن شاشه LG LW9800 NANO LED قريت عنها في المواقع وكانت مراجعاتها جيده حبيت اعرف رايكم في الشاشه وويش مميزاتها عن باقي الشاشات.
طبعا انا تعبت وانا انتظر الباناسونيك VT30 توصل هنا فرحت اشوف السامسونج بس للاسف ماكان عندهم فيلم او اي ماده معروضه 3D .فما عرفت جوده ال 3D كيف؟ فحبيت استفسر عن LG قبل لا اشتري .شكرا واسف على الاطاله.

[mz_milan]

وعليكم السلام ورحمة الله وبركاته

LW9800 مجهز الاوراق الاوليه للها لعمل التقييم لكن يوم جيت اقرا التقارير العالميه عليها ناس تمدح وناس تذم واول مره اواجه تناقضات في التقييمات العالميه بهذا الحد .. شي غريب ويخوف ويدعو للشك .. وش السبب لهذا التناقض ؟؟ لكن بارجع اكمل اقرا واقرر اعمل لها تقرير ام لأ الايام القادمه ان شاء الله

انت تبي تشتريها من السعوديه ولا من برا .. لان موقع LG السعوديه والامارات ودول الشرق الاوسط الموديل مو موجود في مواقعهم .. ولا تبي تشتريها من امريكا ؟

الله يسهل أمرك

[Madridi]

اول شي الف شكر على الرد.انا مثلك الا قريته انه بعض الاشخاص عاجبته بشكل كبير لدرجه انه يعتبرها الافضل في الثري دي. اتوقع التناقض ممكن بسبب انه باسيف الثري الدي.بالنسبه للشراء انا كنت ناوي على vt30 بس الى الان ماوصلت السعوديه .السامسونج عاجبني بس قلت اشوف ال جي قبل اشتري مع اني كل مره اقرا اكثر اتردد اكثر خصوصا مع وضوح الجديد للتلفزيونات 4k

[mz_milan]

^^^

القرار قرارك والله يعينك

وينك ووين الـ 4K باقي عليه شويتين .. كله مني يوم فتحت موضوع الـ 8Kx4K

[Madridi]

لا مو منك انا صرت اقرا كثير وحيرت نفسي بنفسي. انت شرايك بالشاشه رايك الشخصي قصدي وفكره الشراء من بره مو عاجبتني لان بدون ضمان خاصه مع البلازما لو كان فيها شيء بتكون راحت علي المبلغ الا دفعته.

[mz_milan]

باقرا عليها اليوم وارد عليك بالمساء والسهره ان شاء الله

[Madridi]

انتظر رايك. ومشكور على التفاعل معي

[mz_milan]

سامحني عالتأخير

باعطيك كل خاصية ونتيجيتها التقريبيه :

الالوان وتدرجها = مقبوله (بعد المعايره جيده)

الـ (SD) = جيده (بعد المعايره لا بأس بها)

الـ (HD) = جيده جداً

زمن الاستجابه = جيده جداً

السواد = ممتاز (مع تشغيل local dimming) وسيئه (في حال اغلاق هذه الميزه ) .. ويوجد بعض الهالات من ميزة التعتيم المحلي ولكنها مو مشكله كبيره

ان شاء الله راح اعمل مراجعه رسميه كامله خلال اسبوع بالكثير لهذه الشاشه (وممكن بعض التقييمات تتغير قليلاً عن الان عشان محد يي يقلي ليش التقييم اتغير )

القرار قرارك الان ياغالي

وفق الله الجميع

[Madridi]

مشكور يالغالي وماقصرت,انا قرت عن الشاشه اكثر واشوف انها شاشه ممتازه ,انتظر مراجعتك الكامله عشان استفيد وجميع الاعضاء الكرام.