المشاركة الأصلية كتبت بواسطة Marauder28
مساء الخير
هذي ماصوره كهرباء مقاس 1 انش
هذا السلك مقاس 22 كما تشاهد بالصوره شوف كيف سميك
ما اضن راح تشوف سلك اسمك منه ويتحمل درجة حرارة 80 ومخصص للتمديدات الداخليه ، يوم اشتريه اخذت اثنين واحد للكمبيوتر وواحد للبروجكتر
وهذي صوره للسلك داخل الماصوره بكل اريحيه طبعاً صعب يتحمل سلكين بنفس المقاس
هنا خمسة اسلاك داخل الماصوره
2 سلك مقاس 14 هذا اللي استخدمه للسراوند
3 اسلاك مقاس 12 للسماعات والامبلفاير الامامية
شايف كيف الماصوره تتحمل هالاسلاك وزحمتها
لما قلت لك ألغي فكرة البكوس احسن لك راح اخلي الصور تتكلم
البنانا داخل البوكس شايف كيف تلامس نهاية البكس وشايف كم بنانا راح تستخدم غير اللي بيركبوا في الرسيفر والسماعات
تخيل ان هالفلينة البيضاء عباره عن الجدار والسلك طالع من الجدار كذا طبعاً السلك يكون داخل ماصوره مثل اللي ذكرها الاخ بندر يجي لونها اسود وصغيره كثيره مخصصه للاسلاك الضعيفه
عكس لما يكون عندك بوكس وبنانا فيه (طبعاً الحريه في اختيار الطريقه بالنهاية لك يمكن الحين انا اقترح عليك فكره وبكره ما اطبقها اطبق فكره ثانيه ) مجرد وجهة نظر
خلف الاجهزة انا كنت بحط بكوس كثيره منها للسماعات ومنها للنت ومنها لسلك الدش ومنها لاسلاك الـ HDMI يعني تخيل قرابة 6 بكوس تقريباً كثير
الوالد اقترح عليا فكره ما كانت في بالي قالي ركب بكس كبير مثل هذا وبعدين قص الغطى تبعه وركب عليه وحده من الخرابيط اللي عندك وبنفس الوقت هذا البوكس يطلع منه ماصوره يمين وماصوره يسار تركب فيها حق الدش والنت بعلبه وحده والعلبه الثانيه حق الـ HDMI
وهذا البوكس الرئيسي الكبير غير انه بكون مكان تجمع الاسلاك فيه والمواصير جايه من السماعات الامامية وماصوره كبيره جايه من السقف يمر فيها اسلاك السراوند وسلك البروجكتر
شوف هنا
يعني البوكس الكبير هذا بكون داخل الجدار ومو باين منه غير الفتحه هذي اللي يطلع منها الاسلاك ومحد راح يعرف ان في بوكس كبير مدري متخيل معي الفكره ؟؟
طبعاً لو بيوم احتجت افك العلبه اقدر اطلع الغطاء اللي بثبته على البوكس واقدر اتحكم في الاسلاك ماعندي مشكله
البوكس الكبير اللي تشوفه راح تجي فيه مواصير كثيره
- ماصوره لسلك الساب ووفر
- ماصوره لسلك سماعة السنتر
- ماصوره لسماعات الفرونت
- ماصوره لسلك الـ HDMI تبع الكمبيوتر (لان الكمبيوتر بكون في الجهة الثانيه من الغرفه قريب للمكان اللي بجلس فيه)
- وماصوره وحده بنتزل من السقف لاني بركب سماعات سراوند بالسقف وبينزل من الماصوره كمان سلك HDMI للبروجكتر (طبعاً الماصوره بتكون داخل الجدار وبركب ماصوره مقاس 2.50 انش يعني ماصورة مويه )
بالتوفيق