تقرير عن PopCorn Hour C-200 وبعض الاضافات

[TrUTh81]

السلام عليكم ورحمة الله

اقدم لكم اليوم تجربتي مع جهاز الملتيميديا PopCorn Hour C-200 جهاز قوي وغني عن التعريف

وراح احاول باذن لله ابين لكم بعض اللي اكتشفته وعرفته عن هذا الجهاز

والموضوع راح ينقسم الى جزئين

الاول : عن الجهاز ومميزاته

والثاني : كيف تسوي مستقبل IR بنفسك حتى تستفيد منها بالريموت الهرموني



في السابق كنت استخدم جهاز اكستريمر اول اصدار وبصراحه جهاز قوي وممتاز لكن كان يفتقد بعض المميزات

مثل: مايدعم DTS-HD Master و Dolby TrueHD و بعض الافلام اللى الفريم فيها عالي يقطع بشكل فضيع

هذي الشغلات خلتني ادور على شي ثاني .... فكرة في HTPC لكن ماحبيت اشوي زحمة عندي والميزانيه ماتساعد

ولا ودي اخذ شي أي كلام فسويت بحثي عن مشغلات الملتيميديا اللى ممكن تلبي احتياجاتي

وبعد البحث والتمحيص وقراءة تجارب الاخرين قررت اخذ البوب كورن

واهم الاشياء اللي شدني لهذا الجهاز :-


1 - ان يدعم DTS-HD Master و Dolby TrueHD

2 - تشغيل معظم الافلام من دون أي مشاكل مثل الافلام اللي الفريم فيها عالي او ملف ISO حجمه كبير

3 - تشغيل القائمة الرئيسية للأفلام سواء كان بلوري اصلي على الهاردسك او ملف ISO ((Full Navigation))

4 - امكانية اضافة مشغل اقراص بلوري في الجهاز + هاردسك داخلي

5 - الجهاز في اخر تحديث صار يدعم خاصية 3D رقم ان HDMI فيرجين 1.3a

6 - الجهاز سريع بالاستخدام وتصفح الافلام من خلال الهاردسك او الشبكة

7 - وجود مدخل شبكة بسرعة 1 جيجا

8 - الريموت يتميز بوجود إضاءة بالأزرار و يشتغل بخصية الواير لس ومايحتاج توجه باتجاه الجهاز

9 - جودة تصنيع الجهاز والمواد المصنعة منها ممتاز جداً جداً

وبخصوص تركيب مشغل الاقراص البلوري او DVD + الهاردسك عندك مجموعة خيارات

1 - تركب 2 هاردسك داخلي... واحد 3.5 وواحد 2.5 ولما اقول هاردسك 3.5 راح يكون hot swap

يعني تقدر تفكه وتركبه بسهوله من الباب الامامي بالجهاز

2 - تركب هاردسك 3.5 hot swap + مشغل بلوري نحيف ((موجود في موقع الشركة))

3 - تركيب هاردسك 2.5 ثابت + مشغل بلوري الحجم العادي 5.2

4 - تقدر تركب هاردسك الخارجي USB اللي بدون كهرباء داخل الجهاز لان في منفذ USB داخل في الماذربورد

طبعا مافي جهاز خالي من العيوب وهي كالتالي :-

1 - اذا حبيت تشغل Full Navigation القائمة الرئيسية للأفلام اللي على الهاردسك او على الشبكة

لازم تنشا مجلدين بهذا الامداد bdj/ada” و “bdj/buda وتحطها في فلاش ميموري

او بالهاردسك الداخلي في Root وبعدها راح يشتغل معاك

2 - الريموت مافيه خاصية ( IR ) الاشعة تحت الحمراء وهذي مشكلة للناس اللي عنده ريموت هرموني

ولازم تشتري الريموت من موقع الشركة يدعم ( IR ) او مستقبل حتى تقدر تستخدم الهرموني

3 - لما تشغل سيدي بلوري اصلي ماتقدر تضيف عليه الترجمه عن طريق الملف

4 - عدادات الشبكة للجهاز صعبه على المبتدئين

5 - لما تطلب الجهاز من الشركة ياخذ حوالي شهر على بال مايوصل لك رغم ان ينشحن عن طريق DHL


بعض الصور للجهاز


الجهاز اول ماوصل من DHL وتغليف كان ممتاز نوعاً ما




بعد فتح التغليف



الحركة هذي عجبتني كيس على شكل علبة كورن فيها ملحقات الجهاز




ملحقات الجهاز



الريموت



الانتيل حق الريموت



الجهاز مع قرطيشة وتقريباً مغلف بالكامل



من فوق الجهاز شعار البوب كورن محفور عليه



الجهاز من الخلف



مدخل الكهرباء ومبين ان فيه فيوز وهذي ميزة حلو جداً



ومن الجهة الثانية في فتحات اذا حبيت تركب فيها مروح وتنفع للناس اللي تبي تركب هارسك داخلي علشان يبرد عليه



فتحت الجهاز من الامام تقدر تركب فيها هاردسك 3.5 hot swap



الجهاز من الداخل واسلاك الساتا جايه معه وعلى اليسار البيت اللي يركب في الهاردسك او سيدي روم








البور سبلاي للجهاز وبين عليه محترم



البلوري اللي راح اركبه ان شاء الله



بعد مافتحت قاعدة البلوري والهاردسك من الجهاز



ركبت هاردسك صغير 2.5 فقط للتجربة



وبعدين ركبت البلوري

[TrUTh81]

شاشة الجهاز اول ماتشغله ويظهر لك شعار البوب كورن

ومن احلى الميزات انك تقدر تتطفي الشاشة اذا ماتحتاجها علشان ماتزعجك في المشاهدة



الشاشة الرئيسية للقائمة



شاشة الاعدادات




عرض ملفات الافلام



عرض ملفات الافلام عن طريق Jukebox وهي ثلاث طرق

الاولى الفرز على طريقة الحائط




الثانية عن طريق الحروف الابجدية



والثالثه عن طريق القائمة





بعض الصورة لتشغيل القائمة الرئيسية للافلام ((Full Navigation ))














شاشة الجهاز تظهر لك اسم مادة العرض والامتداد ووالوقت

[TrUTh81]

الجزاء الثاني من الموضوع


كيف تصنع مستقبل اشعة تحت الحمراء IR بدال ما تضطر

وتشتري ريموت ثاني علشان تقدر تتحكم فيه عن طريق الهرموني

الفكرة لقيتها في احدى المواقع الاجنبية والحمدلله طبقتها على جهازي وكانت ناجحة





الاشياء اللي تحتاجها ...سلك حق مايكرفون بطول مناسب + مستقبل IR موجود عند محل الريس ومجداف

انا فكيته من جهاز قديم عندي كنت متكيسل اروح للسوق



لازم بلاج حق السلك يكون فيه خطين اسود او ثلاثة فقط



الطرف الثاني من السلك



قطعة IR




طبعاً هذي الشغلات راح نلحمه في بعض وبعدين نحتاج ان نعزل الاسلاك علشان ماتتلامس

وفكرة العزل عن طريق اللصقا انا اعتزلتها من زمان....و

صرت استخدم الــ shrink tubes تلبسه السلك المجروح وبعدين يذوب بحرارة الولعة




ونحتاج الى انبوب بلاستك صغير مفتوح من الجهتين علشان تمرر الاسلاك من الداخل وتثبت فيه الــ IR

بالصورة الانبوب مقفول من فوق لكن قطعته بسكين ونسيت اصوره




قبل لا نبداء التلحيم لانسى ندخل الانبوب و shrink tubes

وبعد التليحم راح يكون بهذا الشكل



بعد تذويب shrink tubes






وبعدين من اسفل بالصمق الحراري تم تثبيت الانبوب والاسلاك بهذا الشكل



الجهاز من قدام بعد تركيب الــ IR




صورة بالفلاش تبين القطعة بشكل اوضح




ومن ضمن الميزات اللي تقدر تضيفه للجهاز هو كرت الوايرلس











اتمنى ان التقرير عجبكم ووفقت في طرحه

[Marauder28]

ما شاء الله تبارك الرحمن

تقرير رائع بكل تفاصيله كـ عادتك تغطي جميع الجوانب عن اي منتج تتكلم عنه

هل تستخدم الجهاز في عرض الافلام اللي موجوده عندك على الـ PC ؟؟ انا اعرف انك تستخدم الكمبيوتر كـ سيرفر والا ؟؟

الله يهنيك فيه وتجربه رائعه وبالتوفيق يارب

[F H D]

ماشاء الله تبارك الله .. مبدع في تقاريرك كالعادة يا Truth
موضوع شامل و موفق .. يعطيك الف عافية
المواصفات والمميزات الي ذكرتها ببداية الموضوع جداً رائعة و مميزة .. ماشاء الله الجهاز قوي جداً وسلبياته بسيطة ..
والجميل فيه انك تقدر تطور و تضيف و تعدل على راحتك .. مثل قابليته لتركيب الهاردسك او البلوراي او كلها مع بعض وكمان الوايرليس .. أيضاً الـ USB الي بالمذربورد جداً مفيد
إضافة الـ IR ببساطة وتطبيقك لها .. فكرة أكثر من رائعة ومكملة للجهاز أهنيك عليها و جزاك الله خير على الشرح و التصوير الواضح و الرائع ..

أبي اسألك عن ملفات الترجمة العربية srt وتشغيلها مع الافلام من الهاردسك او الشبكة ..
ياليت تفيدنا عنها لو جربتها .. وهل فيها مشاكل او عيوب ؟ الخطوط تقدر تغيرها او تغير الحجم واللون و توقيت الترجمة ؟

تقبل تحيتي وتقديري يا غالي

[HAMANY]

ما شاء الله روعة

الله يهنيك فيه

[mz_milan]

ابداع ابداع بسم الله ماشاء الله

موضوع متميز ومتكامل يعطيك الف عافيه ياغالي

تروث دايم مواضيعك فيها ماشاء الله شغل يدوي لازم ماشاء الله عليك

اهم شي الان هل يقرا الترجمه العربي بشكل صحيح ويعرضها صحيح من اليمين لليسار ؟؟ اقصد الملفات المدرجه بجانب الفلم وليست الي تكون بداخل الفلم

كيف تشوف جودة الصورة والسواد مقارنة باستخدامك للجهاز التشغيل الي كان قبل البوب كورن

انا ناوي على مشغل جديد يدعم 3D وبالي على الاكستريمر الجديد Xtreamer Prodigy 3D بس عيبه مافي مكان لوضع قاريء اقراص مثل البوب كورن .. رغم اني اكثر شي احمل من النت وماشتري افلام بلوراي

الله يعطيك العافيه على هالموضوع المميز وكعادتك مواضيعك دايم مميزه وطرحها جديد وجميل

وفق الله الجميع

[TrUTh81]

ما شاء الله تبارك الرحمن

تقرير رائع بكل تفاصيله كـ عادتك تغطي جميع الجوانب عن اي منتج تتكلم عنه

هل تستخدم الجهاز في عرض الافلام اللي موجوده عندك على الـ PC ؟؟ انا اعرف انك تستخدم الكمبيوتر كـ سيرفر والا ؟؟

الله يهنيك فيه وتجربه رائعه وبالتوفيق يارب

الله يسلمك وكلك ذوق

اي نعم استخدم السيرفر PC للافلام والهاردسك اللي ركبته بالجهاز كانت فقط للتجربة وفكيته

وكل اعتمادي على السيرفر

ماشاء الله تبارك الله .. مبدع في تقاريرك كالعادة يا Truth
موضوع شامل و موفق .. يعطيك الف عافية
المواصفات والمميزات الي ذكرتها ببداية الموضوع جداً رائعة و مميزة .. ماشاء الله الجهاز قوي جداً وسلبياته بسيطة ..
والجميل فيه انك تقدر تطور و تضيف و تعدل على راحتك .. مثل قابليته لتركيب الهاردسك او البلوراي او كلها مع بعض وكمان الوايرليس .. أيضاً الـ USB الي بالمذربورد جداً مفيد
إضافة الـ IR ببساطة وتطبيقك لها .. فكرة أكثر من رائعة ومكملة للجهاز أهنيك عليها و جزاك الله خير على الشرح و التصوير الواضح و الرائع ..

أبي اسألك عن ملفات الترجمة العربية srt وتشغيلها مع الافلام من الهاردسك او الشبكة ..
ياليت تفيدنا عنها لو جربتها .. وهل فيها مشاكل او عيوب ؟ الخطوط تقدر تغيرها او تغير الحجم واللون و توقيت الترجمة ؟

تقبل تحيتي وتقديري يا غالي

شاكر لك مرورك واطراك

السلبيات بسيطه مثل ماذكرته وبالنسبة لي ماتزعجني لكن ذكرته من باب التعريف بالايجابيات والسلبيات

بالنسبة للترجمه مافيها اي مشاكل ويدعم srt لكن ماتقدر تتحكم في حجم الخط او نوعه او اللون ... وفي امكانية لتعديل التوقيت وممتاز جداً

وان شاء الله راح ارفق لكم صورة للترجمة

ما شاء الله روعة

نسيت إمكانية إضافة الرامات (RAM)

الله يهنيك فيه

الله يخليك ويسلمك

ماخفيك سر ...اكتشفت خطاء شنيع

صار لي فترة اقول لك تقدر تضيف عليه رام

واليوم اثناء اعداد التقرير اكتشفت ان Slots الموجود في البورد خاص بكرت WiFi

ابداع ابداع بسم الله ماشاء الله

موضوع متميز ومتكامل يعطيك الف عافيه ياغالي

تروث دايم مواضيعك فيها ماشاء الله شغل يدوي لازم ماشاء الله عليك

اهم شي الان هل يقرا الترجمه العربي بشكل صحيح ويعرضها صحيح من اليمين لليسار ؟؟ اقصد الملفات المدرجه بجانب الفلم وليست الي تكون بداخل الفلم

كيف تشوف جودة الصورة والسواد مقارنة باستخدامك للجهاز التشغيل الي كان قبل البوب كورن

انا ناوي على مشغل جديد يدعم 3D وبالي على الاكستريمر الجديد Xtreamer Prodigy 3D بس عيبه مافي مكان لوضع قاريء اقراص مثل البوب كورن .. رغم اني اكثر شي احمل من النت وماشتري افلام بلوراي

الله يعطيك العافيه على هالموضوع المميز وكعادتك مواضيعك دايم مميزه وطرحها جديد وجميل

وفق الله الجميع

انت المبدع ماشاء الله عليك

الترجمة ممتاز جداً ومرتبه وتقدر تدرج الترجمه اللي تبيها بدون اي مشاكل

والمشكلة اللي تحدثت عنها هي بخصوص السيديات الاصلي مافي اي خيار مثلاً يسمح

لك باخذ الترجمة من USB او اي مصدر ثاني غير السيدي الاصلي

اما ملفات التورنت حط الترجمة اللي تبيها وانت مرتاح

وان شاء الله راح ادرج لكم صورة للترجمه

جودة الصورة اشوفها افضل ...لكن بخصوص السواد بصراحه مالحظة شي

لكن راح اعمل مقارنه ان شاء الله رغم ان يمدحونه من هذي الناحية

بخصوص 3D طبعاً باقي مادخلت هذا العالم الى الان

وانصحك تنتظر Xtreamer Prodigy 3D ينزل اذا مو مستعجل وتشوف المقارنات

لان على الكلام اللي مكتوب عنه جهاز قوي ... لكن ماتقدر تعرف قدراته الحقيقة الا بعد التجربه

والــ Xtreamer Prodigy 3D تقدر تضيف عليه بلوري خارجي عن طريق USB

[mz_milan]

^^^

الله يرضى عليك يارب

اوكي اجل نصبر ونشوف لان اصلا ماعندي رسيفر وللاسف حسن حق ياماها شغال يلطع فيني كل شوي ايقول اصبر اسبوع واجبلك رسيفر ياماها 3010 الجديد .. يالله نصبر ونشوف وش اخرتها معاه وربي ملل من غير رسيفر

يعطيك العافيه ياغالي

[TrUTh81]

^^^^
الله يعافيك
واختيار موفق للياماها 3010 وازعج حسن خله يجبه

علشان نشوف تقريرك عنه

[TrUTh81]

هذي بعض الاضافات للموضوع

شكل خط الترجمة

ملاحظه : سبق وذكرت ان مافي امكانية لتغير لون الخط ...لكن اكتشف ان من الممكن تغير لون خط الترجمة








.
.
وهذي بعض المقارنة بالنسبة للاكستريمرالاصدار الاول وبوب كورن

وماشوف في فرق كبير بينهم بالتصوير ... لكن بالعين المجرده احس البوب كورن صورته اجمل

[mz_milan]

ايه ماعليك كل كم يوم اتصل عليه ياخوفي يديني بلوك ههههههه

ان شاء الله نعمل تقرير عن 3010 بس خله يوصل وربي ييسرها

بس حاس اني ماني مره يعني اعرف اعمل تقرير في الصوتيات مادري وش اقول .. يعني مثلاً اقول ان الرسيفر كويس وصوته مره رهيب والاعدادات مره مليانه ههههههههه تخيل بالله زي كذا تقرير

[TrUTh81]

^^^^^^
هههههههه

اكتب في التقرير

في زر يشغل الجهاز

وفي شي تلفه يرفع الصوت واذا عكسته يوطي الصوت

ومعه ريموت كنترول بس مايشتغل بدون بطاريه

بيطلع تقرير تحفه

[نادر البلوي]

ماشاء الله ..
الله يعطيك العافية .. بصراحه تقرير محترم وفيه تشويق (:

بس حاس اني ماني مره يعني اعرف اعمل تقرير في الصوتيات مادري وش اقول .. يعني مثلاً اقول ان الرسيفر كويس وصوته مره رهيب والاعدادات مره مليانه ههههههههه تخيل بالله زي كذا تقرير

اضحك الله سنك يااخوي محمد
تصدق انا متحمس اسوي تقرير (على قد خبرتي ) لجهاز العارض الشخصي HMZ-T1 الجديد إن حنّت علينا شركة سوني ووزعته على الاقل لأمريكا (امازون بالتحديد).. (بالمناسبة عليه ضجه اعلامية هالجهاز بسبب تأخر موعد خروجه من سوني ) .. الشاهد : شايل هم التقرير ومن الحين قاعد اجهز تعبير مناسب واستغل التصوير لجميع اتجاهات الجهاز وارقع قلة الشرح

[mz_milan]

هههههههههه الله يقطع ابليسك ياتروث ونادر

شوف يانادر انا مادري من قلكم لازم تعملون مواضيع فخمه وحلوه وتقارير اسطوريه ولا شي احترافي مادري من قلكم هالشي ؟؟

يارجال الي تقدر عليه اعمله مواصفات الجهاز وتقييمك المتواضع وبعض الصور والميزات والعيوب وانتهينا .. يعني تراها سهاله يارجال لاتبالغون في كتابة المواضيع وتعتبرونه حاجز كبير وهو اصلا مافي لا حاجز ولا شي

الي تقدر عليه سوه وماراح نقول بالاخير الا الله يوفقك ويرضى عليك

وفق الله الجميع

[mz_milan]

وضح من الصور ياتروث ان البوب كورن افضل قليلاً عن طريق الصور خاصة من ناحية تشبع الألوان و الحده قليلاً عن الاكستريمر

وطبعاً بالعين المجرده راح تلاحظ اكثر مثل ماتوقع

يعطيك العافيه على الاضافه الجديده بالنسبه للصور

[DerWaZa]

الف مبروك على الجهاز يا ملك الاعمال اليدويه يا انته

الجهاز اكثر من رائع وانا عندي صار له تقربيا سنه لكن ما اعرف في اي حاجه فقط اعرض عليه الافلام واني احدثه بكل تحديث بس

والصراحه انا شخصيا عاجبني ادري انه شهادتي فيه مجروحه لاني ما اعرف له عدل لكن كافي اي فيلم اشغله عليه يشتغل بدون اي مشاكل

حد الحين عندي 3 تيرا افلام 90% منهم بلو راي نسخ خام فوق 25GB الى 46GB تقريبا وكلهم شغلهم لي بدون اي مشكله لهذا

السبب سر اعجابي فيه بالنسبه لل 3D مره سألت شخص يمتلك هذا الجهاز وخبيره فيه الاخ شايب وحبيب سألته عن دعم الجهاز لل 3D

قال لي انه بعد التحديث الاخير اصبح يدعم 3D اللي هي موجوده في افلام التحميل اللي يسمونها سايد باي سايد ( SBS ) عليك بس

انك تغير اعدادات التلفزيون للـ 3D وبعدها استمتع بالمشاهده لكن ذكر لي نقطه انه ما يدعم فــل 3D لانه يحتاج كيبل HDMI 1.4a

فما فهمت ايش يعني الفـل 3D هل فيه افلام للتحميل بأسم فـل 3D او انه يقصد تشغيل اقراص 3D عن طريق القارئ اللي تم تركيبه ؟

هي الفـل 3D مافهمت قصده من الناحيه هذي....

المهم الله يبارك بالجهاز والجهاز جبار والله وخط الترجمه حييييييل عاجبني تسألوني ليش ؟ اولا لانه يشابه الترجمه في السينمات

مو ترجمه القنوات التلفزيونيه اللي تشابه الخط الكتابه هذا فــ معطيني الاحساس بالجو السينمائي كأني جالس اطالع الفيلم بالسينما

مو كأني اطالعه على قناة تلفزيونيه وثاني نقطه هي انه الخط سميك او سماكته حلوه يعني تاخذ راحتك بالقرائه وكل شي واضح امامك

ادري اني سولفت واجد مدري شجايني بس الله يبارك فيه واطلعنا على اخر التطورات تراني ابيض وسلامي لــــك ولـــ أعضاء المنتدى كلهم

تحياتي ,,,

[DerWaZa]

هههههههههه الله يقطع ابليسك ياتروث ونادر

شوف يانادر انا مادري من قلكم لازم تعملون مواضيع فخمه وحلوه وتقارير اسطوريه ولا شي احترافي مادري من قلكم هالشي ؟؟

يارجال الي تقدر عليه اعمله مواصفات الجهاز وتقييمك المتواضع وبعض الصور والميزات والعيوب وانتهينا .. يعني تراها سهاله يارجال لاتبالغون في كتابة المواضيع وتعتبرونه حاجز كبير وهو اصلا مافي لا حاجز ولا شي

الي تقدر عليه سوه وماراح نقول بالاخير الا الله يوفقك ويرضى عليك

وفق الله الجميع

صحيح كلامك مو لازم تقارير ضخمه وفخمه لكن التقارير الضخمه والفخمه لها الاولويه ومطلب شعبي

والكلام هذا خصوصا للاعضاء اللي يملكون الخبره والمعلومات الغزيره ولا نسوي انتفاضه عليكم

ونتمنى اي واحد يسوي تقارير يصب كل معلوماته فيه وكل واحد حسب معلوماته انا ادري تقول كذا

علشان تحاول تتهرب من تقرير الرسيفر الياماها لكن هالكلام ما يعفيك ولا تحاول تمهد لنا بأنك راح تعمل لنا

متواضع >>> انت مطالب بتقرير ميخرش الميه

( اديني بوووصه يا ميلان ) ههههههه

[TrUTh81]

وضح من الصور ياتروث ان البوب كورن افضل قليلاً عن طريق الصور خاصة من ناحية تشبع الألوان و الحده قليلاً عن الاكستريمر

وطبعاً بالعين المجرده راح تلاحظ اكثر مثل ماتوقع

يعطيك العافيه على الاضافه الجديده بالنسبه للصور

الله يعافيك

الحمدلله ان واضحه .... مادري ليه بجهازين مو واضحه

الف مبروك على الجهاز يا ملك الاعمال اليدويه يا انته

الجهاز اكثر من رائع وانا عندي صار له تقربيا سنه لكن ما اعرف في اي حاجه فقط اعرض عليه الافلام واني احدثه بكل تحديث بس

والصراحه انا شخصيا عاجبني ادري انه شهادتي فيه مجروحه لاني ما اعرف له عدل لكن كافي اي فيلم اشغله عليه يشتغل بدون اي مشاكل

حد الحين عندي 3 تيرا افلام 90% منهم بلو راي نسخ خام فوق 25GB الى 46GB تقريبا وكلهم شغلهم لي بدون اي مشكله لهذا

السبب سر اعجابي فيه بالنسبه لل 3D مره سألت شخص يمتلك هذا الجهاز وخبيره فيه الاخ شايب وحبيب سألته عن دعم الجهاز لل 3D

قال لي انه بعد التحديث الاخير اصبح يدعم 3D اللي هي موجوده في افلام التحميل اللي يسمونها سايد باي سايد ( SBS ) عليك بس

انك تغير اعدادات التلفزيون للـ 3D وبعدها استمتع بالمشاهده لكن ذكر لي نقطه انه ما يدعم فــل 3D لانه يحتاج كيبل HDMI 1.4a

فما فهمت ايش يعني الفـل 3D هل فيه افلام للتحميل بأسم فـل 3D او انه يقصد تشغيل اقراص 3D عن طريق القارئ اللي تم تركيبه ؟

هي الفـل 3D مافهمت قصده من الناحيه هذي....

المهم الله يبارك بالجهاز والجهاز جبار والله وخط الترجمه حييييييل عاجبني تسألوني ليش ؟ اولا لانه يشابه الترجمه في السينمات

مو ترجمه القنوات التلفزيونيه اللي تشابه الخط الكتابه هذا فــ معطيني الاحساس بالجو السينمائي كأني جالس اطالع الفيلم بالسينما

مو كأني اطالعه على قناة تلفزيونيه وثاني نقطه هي انه الخط سميك او سماكته حلوه يعني تاخذ راحتك بالقرائه وكل شي واضح امامك

ادري اني سولفت واجد مدري شجايني بس الله يبارك فيه واطلعنا على اخر التطورات تراني ابيض وسلامي لــــك ولـــ أعضاء المنتدى كلهم

تحياتي ,,,

هلا والله منور الموضوع ... ملك حت وحده <=== اسكت لايسمع احد

بخصوص الــ 3D مالي خبرة فيها كثير ...لكن الشي الوحيد اللي اعرفه مثل ماتكرمة وقلت ان لابد من HDMI 1.4a

وموضع الترجمة اتفق معاك 100% من احلى مايكون ... في باقي الاجهز كل فيلم اجلس العب في حجم الخط

لكن في البوب كورن ماشاء الله مايحتاج تعدل وتضبط غير التوقيت اذا ما كان مضبوط

[وحيد الزمن]

يعطيك العافية على هذا التقرير المميز..

الجهاز انا اشتريته من قبل شهررين تقريبا..والحقيقة جهاز روعه وجبار..

بس انا عند كم استفسار..

1- هل ممكن اعرض الافلام بالبوسترات من غير ماراجع لل جوكي بوكس..

2- ايش الفرق بين الريموت العادي والهارموني..

3- ممكن شرح اكثر عن Full Navigation

واشكرك مرة ثانية على هذا التقرير الجميل..