بسم الله الرحمن الرحيم
أولا أرحب بنفسي بينكموبإذن الله نفيد ونستفيد .,
وثانيا اللي هو أساس الموضوع .,
أنا الحمدلله اشتريت مسرح منزلي Onkyo s5400 وماشاء الله عليه راااايق وكانت شاشتي مقاس 32 وتم استبدالها الى 42 بقدرة قادر![]()
لكن الطاولة ماكانت كافيه وتم تضبيط الوضع بالموجود ., الصورة تبين الوضع الحالي
وناوي بإذن الله أغير الطاولة إلى طاولة أجمل وعملية بنفس الوقت ورفع الشاشة وتعليقها على الجدار ..
وصممت اللي أبيه في برنامج Google SketchUp 8 والصورة أبلغ من الكلام .,
طبعا اللون راح يكون أسود نفس لو سماعات المسرح ., وأسباب تصميمها بالشكل هذا كالتالي :
1- عندي الميزان شغال مارتاح الى كل شي يكون متوازن وأعدل بينهم ( عشان كذا مفتوح من الجهتين )
2- الدرج الاوسط العلوي .. خليته أعرض بخليه لرسيفر المسرح بغرض التهوية واللي تحته مخصص لسماعة السنتر
3- باقي الادراج بتكون للبلايستشن + رسيفر الدش + مشغل أفلام وغيره ( واحتمال اقفل اللي تحت بالاطراف بباب زجاجي )
4- أعلى الطاولة راح يكون زجاج مثل ماهو موضح ليعطي جمال أكثر
5- أفكر اضيف لها أفياش تكون ثابته فيها بطريقة حلوة ومخفية عشان يكون التسليك من قريب
6- نزلت الموضوع وقريت موضوع اخر يتكلم عن مكان الصب اوفر ... واللي فهمته الافضل يكون في مكان مفتوح
اذا كانت هالمعلومة صحيحة أتوقع راح اغير التصميم بشكل جذري ...
ولا تنسون إن الشاشة راح تكون معلقة في الجدار ... بس صرت متردد بعد ماقريت انه راح يصعب شبك الاسلاك من الخلف ؟
هل فيه حل لها مثل حامل جداري كويس تنصحوني فيه ؟
هذا بالنسبة للطاولة ... الحين نجي للإضاءة :
إضاءة الغرفة عبارة عن ثريا صغيرة بـ 5 لمبات يمين ويسار المروحة + نجفة ( اللمبة البيضاء الطويييلة ) مثل الصورة ...
ودي أغيرها الى لمبات السبوتلايت أفضل لجو السينما ورحت لإيكيا اذكر عندهم حركات ولقيت مثل ذي
وخاصة انها بلونين أبيض وأسود ... الاسود بيكون فوق الشاشة والأبيض مكان الثريات
طبعا الميزه فيها اني بركب لها مفتاح الديمور اللي يتكم بقوة الاضاءة وهذا صورة واحد عندي بالبيت
هذا اللي عندي واللي بخاطري قلته لكم ., والباقي عليكم وبتعتبرها عيديه منكم
دمتم بود.,