استفسار بخصوص سماعات بوز .. Bose

[نبع الوفاء]

عندي سؤال بخصوص سماعات البوز وش رايكم فيها ما اشوف انكم تكلمون عنها

[mz_milan]

سماعات البوز وبكل امانه ملفته للانتباه وقوية وجميله الشكل وماتاخذ حيز ومساحه بالغرفه وهذا اهم ميزه لها

لكن يوم تسمع مسرح احترافي من المسارح الاعتياديه راح تعطيك احساس وتفاصيل اكبر من بوز واكيد انك ماسمعتها في بوز

راسل اخوي سينمائي اتوقع عنده سماعات Bose او ارجع لموضوعه في قسم بناء السينما المنلزيه واساله عن رايه في مسرح Bose .. يمكن كل كلامي يكون خطأ رغم اني سامعها ومقارن بينها وبين السماعات الاعتياديه الاخرى .. وعلى فكره الناس اذواق والاذن مختلفه من شخص لشخص

الله يوفقك

[East25]

انا عندي هالبكج حق مكتب

وللامانه البوز تعطيك كل التفاصيل الصغيره
بس كرأي شخصي مو سماعات مسرح احترافي

[The Adviser]

كانت لي تجربة مع سماعات بوس بـ 6000ريال بالمحل مرتبين السماعات بغرفة خاصة وشغلت كذا فلم حقيقة سيئة ما أنصح أحد بهالشركة

وبحدود علمي

سماعات ستلايت صغار ماعمرها توصل لمستوى السماعات الستاند الكبار

[HAMANY]

جربتها عند الوكيل في غرفة صغيرة مرة -اعتقد 3x4 اذا مو اقل- وكانت تجربة ممتازة
التفاصيل دقيقة جدا، لو نملة تعطس احتمال تسمعها
اعتقد كان سعر المسرح ب 14 الف

لكن مشكلته البيز فيه ضعيف لأنه لايحتوي على ووفرات جيده للبيز .. والسبوفر الي معاه صغير
على طول استبعدته .. والمشكله الثانية ماتضمن نفس الأداء في غرفة كبيرة

[نبع الوفاء]

والله الموضوع بالنسبة لها محير ناس تقول غير عملية وناس جربتها بالفعل وتقول ممتازة
لكن ودي اسأل اللي جربها فتره عنده وليس من سمع عنها او مر عليها بمحل
هل هي تستحق الاقتناء

[The Adviser]

اخوي ابيك تعرف ان مستحيل الكل يتفق على سماعة وحده

كل له رأي وميول شخصية

ممكن انا تعجبني سماعات ب ٥٠ الف ريال وانت لا

فمو بمجرد تسمع رأي شخص عنده سماعات بوز تقتنع او تعتمد عليه هذا اكبر غلط

الصحيح انك تروح بنفسك للمحلات او لشخص عنده سماعات بوز وتسمع باذنك هل فعلا ناسبتك ام لا وحاول تكون دقيق جدا

بعدها جرب السماعات الكبار صدقني ماراح تقتنع بالبوز نهائيا

لاتغرك اسمها وكثير من الاجانب ذمو الشركة هذي وموضوعه طويل

في عضو معنا هنا اسمه شيزون ان ماخانتني الذاكرة كان عنده سماعات بوز وبعدها غيرهم وشرى ياماها ٧٧٧

انا متأكد ميه بالميه من شخص مسويها لكن مشكك هل هو شيزون ام لا

بامكانك تسأله عن سبب التغيير واعتقد هو افضل شخص تسأله عن بوز

[نبع الوفاء]

ما قصرت ابو عبدالله شكرا لك على اضافتك

[mks_95]

سمَاعة تفكر تشتريها ولا لها مواصفات كاملة بالموقع.؟