بسم الله ورحمة الله وبركاته
كل عام وانتم بخير يااخوان
ودي بمسرح منزلي على قد حالي انا املك استريو معاه خمس سماعات وأوفر من نوع JVC وبرضو عندي مشغل ديفيدي معاه خمس سماعات وأوفر من نوع JVC
فكرت آخذ رسيفر 5.1 أو 7.1 واشبك سمعات المسجل وجهاز الديفيدي معاه اشبك السماعات والوفرتين
سؤالي وهو هل تنفع الطريقه هذي ولا لازم اشتريلي سمعات خاصة طبعاً ودي برسيفر يدعم 3D DTS
تبغى تشغلها.؟ دامك ناوي فأكيد بتشتغل.. لكن كيف بيكون الأداء.؟ ومتى تخرب.؟ وهل بتكون توزيع صحيح.؟
رأيي إنك تمشي نفسك بالمسرح اللي معك,, وتبدأ تجمَع مسرحك الجديد حبة حبة حسب إحتياجك من تعدد القنوات 7.1 والمداخل HDMI,, وامكانية دعم الـ 3D..
لو اخترت الطريقة هذي فبتوصل لمسرح احترافي مرضي لك لأن الصبر سهل عليك بوجود مسرح سابق تمشي فيه وضعك.. وإذا حبيت وشريت الـ AV-R أول وفكرت تشبك سماعات المسرح القديم عليه (كـ 5.1) فتقدر لكن بيخرب عليك في غمضة عين بأي سبب من الأسباب خصوصا لو أخذت في الإعتبار ان شركات المسارح العادية تبني سماعاتها على Impedance قليلة جدا توصل للـ 2ohm ولو رسيفرك شغل هالنوع من المقاومة (نظريا) فالواط لها بيكون خيالي وحرارة الرسيفر بتكون أعلى وممكن تخرب سماعاتك أو يضرب التويتر عليك بالأول,, أيهم يسبق أولا.. أقل الاجهزة اللي بتضرر في المسرح القديم في حال توصيله بالرسيفر الجديد هو السبووفر لأنه بياخذ وقت اطول حتى يطلع صوت دجَ جَ جَ بعدين الطنين لحد مايخرب..
اهلين حبيبي ياخوي امس قريت موضوعك وارتفع عندي الإدرينالين لخشمي ونويت اخربهاواخذ لي مسرح مايزيد عن 2500 ريال بحكم صالتي الصغيرة تقريبا 4*4
مريت على الدولية وحصلت باكيج ياماها YHT-296 بسعر 2450 ريال بس قالي بعد خمس ايام تخفيض 25% يعني 1840 ريال
في شغلة ثانية اشوف الاخوان يمدحون الدينون شرايك انت
على فكرة عندي ابليفاير من بايونير واوفرة كنت مسلكهم في السيارة بس الحين ما استخدمهم هل ينفعون للمسرح المنزلي
اذا احترت بين الشركات المصنعة للمسارح ارجع للمواصفات وبالأخير إذنك هي الحكم,, روح واسمع..
الـ Subwoofers للسيارات يكون Passive لأن ماله amp داخلي يشغله.. مشكلة سبووفرات السيارات انها ايقاعية وحدها بالكثير تجاري أغاني الـ Hip hop اللي التردد فيها بالنزول يوصل الى 80Hz/60Hz بالكثير,, بينما مواصفات سبووفرات السيارات توصل لـ 40Hz (غير اختبارات punch test للمواقع المتخصصة وتكذيبها للمواصفات المزعومة).. لاتنسى ان الشركات زي Pioneer, Kenwood,...etc سبووفراتها المخصصة للسيارات سيئة في معظم موديلاتها.. لو حبيت شيئ سعره مناسب وأداءه جيد شوف JBL أو Clarion مع التحفظ لبعض الموديلات من كلا الشركات المذكورة فوق,, بالأخص ان فيه شركات سبووفرات للسيارات احترافية بشكل مذهل..
باختصار عشان تشبك سبووفر السيارة بالغرفة يبغاله مزود كهرباء للـ amp أو تولَف.! والـ amp أصلا هو 4Channel يعني ماهو مخصص للـ Sub بشكل كلي, لكن هو يشغل Component السيستم للسيارة كامل من Midrange, tweeter, subwoofer.. أنا أقولك لاتتعب نفسك لانها خسارة عالفاضي لاسبووفر مواصفاته صاحية ولا امبليفاير مضبوط,, والأسوأ إن الصندوق مسوى عشوائي بدون أي قياسات حسابية دقيقة.. إفتقار لمسات الـ DIY تنقص من إحترافية العمل..
اقتباس
